Бүгүн күн бастакы аҥаарыгар Одунуга СӨ бырабыыталыстыбатын отчуота буолла. Отчуоту бырабыыталыстыба бэрэссэдээтэлин солбуйааччы Ольга Балабкина иилээн-саҕалаан ыытта. Үгүс дьон ититии ситимин боппуруоһун туоһуласта, диэн «Үлэ күүһэ» хаһыат суруйар.

Олохтоохтор «Больница» хочуолунайа хаһан үлэҕэ киирэрин чуолкайдастылар, хонтуруолга ылалларыгар эттилэр. Ону тэҥэ «Новая» хочуолунай тутуутун боппуруоһа эмиэ сытыытык турда.

Маннык этиилэр, ыйытыылар киирдилэр:

— Нэһилиэнньэни 100% ититии ситиминэн хааччыйар тоҕо сатамматый? Күөх төлөн киириэ дуо?

— Биһиги нэһилиэк спорду өрүү өрө тутар, чулуу спортсменнааҕынан киэҥник биллэр. Ааспыт сылга спортивнай саала тутуутун туруорсубуппут. Спортивнай саала тутуутун боппуруоһун чуолкайдаһабыт.

— Фиджитал киинэ тутуллуо дуо? Оһоҕунан оттуллар дьоҥҥо туох көмө баарый? Электроэнергияҕа көмө көрүллэр дуо? «Туллукчаана» оҕо сайдар киинигэр саҥардыы үлэтин боппуруоһун көрөргүтүгэр этиилээхпин. Саҥардыы үлэтин ыытарга ханнык бырагыраамаларга кыттыахха сөбүй? Федеральнай трассаҕа уоту тардыы үлэтэ ыытыллыа дуо? Тыа сиригэр сир оҥоруутугар болҕомтону ууруохха. Саҥа баһаарынай чаас тутуллуо дуо?  — Бырайыага, сирэ-уота баар.

Отчуокка дьон-сэргэ көхтөөхтүк кыттан, долгутар боппуруостарыгар сөптөөх хоруйдары ыллылар.