Бороҕоҥҥо икки саҥа дьиэ үлэҕэ киирдэ

Улуус киинигэр Бороҕоҥҥо Пушкин аатынан уулусса 7 аадырыһыгар тутуллубут түөрт этээстээх игирэ курдук икки дьиэ үлэҕэ киирэр күүтүүлээх күнэ тосхойдо, диэн «Мүрү саһарҕата» хаһыат суруйар.

Үөрүүлээх күҥҥэ 74 квартира күлүүһэ хаһаайыттарыгар туттарыллар долгутуулаах быһыыта-майгыта ыытылынна. Дьиэни туппут «Гарантрегион14» ХЭТ дириэктэрэ Василий Находкин дьиэ түмүктэммитин туоһулаан, нэһилиэк баһылыгар Прокопий Румянцевка күлүүс бэлиэни туттарда.

Хас биирдии ыал улуус баһылыгын солбуйааччы Анатолий Алексеев уонна нэһилиэк баһылыга Прокопий Румянцев эҕэрдэлэринэн күлүүстэрин тутар үөрүүнү биллилэр.

Бу дьиэлэр «Хаарбах дьиэттэн дьону көһөрүү» федеральнай программанан тутуллан үлэҕэ киирдилэр. 2022 сылтан дьиэ тирэхтэрин түһэрииттэн саҕаламмыт үлэ үгүс уларыта-тутууну ааһан түмүктэннэ. Ыйыллыбыт болдьоҕор киирбэтэр да, күүтүүлээх күн үүнэн, саҥа квартираларга күн бүгүҥҥүттэн бастакы хаһаайыттар олохсуйан саҕалыахтара.

Нэһилиэнньэ олоҕо-дьаһаҕа тупсарыгар анаан ыытыллар үлэ түмүгүнэн бүгүн 36 уонна 39 квартиралаах икки дьиэ үлэҕэ киирэн, олохтоохторго үөрүүнү үксэттин, дьоллоох олоҕу түстээтин.

Ольга Шепелева


Читайте нас в:

Бороҕоҥҥо икки саҥа дьиэ үлэҕэ киирдэ

Улуус киинигэр Бороҕоҥҥо Пушкин аатынан уулусса 7 аадырыһыгар тутуллубут түөрт этээстээх игирэ курдук икки дьиэ үлэҕэ киирэр күүтүүлээх күнэ тосхойдо, диэн «Мүрү саһарҕата» хаһыат суруйар.

Үөрүүлээх күҥҥэ 74 квартира күлүүһэ хаһаайыттарыгар туттарыллар долгутуулаах быһыыта-майгыта ыытылынна. Дьиэни туппут «Гарантрегион14» ХЭТ дириэктэрэ Василий Находкин дьиэ түмүктэммитин туоһулаан, нэһилиэк баһылыгар Прокопий Румянцевка күлүүс бэлиэни туттарда.

Хас биирдии ыал улуус баһылыгын солбуйааччы Анатолий Алексеев уонна нэһилиэк баһылыга Прокопий Румянцев эҕэрдэлэринэн күлүүстэрин тутар үөрүүнү биллилэр.

Бу дьиэлэр «Хаарбах дьиэттэн дьону көһөрүү» федеральнай программанан тутуллан үлэҕэ киирдилэр. 2022 сылтан дьиэ тирэхтэрин түһэрииттэн саҕаламмыт үлэ үгүс уларыта-тутууну ааһан түмүктэннэ. Ыйыллыбыт болдьоҕор киирбэтэр да, күүтүүлээх күн үүнэн, саҥа квартираларга күн бүгүҥҥүттэн бастакы хаһаайыттар олохсуйан саҕалыахтара.

Нэһилиэнньэ олоҕо-дьаһаҕа тупсарыгар анаан ыытыллар үлэ түмүгүнэн бүгүн 36 уонна 39 квартиралаах икки дьиэ үлэҕэ киирэн, олохтоохторго үөрүүнү үксэттин, дьоллоох олоҕу түстээтин.

Ольга Шепелева



Читайте дальше