САХА СИРЭ. Олунньу 2 күнэ- ULUS.MEDIA.  Кулун тутар маҥнайгы күнүгэр Ил Түмэн алын саалатыгар норуот дьокутааттара, ыччат хамсааһыннарын салайааччылара, учууталлар уонна дириэктэр сүбэһитэрэ кыттыылаах “Наставничество в движении первых” төгүрүк остуол буолан ааста. Олунньу 7 күнүгэр Ил Дархан Айсен Николаев хамсааһын наставнигынан регистрацияламмытын туһунан биллэрбитэ.

Бүгүҥҥү тэрээһин сүрүн хайысхата “Бастыҥнар хамсааһыннара” хамсааһын тула буолла. Кэпсэтии бастакы чааһыгар бу сылиһигэр оҥоһуллубут үлэ туһунан сырдаттылар. Ыҥырыылаах ыалдьыттарынан: Саха Өрөспүүбүлүкэтин норуотун дьокутаата, “Бүтүн Арассыыйатааҕы норуот фронун” салайааччыта – Валерий Алексеевич Лютый, Үөһээ Бүлүү улууһун Дүллүкүтээҕи “Десантник” военно-патриотическай десантнай клубу төрүтээччи, Саха Өрөспүүбүлүкэтин үтүөлээх учуутала –  Николаев Владимир Николаевич, “Судаарыстыба иһинээҕи дьыалалар уонна судаарыстыба иһинээҕи войскалар бэтэрээннэрин уопсастыбаннай тэрилтэлэрин” салайааччыта –  Местников Василий Васильевич буоллулар.

Тэрээһин иккис чааһыгар “Бастыҥнар хамсааһыннарын” сүрүн сыалын чопчулааһын, инникигэ туох сорудахтар туралларын уонна ханнык оҕо уонна уопсастыба кыһалҕаларын быһаарыахтааҕын туһунан сиһилиии кэпсэттилэр. Оҕо үөрэҕин таһынан дьарыктары тэрийии, оҕону иитии барыбыт уопсай сыалбыт буоларын чопчулаатылар. Тэрээһини иилээн-саҕалаан ыыппыт Саха сиринээҕи “Бастыҥнар хамсааһыннарын” бэрэссэдээтэлэ, норуот дьокутаата – Оксана Тагировна Михайлова: «Оҕону иитиигэ биир санаанан кыттыһан, Правительство бэрэсэдээтэлин солбуйааччы Ольга Балабкина салайыытынан  ведомстволар икки ардыларынааҕы наставниктар түмсүүлэрэ таһаарыылаахтык үлэлииригэр кыһаныаххайыҥ»,-диэн ыҥырда.

Прокопий Софронеев