«Далбар Хотун» сурунаал хаһаайкаларга анаан бэрт судургу ырысыаптары билиһиннэрэр.
ХАППЫЫСТАТТАН БӨРҮӨК
- Бурдук— 200 г
- Сымыыт— 3 устуука
- Суорат— 150 мл
- Сүөгэй— 2 улахан ньуоска
- Туус— 1 кымаах
- Суода— 0,5 кыра ньуоска
- Хаппыыста— 0,5 кг
- Моркуоп— 1 устуука
- Эриэппэ луук— 1 устуука
Астааһына:
- Сымыыты, суораты, сүөгэйи, тууһу, суоданы, бурдугу — барыларын холбоотоххуна убаҕас соҕус тиэстэ тахсыахтаах.
- Аалыллыбыт моркуобу, кыра гына кырбаммыт луугу ыһаарылаа. Онно кырбаммыт хаппыыстаны уонна 2 улахан ньуоска ууну кутан биэр, буһар. Тууһаа, лимон сүмэһининэн ыстар.
- Халыыбы арыынан сотон баран тиэстэ аҥарын кут, ол үрдүгэр хаппыыста туолбатын тарҕат уонна ордубут тиэстэни үрдүгэр халыт.
- 180 кыраадыска диэри сылыйбыт оһоххо 25 мүнүүтэ кэриҥэ буһар.
ХОРТУОППУЙ НАЧЫЫННААХ БИЛИИНЭЛЭР
- Сымыыт— 3 устуука
- Саахар— 3 улахан ньуоска
- Суода— 1 кыра ньуоска
- Туус— 1 кыра ньуоска
- Суорат— 0,5 л
- Итии уу— 0,5 л
- Бурдук— 15-16 улахан ньуоска
- Мас арыыта— 4 улахан ньуоска
Туолба:
- Хортуоппуй
- Эриэппэ луук
- Күөх луук
- Укроп
Астааһына:
- Сымыыты, саахары, тууһу, суоданы бииргэ булкуй.
- Итии ууну үрдүгэр кут.
- Бурдуктаа, үчүгэйдик булкуй.
- Суораты уонна мас арыытын эбэн биэр.
- Чараас гына арыынан биһиллибит хобордооххо биир-биир астаа.
- Хортуопуйу ууга буһар, тууһаа, ньыһый. Эриэппэ луугу ынах арыытыгар ыһаарылаа. Укуруобу, сибиэһэй күөх луугу эбэн биэр.
- Билиинэни туолбалаа, мөһөөччүк курдук быһыылааҥҥын күөх луугунан баайыаххын сөп.
Өссө элбэх сонун ырысыабы «Далбар Хотун» сурунаал саҥа саайтыгар булан ааҕыҥ, дьоҥҥутун үөрдэ-көтүтэ күндүлээҥ!
Татьяна Пестрякова
