Сахамин Афанасьев, Россия Федерациятын сенатора, бу күннэргэ бэйэтин тус социальнай ситимин бөлөҕөр билигин буола турар быһыыга-майгыга тус санаатын этиннэ.
«Саха Өрөспүүбүлүкэтин историятын уонна култууратын харыстааһын судаарыстыбаннай суолталаах үлэ буолар уонна Саха Өрөспүүбүлүкэтин Конституциятынан (Сүрүн Сокуон, 33-c ыстатыйа) хааччыллар. Өрөспүүбүлүкэҕэ история уонна култуура харыстабылын туһунан улахан хабааннаах үлэ ыытыллар. Саха Өрөспүүбүлүкэтин «Россия Федерациятын норуоттарын культуратын уонна историятын харыстабылын туһаныыны, тарҕатыыны уонна судаарыстыбаннай харыстабылын туһунан Саха Өрөспүүбүлүкэтигэр туһунан бырааптары толоруу туһунан» сокуона, өрөспүүбүлүкэ уонна муниципальнай тэриллиилэр нормативно-правовой актара бу салааны сайыннараллар уонна хонтуруоллууллар. История, архитектура уонна култуура харыстабылын эбийиэктэрин испииһэгэ оҥоһуллар. Холобур, бүгүҥҥү күҥҥэ 300-чэ история нэһилиэстибэтин эбийиэктэрэ баара бэлиэтэммит. Бу испииһэк саҥардыллар, эбийиэктэр муниципальнай уонна өрөспүүбүлүкэ хааһынатын көмөтүнэн хааччыллаллар. Бу историктар, архивистар, энтузиастар уонна уопсастыбанньыктар сүҥкэн үлэлэрин түмүгэ. Ол чаҕылхай холобурунан Үөһээ Бүлүү, Нам уонна Таатта улуустарыгар баар судаарыстыбаннас түмэллэрэ буолаллар, түмэллэргэ сүрүн экспозицияларынан Саха Өрөспүүбүлүкэтин олохтонуутун историята, өрөспүүбүлүкэ салайааччыларын олохторо, большевиктар баартыйаларын уонна сэбиэскэй кэм оруола көрдөрүллэр. Саха Өрөспүүбүлүкэтин Ил Дархана история нэһилиэстибэтин харыстыырга улахан болҕомтотун уурар. Саха Өрөспүүбүлүкэтигэр история өйдөбүнньүктэрин уонна чахчыларын суох оҥоруу буола илик уонна буолбат», — диэн Сахамин Миланович этэр.
Маны сэргэ, Сахамин Афанасьев патриотическай сыһыан туһунан олохтоохтук эппит:
— Билиҥҥи кэмҥэ Саха Өрөспүүбүлүкэтигэр бэлиитикэҕэ сокуону тутуһуу, омуктар икки ардыларынааҕы эйэни уонна доҕордоһууну хааччыйыы тула сыаллаах үлэ ыытыллар. Уопсастыбаҕа өстөһүүнү, арахсыыны уонна сокуону буортулуур атын дьайыылары үөскэтии, ону тэҥэ Конституцияҕа сөп түбэспэт быһыылары оҥоруу хайдах да көҥүллэммэт. Бу Саха Өрөспүүбүлүкэтин Конституциятыгар (Сүрүн Сокуон) киллэриллибит уонна Саха Өрөспүүбүлүкэтин Баһылыга бу принциптэр барытын мэктиэтэ буолар. Бу быһыылары бобуулаах хамсааһыннар дьайыыларыгар тэҥниир табата суох.
Быстах байыаннай дьайыы кэмигэр Саха Өрөспүүбүлүкэтин Баһылыгын салалтатынан норуот фашизмы утары туруутун, Арассыыйа Бэрэсидьиэнин бэлиитикэтин өйүүрүн, бииргэ түмсэрин уонна патриотическай тыыннааҕын көрдөрдө. Өрөспүүбүлүкэбит Баһылыгын уопсастыбаны хайытыыга буруйдуур дьайыылар табыгаһа суохтар уонна хайдах да көҥүллэммэттэр.
Итини тэҥэ Сахамин Миланович олохтоох салайыныы (МСУ) муниципальнай таһымнаах болуоссаттар, уулуссалар, уопсастыбаннай сирдэр ааттарын уларытыыга оруолун туһунан санаатын бигэтик этиннэ:
«Болуоссат аатын уларытыы — бу үлэ муниципальнай салалта, Дьокуускай куорат уонна кини бэрэстэбиилллээх уоргана бэйэтинэн ылынар бырааптаах диэн билэрбит наада. Бу куорат Устаабын уонна нормативнай-правовой актарын көмөтүнэн тутулуктанар. Дьокуускай куорат Думатыгар араас баартыйалар киирэллэр уонна эбийиэктэр ааттарын уларытыы туһунан быһаарыы ылынар кэмигэр бэйэлэрин баартыйаларын позициятын көмүскүөхтэрин сөп. Билигин Дьокуускай куорат Думатыгар куорат олохтоохторун уонна норуот интэриэһин көмүскүүр дьокутааттарга бэриллибит бырааптарынан быһаарыы ылыналларыгар кыах биэриэххэ наада.
Валентина Догоюсова
Читайте нас в:
