«Чолбон» сурунаал саҥа нүөмэригэр ааҕыҥ:
1997-2005 сылларга «Чолбон» сурунаалга бас эрэдээктэринэн үлэлээбит суруйааччы Петр Аввакумов уус-уран литература таһаарар сурунаалын суолтатын туһунан «Чох курдук чоҕулуйа умайар» ыстатыйата;
Егор Картузов сааскы булт мүччүргэннээх уонна суостаах түгэннэрин ойуулуур «Куба салгын кута», 90-с сыллар тыйыс тыыннарынан аҥылыйар «Ыҥырыллыбатах ыалдьыт» кэпсээннэрэ;
Валерий Андросов төрүт олохтоохтор уонна сир баайын хостуур кэлии дьон айылҕаҕа сыһыаннарын арыйар «Үчүгэй да күһүн» кэпсээнэ;
Илья Семенов уустаан-ураннаан дьүһүйүүтүгэр аммалар түҥ былыргы өбүгэлэрэ «Хоро оҕонньор», «Мэндэҥэ Хотун», «Бөрө Бөтүҥнэр» тустарынан номохтор;
Түҥкэтэх сайылыкка олорор саха ыалын уонна нуучча картографтарын алтыһыылара хайдах түмүктэниэй? Ол туһунан Надежда Кардашевская-Куттаах «Солуурчах кылдьыыта» кэпсээнэ;
Таатта улууһун Чөркөөҕүгэр олорор поэт Елена Филатова-Сыгыйык «Сырдык күҥҥэ санаам сайҕаныа…» хоһоонноро;
Калмык суруйааччыта Андрей Джимбиев кырдьаҕас саллаат кутугар-сүрүгэр умнубакка сылдьар ыар түгэнин туһунан «Болдьоҕо суох дьол уонна сор» кэпсээнэ Анастасия Еремеева тылбааһыгар;
Утум Захаров «Артыыс Иннокентий Луковцев Кыһыл көмүс мааскатын кэтэҕэ» диэн бар дьон таптыыр артыыһа бу идэҕэ хайдах уһаарыллыбытын ойуулуур уочарката;
Дьааҥыттан кыраайы үөрэтээччи Владислав Кривошапкин саха саарына мүччүргэннээх 1917-1919 сыллардааҕы олоҕун кэрчигин сырдатар «Өксөкүлээх Өлөксөй – Үөһээ Дьааҥы уокуругун салайааччы» диэн чинчийэр үлэтэ;
Суруйааччы Михаил Доҕордуурап төрөөбүтэ 120 сылынан кыыһа Татьяна Гаврильева «Аҕабыт Мэхээлэ Доҕордуурап» уонна Сардаана Ойуунускайа «Амарах дууһалаах дьон» ахтыылара;
Таатта улууһун Баайаҕатын «Көмүлүөк күлүмэ» айар түмсүүтүн ырытааччылара Ольга Макарова, Владимир Андросов, Маргарита Егорова суруйааччы, суруналыыс Олег Сидоров «ЖЗЛ: Биография продолжается…» серияҕа тахсыбыт «Борис Неустроев-Мандар Уус» кинигэтигэр бэлиэтээһиннэрэ;
Сайыына Черкашина «Истиҥ сыһыан бэлиэтэ» диэн «Чолбон айар кыһата» бырайыак «Туймаада ыһыаҕын кэпсээннэрэ» түһүмэҕэр биэс бастыҥ иһигэр киирбит Ульяна Захарова «Алтан симэх» кэпсээнигэр рецензията;
Инара Федорова-Татаринова «Сырдык тырым уот буолар айымньы» диэн Роман Попов «Хатыллыы» кэпсээнигэр харда санаата;
«Оҕоҕун кытта аах» рубрикаҕа «Умнаһыт уонна кэччэгэй» диэн Египет остуоруйата Николай Якутскай тылбааһыгар.
Күн – сири, «Чолбон» – саханы сырдатар.
Алгыһы кытта «Чолбон» сурунаал
Читайте нас в:
