Нам улууүугар 9-с төгүлүн З.А. Тихонова аатынан «Түөлбэ» оҕо сайдар киинин үөрэнээччилэрин иһигэр бизнес бырайыактар куонкурустара ыытылынна. Бу туһунан «Эҥсиэли» хаһыат суруйар.
Бу куонкуруһу «Түөлбэ» оҕо сайдар киинэ уонна «Мой бизнес» киин тэрийэн ыыттылар. Улууспут оскуолаларыттан 13 үөрэнээччи күөн көрүстүлэр: 1 Хомустаах орто оскуолатыттан 5 оҕо, Модут оскуолатыттан 1, Хатыҥ Арыы оскуолатыттан 1, Намнааҕы гимназияттан 2, Нам 1-кы нүөмэрдээх оскуолатыттан 2, 2-с нүөмэрдээх оскуолатыттан 1, Бөтүҥ оскуолатыттан 1.
Экспертарынан улууспут урбаанньыттара кытыннылар. Аммосова Кира Кировна,«Урсун» тэрилтэ салайааччыта, ИП Дмитриева Лена Владимировна, «Фудмания» «Фудстоп» салайааччыта, ИП Свинобоева Сардаана Васильевна, «Дана Дент» стоматологическай кабинет салайааччыта, Жиркова Люция Михайловна,«Бизнес центр» киин менеджерэ, Третьякова Татьяна Васильевна, профессор, педагогическай наука доктора, Макарова Алёна Григорьевна «Светлана» магазин салайааччыта оҕолор үлэлэрин сыаналаатылар. Хас биирдии тиэмэҕэ кэлбит ыалдьыттар үөрэнээччилэргэ көмөлөһөн сүбэ-ама буолуллар.
Олус интэриэһинэй, чаҕылхай үлэлэр киирбиттэриттэн 5-7 кылаастарга 1 миэстэни 1 Хомустаах орто оскуолатын үөрэнээччитэ Птицын Эрсан «Автомойка» диэн бизнес бырайыагынан ылла. 2 миэстэни 1 Хомустаах орто оскуолатыттан Жиркова Есения «Изготовление гипсовых изделий» үлэтинэн, 3 миэстэни Хатыҥ Арыы оскуолатыттан Изюмская Злата уонна Парникова Влада «Производство мыла в домашних условиях» үлэлэринэн ситистилэр.
8-11 кылаастарга 1 Хомустаах орто оскуолатыттан Мамаев Айаал «Тарбах тардыһыы» бизнес бырайыагынан бастаата. 2 миэстэ Бөтүҥ орто оскуолатын үөрэнээччитэ Кириллин Сулустаан «Производство и реализация тротуарных плиток» үлэтэ буолла. 3 миэстэ Нам гимназиятыттан Таня Охлопкова «Клубника в шоколаде» бизнес бырайыага буолла.
Оҕолорбут сэмэй бырайыактарынан дьоһуннаах хардыыны оҥордулар. Тэрийээччилэр бары кыттааччыларга барҕа махтал этэн туран, өссө үрдүк ситиһиилэри баҕардылар.
Люция Жиркова, «Бизнес-центр» киин менеджерэ
Читайте нас в:
