Кэбээйи нэһилиэгэр СӨ култууратын миниистирэ Афанасий Ноев, Олоҥхо институтун салайааччыта Руслан Анисимов, Олоҥхо ыһыаҕын режиссера Руслан Тараховскай үлэлиир бөлөҕө кэлэн тэрилтэ салайааччыларын, култуура салаатын үлэһиттэрин кытта 2026 сыллаахха ыытыллыахтаах Олоҥхо ыһыаҕын тэрээһинигэр бэлэмнэнии хаамыытын билсэ, нэһилиэнньэни кытта көрсөн атах тэпсэн кэпсэтээри кэлэ сылдьаллар. Бу туһунан «Дабаан» хаһыат суруйар.
Мунньах кэмигэр бу улахан суолталаах ыһыахха бэлэмнэниигэ култуура үлэһиттэрин тэрээһин өттүгэр санааларын, этиилэрин иһиттилэр. Ол курдук, кэбээйилии оһуохайы толорууну, тоҕус мэҥэ хамсаныыны олус сэргээтилэр, болҕомтоҕо ыллылар. Улуус хас биирдии олохтооҕо кыһамньытын ууруохтааҕын өссө биирдэ тоһоҕолоон бэлиэтээтилэр.
Светлана Оконешникова
Читайте нас в:
