Үүммүт 2025 сылга Былатыан Ойуунускай аатынан Саха театра 100 сыллаах үбүлүөйүн бэлиэтиэҕэ. Быйылгы үбүлүөйдээх сылы сүрүн режиссер Руслан Тараховскай туруоруутугар Саха норуодунай суруйааччытын Василий Яковлев-Далан «Тулаайах оҕо» испэктээкилинэн саҕалыыр.
Бу испэктээкилгэ солбуллубат оруоллаах артыыс Илья Стручков Аҕа дойдутун иннигэр ытык иэһин төлөөн, байыаннай дьайыылартан этэҥҥэ эргиллэн кэлэн театр быйылгы айар дьылыгар бастакытын сыанаҕа тахсыаҕа.
Кыргыһыы хонуутугар тулаайах хаалбыт хорсун сүрэхтээх тоҥ биис кыысчаана Ньырбачаан, Бүлүү бөлөх сахаларын төрүттүүр дьылҕатын быатыгар, өстөөхтөртөн быыһанан тыыннаах хаалар айанын эриирдээх ыллыга улуу Туймаада туһаайыытынан аартыгы арыйар.
Онлайн билиэт:
Каасса күн ахсын өрөбүлэ, тохтобула суох 10:00-18:00 үлэлиир, тел. 34-13-31.
Читайте нас в:
