Алексей Александрович Томтосов комсомол күөгэйэр күнүгэр обком бастакы сэкирэтээринэн уонна компартия баһылыыр кэмигэр киин кэмитиэккэ салайар үлэҕэ сылдьыбыта.

1993-96 сс. Дьокуускай куорат аҕа баһылыгынан талыллан киэҥ далааһыннаах үлэни ыыппыта. Ону тэҥэ ити сылларга Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччытыгар тиийэ ананан, социальнай политика, үөрэҕирии, билим боппуруостарын салайбыта.

Ити кэннэ 1996 сыллаахтан дойду федеральнай министерстволарыгар миниистир солбуйааччытынан үлэлээбитэ. Чуолаан Россия омугун уонна федеративнай сыһыаннаһыылар боппуруостарын, федерация дьыалатын, национальнай уонна миграционнай политика

хайысхатын сүрүннүүрэ. Ол сылдьан омуктар икки ардыларыгар иллээх-эйэлээх сыһыаны олохтуурга, национальнай политика сайдыытыгар дьоһун кылаатын киллэрбитэ.

Бу күннэргэ үрдүк таһымнаах салайааччы, дойду уонна республика дьылҕатыгар бэлиэ суолу хаалларбыт, социальнай-экономическай сайдыыга төһүү күүс буолбут Алексей Томтосов 80 сааһын туолла. Ил Дархан Айсен Николаев киниэхэ Саха Өрөспүүбүлүкэтин үрдүк наҕараадатын «Хотугу сулус» уордьаны кэтэттэ.

Алексей Томтосовтыын кэпсэтиини сиһилии истиҥ.