Социальнай ситиминэн «Мир» кыбаарталыгар үөр ыттар мэнээктии сылдьалларын, дьоҥҥо кутталы үөскэтэллэрин туһунан тарҕанна. Бу туһунан «Амма олоҕо» хаһыат телеграм-ханаалыгар суруйар.
Чахчы да бу курдук үөрдүһэн сырыттахтарына, киһиэхэ биир ыт саба түстэҕинэ үөр барыта түһүөн сөп. Биһиги Амма нэһилиэгин баһылыга Михаил Артемьевы кытта сибээстэһэ сырыттыбыт. Маныаха кинилэргэ иһитиннэрии киирэн, миэрэ ыла сылдьалларын эттэ.
Ол эрээри санатан эттэххэ, тутуллубут ыт приютка 30 эрэ хонор. Ол кэнниттэн төттөрү ыытыллар. Бу Федеральнай сокуон ирдэбилэ. Онон син биир этэргэ диэри кыһалҕа быһаарыллыбат. Онтон маннык балаһыанньа, бэйдиэ босхо сылдьар ыт элбэҕэ — бэйэбит олохтоохтор буруйбут. Ити үөрдүһэн сылдьар ыттары өйдөөн көрүҥ эрэ. Бары кэриэтэ ошейниктаах, дьиэлээх-уоттаах хаһаайыннаах ыттар. Онон бастаан бэйэбит иитэр ыттарбытын баайыаҕыҥ. Оччоҕо эрэ босхо, мээнэ сылдьар ыт аҕыйыа.
Читайте нас в:
