«Чолбон» сурунаал 2026 сыл кулун тутардааҕы нүөмэригэр:
— «Кыһыл ыллык» сурунаал1-гы №-гэр тахсыбыт эрэдээксийэ аан тыла;
— эдэр саас сырдык таптала уонна кырдьар саас алтыһыыларын туһунан Айысхаана «Араҕас тюльпаннар» романтикалаах кэпсээнэ;
— тэтимнээх олоххо эр киһи уонна дьахтар, биир дьиэ кэргэн хардарыта болҕомто биэриилэрин суолтатын арыйар Огдо «Абрикос» кэпсээнэ;
— киэҥ Саха сирин хайа эрэ муннугар баар эрээри суох дьон олороллорун туһунан Наталия Рязанская «Суох киһи» кэпсээнэ;
— Нам олоҥхоһута, ССРС суруйааччыларын сойууһун чилиэнэ Прокопий Ядрихинскай-Бэдьээлэ төрөөбүтэ 125 сылынан «Алтан чуораан айахпынан алҕаан-албаан ыллаатым» тойуктарын ситимэ;
— 2025 сыл түмүгүнэн сурунаалбыт Алампа Софронов аатынан Бастакы эрэдээктэр бириэмийэтин поэзияҕа лауреата Елизавета Мигалкина «Биир маҥан былыттан халты тэбинэн өрө көтүөххэ…» саҥа хоһооннорун ситимэ;
— Чурапчыттан поэт Ольга Янцен «Таптал диэн бурҕалдьы буолбатах, кутаа уоттуу кыыһа туруохтаах…» саҥа хоһооннорун ситимэ;
— татаар норуотун суруйааччыта Камиль Каримов аныгы тыа сирин көрүдьүөстүк ойуулуур «Хараҥа тыаҕа хара куоска» кэпсээнэ Сэмэн Тумат тылбааһыгар;
— айан уонна этиттэрии, чинчийии уонна бэйэни көрдөнүү нөҥүө саха төрүт дорҕоонун мындаатыгар үктэнии туһунан Утум Захаров «Төрүт дорҕоон түсчүттэрэ Герман уонна Клавдия Хатылаевтар» ыстатыйата;
— бэйэтин киэн тутта «һакабын!» дэнэр Таймыыр кыыһа Ксения Большакова долган омук уустук уонна ураты олохторун ойуулуур «Булуус да ирэр» эсселэрин ситимэ;
— кыраайы үөрэтээччи Татьяна Андросова «Федора Слепцова: Аан дойду бастакы сэриитигэр кыттыбыт саха кыыһа хантан хааннааҕый?» диэн кэргэнин батыһан уоттаах сэриигэ тиийбит хорсун саха кыыһын аймахтарын туһунан ыстатыйата;
— этнопедагог Галина Попова-Санаайа Үөһээ Бүлүү олоҥхоһута Андрей Титаров «Хардааччы Бэргэн» олоҥхотугар бэлиэтээһиннэрэ;
— «Биллиилээх суруйааччылар биографиялара» рубрикаҕа профессор Варвара Окорокова суруйуутугар «Варвара Потапова. Үүнэр үйэлэргэ үрүҥ алгыс» саха бастакы поэт дьахтарын олоҕун сэһэнэ;
— Намтан учуутал Матрена Новгородова Данил Макеев «Оҕом аҕалаах буоллаҕына…» сэһэнин ырытарга холонуута;
— «Чолбон айар кыһата» бырайыак сэттэ кыттыылааҕын Саҥа дьыллааҕы кэпсээннэригэр Саха сирин үгүс муннугуттан киирбит ааҕааччыларбыт санаалара;
— «Билии түһүлгэтэ» рубрикаҕа филология наукатын доктора Нина Иванова Дьокуускай куоракка саха уонна нуучча тылларын алтыһыыларын анаарар «Икки тылланыы көхтөөх кэмигэр сахалыы тылланыы этэҥҥэ буолуута: этносоциолингвистикалыы үөрэтии» ыстатыйата;
— «Оҕоҕун кытта аах» рубрикаҕа норуот суруйааччыта Николай Якутскай тылбааһыгар «Иҥсэлээх Пак» диэн кэриэй мындыр остуоруйата.
Күн – сири, «Чолбон» – саханы сырдатар.
Алгыһы кытта «Чолбон» сурунаал
Читайте нас в:
