Ньурба куорат баһылыга Геннадий Игнатьев иһитиннэрбитинэн, Ньурба куоракка балаһыанньа уустук. Бу туһунан «Ньурба» хаһыат суруйар.
Хас даҕаны дьиэ тоҥмут, өссө даҕаны тоҥор кутталлаах дьиэлэр бааллар. Саҥа тутуллан киирбит элбэх квартиралаах дьиэлэр насоһунан үлэлии тураллар, онно дизель холбонно.
«Олимп» с/к быстах олорор пууҥҥа 3 киһи баар, итии аһылыгынан хааччыйаллар. Сорохтор аймахтарынан барбыттар.
Куорат хаһаайыстыбатын тэрилтэлэрэ бары 100% үлэлии сылдьаллар. Тоҥон турар дьиэлэр ууларын сүөкүүллэр.
Дьаархан, Чаппанда дьаһалталарыттан, куорат тэрилтэлэриттэн дизеллэрин аҕалбыттар.
Соҕотох олорор оһоҕо суох кырдьаҕастарга дизель илдьэн циркуляционнай насостарын үлэлэтэллэр.
Куорат дьаһалтатын үлэһиттэрэ биирдиилээн ыаллары кэрийэллэр, өрөбүллэргэ дьиэлэригэр суох буолар түгэннэригэр суһал миэрэ ылар курдук.
Лена Петрова
Читайте нас в:
