Байыаннай дьайыы эр санаалаах, хорсун дьоруойдарын ааттарын үйэтитии – биһиги ытык иэспит.
И.С.Жараев аатынан Саха Өрөспүүбүлүкэтин норуоттарын аудиовизуальнай нэһилиэстибэтин национальнай киинэ анал байыаннай дьайыы устуоруйатын үйэтитэр киинэ-видео докумуоннары хомуйар, пуондаларынан түмэн, архыыптыыр. Саха сиригэр олорор норуоттар, байыаннай дьайыы кэмигэр тус кылааттарын киллэрсибит волонтердар, доруобуйа харыстабылын, култуура эйгэтин үлэһиттэрэ, айар-тутар патриоттар о.д.а. араас хайысханан буойуттар ааттарын киэҥ араҥаҕа таһааран, ыччакка, оҕолорго сырдаталлар. Байыаннай дьайыы дьоруойдарын сырдык кэриэстэригэр арыллыбыт мемориальнай дуоскалар, аһаҕас кылаас чаастара, акциялар, тэрээһиннэр уһуллубут түгэннэрэ киириэхтэрин сөп.
Маннык хамсааһыҥҥа үрдүк, орто анал үөрэх тэрилтэлэрэ, оскуолалар, биирдиилээн түмсүүлэр бэйэлэрэ устубут киинэ-видео докумуоннарын ханнык баҕарар носительга аҕалан туттаралларыгар хааччах суох.
И.С.Жараев аатынан Саха Өрөспүүбүлүкэтин норуоттарын аудиовизуальнай нэһилиэстибэтин национальнай киинэ байыаннай дьайыы кыттыылаахтарын үйэтитиигэ сыһыаннаах дьиэ кэргэн, биирдиилээн тус олоххо сыһыаннаах, байыаннай устууларга хааччахтары тутуһар: туттарааччыттан көҥүлэ суох иккис уонна үһүс киһи туһанарыгар көҥүл анал дуогабар, эбэтэр сүбэлэҥ нөҥүө оҥоһуллар.
Биһигини кытта: Дьокуускай куорат, Курашов аатынан уулусса, 46 нүөмэрдээх дьиэтигэр кэлэн билсиҥ.
Эппиэттээх: Пшенникова Анна Владимировна, тэрилтэ пуондатын сүрүн харайааччы. Электроннай почтата Psennikovafnnf@gmail.com телефона +7-962-735-69-46
Михайлов Гаврил Пантелеймонович, түмүүгэ уонна экспэртиизэҕэ отдел сэбиэдиссэйэ телефона — +7-984-106-59-05
Анал байыаннай дьайыы дьоруойдарын аатын үйэтитиигэ биир санаанан түмсэн үлэлээтэхпитинэ эрэ, буола турар түгэни, үйэлэргэ хаалларыахпыт.
Хаартыска: Улус.Медиа
Читайте нас в:
