Мэҥэ Хаҥаласка тыа хаһаайыстыбатын эдэр дьон муоһалыы сылдьаллара – эрэбил санааны сахта

Тыа хаһаайыстыбатын уонна ас-үөл бэлиитикэтин министиэристибэтэ Бэчээт күнүн быйыл уратытык бэлиэтээтэ. Тохсунньу 30 күнүгэр миниистир Артем Александров бэйэтинэн баһылаан-көһүлээн, өрөспүүбүлүкэ иһитиннэрэр-биллэрэр тэриллиилэрин суруналыыстарыттан уонна тыа хаһаайыстыбатын сырдатар блогердартан түмүллүбүт 20 киһилээх улахан бөлөҕү Мэҥэ Хаҥалас улууһун хаһаайыстыбаларыгар таһааран сырытыннарда.

Мэҥэ Хаҥалас – өрөспүүбүлүкэ тыа хаһаайыстыбатынан дьарыктанар улуустарыттан дьонун-сэргэтин ахсаанынан саамай улаханнара уонна саамай кыараҕас сирдээхтэрэ, ону тэҥэ алаастара кураанныылларынан Чурапчыттан итэҕэһэ суох кыһалҕалаах. Быйылгы кыстыкка 16 634 ынах сүөһүнү уонна 15 262  сылгыны кыстатан туруораллар. Улууска 2023 с. Тыа хаһаайыстыбатын сайыннарыы үс сылын биллэрэн тураллар, быйыл – түмүктүүр сыллара. Мэҥэ 31 нэһилиэгин күнүнэн тилийэ сүүрэр кыайтарбата биллэр. Онон эрдэттэн былааннаммытынан, биир күннээх сырыыга Хорообут, Чүүйэ, Майа уонна Хара хабылыннылар.

Үйэбитигэр бачча элбэх суруналыыс биирдэ тоҕу сууллан кэлбитин көрө, көрсө иликпит”, – дэһэллэр тыа сирин үлэһит дьоно. Ол даҕаны буоллар, улуус баһылыга Дмитрий Тихоновтан, улуус тыатын хаһаайыстыбатын салайааччыта Иннокентий Семеновтан саҕалаан хас биир ыанньыксытыгар, сүөсүһүтүгэр тиийэ бары үөрэ-көтө көрүстүлэр, кэпсэттилэр. Сырыыбыт улуус биир киэн туттар хаһаайыстыбатыттан, “Хорообут” ХЭУо-тан, саҕаланна. Бу хаһаайыстыба ынах сүөһүнү уонна сылгыны иитиигэ федеральнай суолталаах племенной репродуктор быһыытынан үлэлиир. Ону таһынан 2023 с. саха сылгытын иитэр племенной собуот статуһун ылбыта. Маннык хаһаайыстыбалар өрөспүүбүлүкэ үрдүнэн үһүөлэр эрэ.

Улуус хаһаайыстыбаларын, тэрилтэлэрин салалталарыгар ханна даҕаны эдэр дьон тахсыбыттара туора харахха тута быраҕыллар. Ол курдук, “Хорообут” уопсастыбаны Григорий Плотников, оттон хаһаайыстыба иһинэн үлэлиир “Алаас Ас” астыыр-үөллүүр потребительскай кэпэрэтииби Светоний Шестаков диэн уолаттар салайаллар. Кэпсэтэн билсибиппит – биирдэрэ хаһаайыстыбаны уһуннук салайбыт, онтон нэһилиэк баһылыгынан олорон олохтон соһумардык туораабыт Прокопий Романович Плотников төрөппүт уола, иккиһэ күтүөтэ эбит. Өссө кийиитэ, Григорий кэргэнэ, Уус Алдантан төрүттээх Наталья, хаһаайыстыбаҕа (уопсастыбаҕа) кылаабынай буҕаалтырдыыр. Онон Хорообут нэһилиэгин Болуотунньукаптар – Мэҥэ Арамаан сыдьааннара тутан олороллор диэтэххэ, туох даҕаны омнуота суох.

Хаһаайыстыба үлэтин туһунан туспа анаан-минээн сырдатыам. Онон маннык аҕыйах сыыппаранан муҥурданан эриим: “Хорообут” ХЭУо 2024 сылы 4,5 мөл. солкуобай барыстаах түмүктээбит, сыл устата 44,1 мөл. солкуобайы киллэриммит, итинтэн 15,4 мөлүйүөнэ – субсидиялар. Хаһаайыстыбаҕа 45 киһи үлэлиир, ыйдааҕы орто хамнастара – 58 тыһ. солкуобай. Үлэһиттэр ахсааннарыттан үстэн биирдэрэ – эдэр уонна олохтоох дьон. Нэһилиэк 900-чэ киһилээх, билиҥҥи таһымынан, тыа сиригэр улахан нэһилиэгинэн ааҕыллыан сөп. Ити гынан баран, анал байыаннай дьайыыга билигин 3 уол сылдьара нэһилиэк туруктааҕын туоһулуур диэтэхпинэ, атыттар сөбүлэһиэхтэрэ дии саныыбын.

Аны астыыр-үөллүүр тэрилтэҕэ тиийэбит. “Алаас Ас” потребкэпэрэтиип 2016 с. муус устар 4 күнүттэн сурукка киирэн, үлэтин 75 тыһ. солкуобай устааптаах баайдаах саҕалаабыт. Иллэрээ сыл күҥҥэ 2 туонна үүтү астыыр кыамталаах сыах тутуллан киирбитэ. Миниистир Артем Александров бигэргэтэринэн, тыа сиригэр маннык толору, аныгылыы тэриллэринэн сэбилэммит сыах соҕотох. Былырыын министиэристибэ бырагырааматыгар кыттан, 3,5 мөл. солкуобай кэриҥэ кээмэйдээх субсидия үбүн ылбыттар. Аны сыр астыыр тэрили атыылаһарга былаанныыллар.

Кэпэрэтиипкэ 6 киһи үлэлиир, орто хамнастара – 48 тыһ. солкуобай. Кинилэртэн 1 үлэһит эдэр исписэлиискэ көрүллэр эбии төлөбүрү ылар эбит. Ааспыт сылга 18 029,9 киилэ арыыны, 10 210 киилэ сүөгэйи астаан таһаарбыттар. Барыта 518 772,1 киилэ үүтү тутан астаабыттарыттан “Хорообут” ХЭУо 472 215,1, бааһынай хаһаайыстыбалар 22 820, урбаанньыт Курилкин 3 523, “Кырымах” 10 214 киилэлиини туттарбыттар. Кэтэх ынахтаахтартан 13 эрэ ыал бааһынайдар истэринэн киирэн “үүт харчыласпыт”. Быйылгыттан соҕотуопкаланар үүт кээмэйэ балачча улаатарын күүтэллэр. Улуус тыатын хаһаайыстыбатын салайааччыта Иннокентий Семенов этэринэн, Мэҥэ Хаҥалас 2025 сылтан “үүт харчытыгар” үлэлиир хайысханы талан, улууска көрүллүбүт көмөнү олоччу үүт соҕотуопкатыгар туттуоҕа, онон харчылаһыахтарын баҕарар ынахтаах ыаллар нэһилиэктэрин иһинэн потребкэпэрэтиип тэринэн, кыттыһан, ол нөҥүө туттарар буолуохтара.

Хорообут олохтоохторо ааспыт үйэ 30-с сылларыгар Калинин аатынан холкуос Суола үрэххэ туттубут Шестаков мас быһытыттан саҕалаан, сааскы халаан уутун ходуһаларыгар халытан нүөлсүтүнэн, баччаҕа диэри сүөһү-сылгы ииттэн, “һай-һат” диэн кэллэхтэрэ. Министиэристибэ Сири тупсарыыга уонна тыа хаһаайыстыбатын уунан хааччыйыыга салалтатын Илин эҥээрдээҕи филиала бу нэһилиэк сиригэр-уотугар 2 халытан нүөлсүтэр систиэмэни үлэлэтэр, көрөр-истэр. И.Г. Тимофеев аатын сүгэр Хорообуттааҕы систиэмэ 6 тимир-бетон тутуулаах, балар холбоон 1 604 гектар иэннээх ходуһаны нүөлсүтэллэр, ааспыт кураан сайыҥҥа гектартан 12,8-тыы сэнтиниэр оту ылбыттар. Систиэмэ быһыттарыгар 2018 сылтан хапытаалынай өрөмүөн ыытыллар. Билиҥҥитэ бүтэһик 4-с шлюз-регулятор өрөмүөннэнэрэ хаалан турар эбит. Иккис эбийиэктэрэ – “Шестаков быһыта” 1 тимир-бетон тутууттан турар, 550 гектар иэннээх сири нүөлсүтэр. Ааспыт сайын гектартан 15-тии сэнтиниэр оту хомуйбуттар. Бу быһыкка бүтэһигин 2019 с. 5 мөл. солкуобайдаах хапытаалынай өрөмүөн ыытыллыбыт. Билиҥҥитэ туруга бигэ. Нэһилиэги тутан олорор “Хорообут” хаһаайыстыба сүөһүтүн-сылгытын кыстатар дороххой уонна иҥэмтэлээх аһын бүүс-бүтүннүү бу систиэмэлээх ходуһалартан булунар буолан, хайа даҕаны дьылга “ампаардаах астаах” курдук сананар буоллаҕа.

Уруккута улуус киинин, Майалыын, тэллэх баттаһа олорор “Чүүйэ” хаһаайыстыба саҥа тутуллубут комплексыгар соҕурууттан аҕалбыт боруода ынахтарын тобуктарын ортотугар диэри хойууларыгар батылыннаран, тоҥорон өлөртөөн, аҕыс айдаан тахса сылдьыбыттаах. Онтон ыксаан, 2014 сыл бүтүүтэ “Чүүйэ” муниципальнай унитарнай тэрилтэҕэ уларытан тэриллибитэ. Ол аата улуус дьаһалтатын дьаһалыгар киирбитэ. Сыыйа үлэ-хамнас сүнньүн булбута. Бастакы кэлии сүөһүлэртэн төрөөбүт кыһыл истиэп боруода тобохторо бааллар эбит. Сүөһүлэр баайыыта суох тураллар. Хаһаайыстыба кылаабынай зоотехнига Роман Алексеев диэн эдэркээн киһи билиһиннэрбитинэн, комплекска 302 сүөһү кыстаан турарыттан ыанара – 132 төбө. Биир ынахтан ортотунан 2,4 тыһ. киилэ (“Хорообут” ХЭУо-ҕа 3 тыһ. тахсар) үүтү ыыллар. Ааспыт сылга 299 туонна үүтү ыабыттар. Ортотунан 15 киһи үлэлиир, орто хамнастара – 46 тыһ. солкуобай кэриҥэ, сүөсүһүт 43,8 тыһ. солкуобайы ылар.

Салгыы Майаҕа Массаха Мэхээс диэн тыа хаһаайыстыбатын блогерыгар ыалдьыттаатыбыт. “Майа курдук улахан сэлиэнньэҕэ сүөһү иитэр соҕотохпун”, – диир эдэр киһи. Сайын 1,3 мөл. солкуобайга хотон туттан, “Туймаада” хампаанньаттан 2 ынаҕы уларсан, ыы сылдьар. Ынахтара сэтинньигэ төрөөбүттэр. Биир ынаҕа игирэлэммит. Инньэ гынан, ынахтарын кытта 5 кыра сүөһүнү кыстатан туруорар. Үүтүн былдьаһыгынан атыылаһаллар. Эдэр, саҥа сүөһү иитээччи “ороскуотун толуйар, көмө үбэ даҕаны суох барыстаах салаа буолуон сөп эбит” диэн санааҕа кэлбит. Ити үлэлээбитэ 5 ыйын кэнниттэн. Бэйэтэ инникитин сүөһү атыылаһан, хотонун өссө аныгылыы технологиянан тутан, хаһаайыстыбатын кэҥэтэр былааннаах (ураты көрүүлээх эдэр аграрниктыын сэһэргэһиини туспа билиһиннэриэхпит).

Хара нэһилиэгэр Аркадий Лукин диэн эмиэ эдэр киһи 2017 сылтан сылгыны иитиигэ турунан, 106 төбөҕө тириэрдибит, итинтэн биэтэ – 91. Кини эһэтэ уонна аҕата сопхуос саҕана сылгы ииппит-көрбүт, сүүрүүк аттары туппут базаларын саҥалыы сөргүппүт. Нэһилиэк баһылыга Дария Назарова туоһулуурунан, Хараҕа 7 бааһынай хаһаайыстыбалаах уол баарыттан саамай саастаахтара, уопуттаахтара кини эбит. Онон Мэҥэ тыатыгар ханна даҕаны тыа хаһаайыстыбатын эдэрдэр муоһалаан эрэллэрэ эрэл санааны сахта.

Василий Никифоров.

Анна Сергучева (ТХАҮөБМ пресс-сулууспата) хаартыскаҕа түһэриитэ.


Читайте нас в:

Мэҥэ Хаҥаласка тыа хаһаайыстыбатын эдэр дьон муоһалыы сылдьаллара – эрэбил санааны сахта

Тыа хаһаайыстыбатын уонна ас-үөл бэлиитикэтин министиэристибэтэ Бэчээт күнүн быйыл уратытык бэлиэтээтэ. Тохсунньу 30 күнүгэр миниистир Артем Александров бэйэтинэн баһылаан-көһүлээн, өрөспүүбүлүкэ иһитиннэрэр-биллэрэр тэриллиилэрин суруналыыстарыттан уонна тыа хаһаайыстыбатын сырдатар блогердартан түмүллүбүт 20 киһилээх улахан бөлөҕү Мэҥэ Хаҥалас улууһун хаһаайыстыбаларыгар таһааран сырытыннарда.

Мэҥэ Хаҥалас – өрөспүүбүлүкэ тыа хаһаайыстыбатынан дьарыктанар улуустарыттан дьонун-сэргэтин ахсаанынан саамай улаханнара уонна саамай кыараҕас сирдээхтэрэ, ону тэҥэ алаастара кураанныылларынан Чурапчыттан итэҕэһэ суох кыһалҕалаах. Быйылгы кыстыкка 16 634 ынах сүөһүнү уонна 15 262  сылгыны кыстатан туруораллар. Улууска 2023 с. Тыа хаһаайыстыбатын сайыннарыы үс сылын биллэрэн тураллар, быйыл – түмүктүүр сыллара. Мэҥэ 31 нэһилиэгин күнүнэн тилийэ сүүрэр кыайтарбата биллэр. Онон эрдэттэн былааннаммытынан, биир күннээх сырыыга Хорообут, Чүүйэ, Майа уонна Хара хабылыннылар.

Үйэбитигэр бачча элбэх суруналыыс биирдэ тоҕу сууллан кэлбитин көрө, көрсө иликпит”, – дэһэллэр тыа сирин үлэһит дьоно. Ол даҕаны буоллар, улуус баһылыга Дмитрий Тихоновтан, улуус тыатын хаһаайыстыбатын салайааччыта Иннокентий Семеновтан саҕалаан хас биир ыанньыксытыгар, сүөсүһүтүгэр тиийэ бары үөрэ-көтө көрүстүлэр, кэпсэттилэр. Сырыыбыт улуус биир киэн туттар хаһаайыстыбатыттан, “Хорообут” ХЭУо-тан, саҕаланна. Бу хаһаайыстыба ынах сүөһүнү уонна сылгыны иитиигэ федеральнай суолталаах племенной репродуктор быһыытынан үлэлиир. Ону таһынан 2023 с. саха сылгытын иитэр племенной собуот статуһун ылбыта. Маннык хаһаайыстыбалар өрөспүүбүлүкэ үрдүнэн үһүөлэр эрэ.

Улуус хаһаайыстыбаларын, тэрилтэлэрин салалталарыгар ханна даҕаны эдэр дьон тахсыбыттара туора харахха тута быраҕыллар. Ол курдук, “Хорообут” уопсастыбаны Григорий Плотников, оттон хаһаайыстыба иһинэн үлэлиир “Алаас Ас” астыыр-үөллүүр потребительскай кэпэрэтииби Светоний Шестаков диэн уолаттар салайаллар. Кэпсэтэн билсибиппит – биирдэрэ хаһаайыстыбаны уһуннук салайбыт, онтон нэһилиэк баһылыгынан олорон олохтон соһумардык туораабыт Прокопий Романович Плотников төрөппүт уола, иккиһэ күтүөтэ эбит. Өссө кийиитэ, Григорий кэргэнэ, Уус Алдантан төрүттээх Наталья, хаһаайыстыбаҕа (уопсастыбаҕа) кылаабынай буҕаалтырдыыр. Онон Хорообут нэһилиэгин Болуотунньукаптар – Мэҥэ Арамаан сыдьааннара тутан олороллор диэтэххэ, туох даҕаны омнуота суох.

Хаһаайыстыба үлэтин туһунан туспа анаан-минээн сырдатыам. Онон маннык аҕыйах сыыппаранан муҥурданан эриим: “Хорообут” ХЭУо 2024 сылы 4,5 мөл. солкуобай барыстаах түмүктээбит, сыл устата 44,1 мөл. солкуобайы киллэриммит, итинтэн 15,4 мөлүйүөнэ – субсидиялар. Хаһаайыстыбаҕа 45 киһи үлэлиир, ыйдааҕы орто хамнастара – 58 тыһ. солкуобай. Үлэһиттэр ахсааннарыттан үстэн биирдэрэ – эдэр уонна олохтоох дьон. Нэһилиэк 900-чэ киһилээх, билиҥҥи таһымынан, тыа сиригэр улахан нэһилиэгинэн ааҕыллыан сөп. Ити гынан баран, анал байыаннай дьайыыга билигин 3 уол сылдьара нэһилиэк туруктааҕын туоһулуур диэтэхпинэ, атыттар сөбүлэһиэхтэрэ дии саныыбын.

Аны астыыр-үөллүүр тэрилтэҕэ тиийэбит. “Алаас Ас” потребкэпэрэтиип 2016 с. муус устар 4 күнүттэн сурукка киирэн, үлэтин 75 тыһ. солкуобай устааптаах баайдаах саҕалаабыт. Иллэрээ сыл күҥҥэ 2 туонна үүтү астыыр кыамталаах сыах тутуллан киирбитэ. Миниистир Артем Александров бигэргэтэринэн, тыа сиригэр маннык толору, аныгылыы тэриллэринэн сэбилэммит сыах соҕотох. Былырыын министиэристибэ бырагырааматыгар кыттан, 3,5 мөл. солкуобай кэриҥэ кээмэйдээх субсидия үбүн ылбыттар. Аны сыр астыыр тэрили атыылаһарга былаанныыллар.

Кэпэрэтиипкэ 6 киһи үлэлиир, орто хамнастара – 48 тыһ. солкуобай. Кинилэртэн 1 үлэһит эдэр исписэлиискэ көрүллэр эбии төлөбүрү ылар эбит. Ааспыт сылга 18 029,9 киилэ арыыны, 10 210 киилэ сүөгэйи астаан таһаарбыттар. Барыта 518 772,1 киилэ үүтү тутан астаабыттарыттан “Хорообут” ХЭУо 472 215,1, бааһынай хаһаайыстыбалар 22 820, урбаанньыт Курилкин 3 523, “Кырымах” 10 214 киилэлиини туттарбыттар. Кэтэх ынахтаахтартан 13 эрэ ыал бааһынайдар истэринэн киирэн “үүт харчыласпыт”. Быйылгыттан соҕотуопкаланар үүт кээмэйэ балачча улаатарын күүтэллэр. Улуус тыатын хаһаайыстыбатын салайааччыта Иннокентий Семенов этэринэн, Мэҥэ Хаҥалас 2025 сылтан “үүт харчытыгар” үлэлиир хайысханы талан, улууска көрүллүбүт көмөнү олоччу үүт соҕотуопкатыгар туттуоҕа, онон харчылаһыахтарын баҕарар ынахтаах ыаллар нэһилиэктэрин иһинэн потребкэпэрэтиип тэринэн, кыттыһан, ол нөҥүө туттарар буолуохтара.

Хорообут олохтоохторо ааспыт үйэ 30-с сылларыгар Калинин аатынан холкуос Суола үрэххэ туттубут Шестаков мас быһытыттан саҕалаан, сааскы халаан уутун ходуһаларыгар халытан нүөлсүтүнэн, баччаҕа диэри сүөһү-сылгы ииттэн, “һай-һат” диэн кэллэхтэрэ. Министиэристибэ Сири тупсарыыга уонна тыа хаһаайыстыбатын уунан хааччыйыыга салалтатын Илин эҥээрдээҕи филиала бу нэһилиэк сиригэр-уотугар 2 халытан нүөлсүтэр систиэмэни үлэлэтэр, көрөр-истэр. И.Г. Тимофеев аатын сүгэр Хорообуттааҕы систиэмэ 6 тимир-бетон тутуулаах, балар холбоон 1 604 гектар иэннээх ходуһаны нүөлсүтэллэр, ааспыт кураан сайыҥҥа гектартан 12,8-тыы сэнтиниэр оту ылбыттар. Систиэмэ быһыттарыгар 2018 сылтан хапытаалынай өрөмүөн ыытыллар. Билиҥҥитэ бүтэһик 4-с шлюз-регулятор өрөмүөннэнэрэ хаалан турар эбит. Иккис эбийиэктэрэ – “Шестаков быһыта” 1 тимир-бетон тутууттан турар, 550 гектар иэннээх сири нүөлсүтэр. Ааспыт сайын гектартан 15-тии сэнтиниэр оту хомуйбуттар. Бу быһыкка бүтэһигин 2019 с. 5 мөл. солкуобайдаах хапытаалынай өрөмүөн ыытыллыбыт. Билиҥҥитэ туруга бигэ. Нэһилиэги тутан олорор “Хорообут” хаһаайыстыба сүөһүтүн-сылгытын кыстатар дороххой уонна иҥэмтэлээх аһын бүүс-бүтүннүү бу систиэмэлээх ходуһалартан булунар буолан, хайа даҕаны дьылга “ампаардаах астаах” курдук сананар буоллаҕа.

Уруккута улуус киинин, Майалыын, тэллэх баттаһа олорор “Чүүйэ” хаһаайыстыба саҥа тутуллубут комплексыгар соҕурууттан аҕалбыт боруода ынахтарын тобуктарын ортотугар диэри хойууларыгар батылыннаран, тоҥорон өлөртөөн, аҕыс айдаан тахса сылдьыбыттаах. Онтон ыксаан, 2014 сыл бүтүүтэ “Чүүйэ” муниципальнай унитарнай тэрилтэҕэ уларытан тэриллибитэ. Ол аата улуус дьаһалтатын дьаһалыгар киирбитэ. Сыыйа үлэ-хамнас сүнньүн булбута. Бастакы кэлии сүөһүлэртэн төрөөбүт кыһыл истиэп боруода тобохторо бааллар эбит. Сүөһүлэр баайыыта суох тураллар. Хаһаайыстыба кылаабынай зоотехнига Роман Алексеев диэн эдэркээн киһи билиһиннэрбитинэн, комплекска 302 сүөһү кыстаан турарыттан ыанара – 132 төбө. Биир ынахтан ортотунан 2,4 тыһ. киилэ (“Хорообут” ХЭУо-ҕа 3 тыһ. тахсар) үүтү ыыллар. Ааспыт сылга 299 туонна үүтү ыабыттар. Ортотунан 15 киһи үлэлиир, орто хамнастара – 46 тыһ. солкуобай кэриҥэ, сүөсүһүт 43,8 тыһ. солкуобайы ылар.

Салгыы Майаҕа Массаха Мэхээс диэн тыа хаһаайыстыбатын блогерыгар ыалдьыттаатыбыт. “Майа курдук улахан сэлиэнньэҕэ сүөһү иитэр соҕотохпун”, – диир эдэр киһи. Сайын 1,3 мөл. солкуобайга хотон туттан, “Туймаада” хампаанньаттан 2 ынаҕы уларсан, ыы сылдьар. Ынахтара сэтинньигэ төрөөбүттэр. Биир ынаҕа игирэлэммит. Инньэ гынан, ынахтарын кытта 5 кыра сүөһүнү кыстатан туруорар. Үүтүн былдьаһыгынан атыылаһаллар. Эдэр, саҥа сүөһү иитээччи “ороскуотун толуйар, көмө үбэ даҕаны суох барыстаах салаа буолуон сөп эбит” диэн санааҕа кэлбит. Ити үлэлээбитэ 5 ыйын кэнниттэн. Бэйэтэ инникитин сүөһү атыылаһан, хотонун өссө аныгылыы технологиянан тутан, хаһаайыстыбатын кэҥэтэр былааннаах (ураты көрүүлээх эдэр аграрниктыын сэһэргэһиини туспа билиһиннэриэхпит).

Хара нэһилиэгэр Аркадий Лукин диэн эмиэ эдэр киһи 2017 сылтан сылгыны иитиигэ турунан, 106 төбөҕө тириэрдибит, итинтэн биэтэ – 91. Кини эһэтэ уонна аҕата сопхуос саҕана сылгы ииппит-көрбүт, сүүрүүк аттары туппут базаларын саҥалыы сөргүппүт. Нэһилиэк баһылыга Дария Назарова туоһулуурунан, Хараҕа 7 бааһынай хаһаайыстыбалаах уол баарыттан саамай саастаахтара, уопуттаахтара кини эбит. Онон Мэҥэ тыатыгар ханна даҕаны тыа хаһаайыстыбатын эдэрдэр муоһалаан эрэллэрэ эрэл санааны сахта.

Василий Никифоров.

Анна Сергучева (ТХАҮөБМ пресс-сулууспата) хаартыскаҕа түһэриитэ.



Читайте дальше