Олунньу 27-кулун тутар 1 күннэригэр Горнай улууһун киинигэр — Бэрдьигэстээххэ 2009-2010 сыллаах төрүөх уолаттарга уонна кыргыттарга мас тардыһыытыгар биирдиилээн уонна хамаанданан бастыыр иһин өрөспүүбүлүкэтээҕи күрэхтэһии буолла. Таатта улууһун үүнэн иһэр спортсменнара тренердэр П.П. Стрекаловскай, В.И. Аввакумов дьарыктааһыннарынан ситиһиилээхтик күрэхтэһэн, уопсай түмүккэ иккис миэстэҕэ таҕыстылар.
Ытык Күөл бастакы нүөмэрдээх орто оскуолатын үөрэнээччитэ Сахайаан Бурнашев 65 киилэҕэ бастаата, эмиэ бу оскуола үөрэнээччитэ Толя Дьяконов 70 киилэҕэ, П.А. Ойуунускай аатынан Чөркөөхтөөҕү орто оскуола үөрэнээччитэ Айдын Аввакумов 90 киилэҕэ үһүс миэстэни ыллылар. Уолаттар бары онус кылааска ситиһиилээхтик үөрэнэллэр. Төрөппүттэр утумнаахтык дьарыктыыр тренердэргэ, күүстээх мадьыныларга Петр Стрекаловскайга, Вячеслав Аввакумовка сыралаах үлэлэрин, мас тардыһыы федерациятын бэрэссэдээтэлигэр, «Тааттавтодор» АО генеральнай директорыгар, меценат, СӨ Ил Дарханын М.Ф. Габышев аатынан “Попечитель и меценат” бириэмийэтин лауреата Иван Бочониҥҥа көмөтүн, өйөбүлүн иһин барҕа махталларын тиэрдэллэр.
Читайте нас в:
