2025 сылга спорт национальнай көрүҥнэригэр ыытыллар «Манчаары оонньуулара» буолара аҕыйах хонук хаалла. Томпо оройуонун хамаандата бу тэрээһиҥҥэ кыттарга күүстээхтик бэлэмнэнэ сылдьар, диэн «Томпо илдьитэ» суруйар.
Оройуоннааҕы физкультура уонна спорт салаатын начальнига Евгений Колодезников:
— Спартакиадаҕа күүстээх бэлэмнэнии бара турар. Хамаандабыт күрэхтэргэ бэлэм дии саныыбын. Манчаарыга уопсайа 11 көрүҥ баар. Биһиги оройуоммут хамаандата 8 көрүҥҥэ кыттыаҕа. Уопсайа Томпо оройуонун аатыттан спартакиадаҕа 35 спортсмен бары көрүҥҥэ кыттыаҕа.
Хас биирдии көрүҥҥэ анал тириэньэрдэр үлэлииллэр. Буулдьанан ытыыга – С.П. Попов, хапсаҕайга – А.А. Павлов, гиирэ успуордугар – С.Р. Дарбасов, ох саанан ытыыга – П.С. Андросов, мас тардыһыытыгар – И.И. Заровняев, С.М. Сыромятников, хотугулуу многоборьеҕа – Е.А. Голиков.
Бу күн 37 путевка ыллыбыт. Үс путевканы Петр Сячиков (ыстаҥаҕа, куобахха, кылыыга) аҕалла.
Хапсаҕайга уопсайа — 5 путевка. Оҕолорго — Егор Чернов, бэтэрээннэргэ — Иннокентий Федоров (90 кг), эр дьоҥҥо — Юрий Сыромятников (65 кг), Дьулус Неустроев (75 кг).
Мас тардыһыытыгар (11 путевка). Ол курдук, Николай Тегюрюков (60 кг), Дмитрий Саввин (65 кг), Ильдар Колодезников (80 кг), Ариан Мярин (90 кг), Валентин Горохов (125 кг), Сергей Фролкин (125 киилэ үөһэ).
Кыргыттарга — Надежда Христофорова (85 кг) уонна Ирина Севрюк (75 кг). Оҕолорго — Кеша Неустроев (50 кг), Макар Потапов (60 кг), Айсен Заровняев (80 кг).
Хотугулуу многоборьеҕа: кыргыттарга — Елизавета Слепцова, эр дьоҥҥо -Альберт Погодаев.
Национальнай многоборьеҕа Алексей Протодьяконов кыттыаҕа.
Гиирэ успуордугар Дмитрий Ромашко (85 кг), Эдуард Гоголев (78 кг), Харысхан Протопопов (73 кг), Айгылаан Степанов, Римма Захарова кыттыахтара.
Буулдьанан ытыыга: оҕолорго — Сайыына Матаркина, Олег Яковлев, бэтэрээннэргэ — Василий Бурнашев уонна Сардаана Никитина.
Ох саанан ытыыга: оҕолорго — Назаров Владимир, Лилия Колодезникова, эр дьоҥҥо — Алексей Бурцев, дьахталларга — Дженнифер Дарбасова, бэтэрээннэргэ — Василий Егоров уонна Анна Мондоева.
Спортсменнарга, тириэньэрдэргэ ситиһиини баҕарабыт. Спартакиадаҕа хамаандабыт үчүгэй көрдөрүүлээх кыттыа диэн эрэнэбит.
Мария Захарова
Өссө ааҕыҥ:
Орто Халыма «Манчаары оонньуулара» спартакиада аҕыс көрүҥэр кыттыаҕа
Читайте нас в:
