СӨ ыччат дьыалатын уонна социальнай алтыһыытын миниистирэ Петр Шамаев Ил Дархан Айсен Николаев үгэскэ кубулуйбут Туһаайыыта өрөспүүбүлүкэни бүтүннүү хабарын сэргээтибит диэн санаатын үллэстэр.
«Туһаайан этиигэ тыа сирэ, улуустар сайдыыларыгар улахан болҕомто ууруллубутуттан үөрдүбүт. Ыччат тыа сиригэр олохсуйуутугар бу төһүү буолара саарбаҕа суох. Ону тэҥэ кэлэр сыл Култуура сылынан биллэриллиитэ эмиэ бэрт. Бу эйгэҕэ үгүс эдэр киһи үлэлии-хамныы сылдьар. Туһаайыы чэрчитинэн үлэлииргэ бэлэммит», — диир миниистир.
Петр Витальевич Дьокуускайга бырабыыталыстыба өйөбүлүнэн «Патриот» диэн элбэх хайысхалаах ыччат киинэ арыллыыта тустаах араҥа бэлиитикэтэ тупсуутугар улахан суолталааҕын бэлиэтээтэ.
«Маннык бырайыактарга атын эрэгийиэннэргэ, национальнай өрөспүүбүлүкэлэргэ холобур буолар үлэни ыытарга былааннанан сылдьабыт», — диэн бэлиэтиир Шамаев.
Хаартыска: Улус.Медиа
Также читайте:
Артем Александров: Послание Главы Якутии задало четкий курс развития агропромышленного комплекса
Читайте нас в:
