Бүгүн Далыр нэһилиэгэр «Биир ньыгыл Россия» баартыйа «Саҥа оскуола» бырайыагын чэрчитинэн хапытаалынай өрөмүөнэ түмүктэммит, саҥардыллыбыт оскуолаҕа маҥнайгы чуораан чугдаарда.
Ол курдук, «Саҥа оскуола» бырайыак көҕүлээһининэн оҥоһуллубут «Оскуолалары саҥардыы» федеральнай бырагыраама өйөбүлүнэн Далыр нэһилиэгэр 2008 сыллаахха тутуллубут оскуола бүтүннүү өрөмүөннэннэ, материальнай-техническэй базата саҥардылынна.
Быйылгы үөрэх дьылыгар Далыр орто оскуолатыгар барыта 95 оҕо үөрэнэр, 5 оҕо маҥнайгы кылааска киирдэ.
Далыр нэһилиэгин баһылыга Георгий Егорович кылааһынньыктарынаан, 1985 сыллааҕы выпускниктар, быйыл бастакы кылааска киирбиттэрэ 50 сылын туолбут. Бу үөрүүлэрин быйылгы маҥнайгы кылаас үөрэнээччилэрин кытта үллэстэ, оҕолорго урок аахтарга анаммыт остуоллары уонна олохтоох дьаһалтаттан «первоклассник наборун» бэлэх туттардылар. Маны сэргэ, саҥардыллыбыт оскуолаҕа ыскаамыйалаах «Я люблю Далырскую СОШ» диэн анал
стела туруордулар.
Далыр нэһилиэгин олохтоохторун, оскуола коллективын уонна үөрэнээччилэрин саҥардыллыбыт оскуола аанын аспытынан, саҥа үөрэх сыла саҕаламмытынан итиитик-истиҥник эҕэрдэлиибит! Баҕарабыт ситиһиини, үрдүк кыайыылары, элбэх саҥа билиини!
Читайте нас в:
