Өрөспүүбүлүкэ үрдүнэн «Кыһын Саха сириттэн саҕаланар» бэстибээл саҕаланна. Түмэти нэһилиэгин “Үнкээбил” этнокултуурунай киин үлэһиттэрэ күүстээх тыалтан иҥнибэккэ, бырааһынньыктааҕы харыйаларын туруордулар.
Нэһилиэккэ бэстибээл чэрчитинэн ыытыллар Харыйа уотун уматар дьоро киэһэтэ ахсынньы 1 күнүгэр былааннанар. Олохтоохтору минньигэс тоҥ балык, саҥа дьыллааҕы харыйа тула үҥкүү, Тымныы Эһээ эҕэрдэтэ күүтэр.
“«Кыһын Саха сириттэн саҕаланар» бэстибээл чэрчитинэн, “Үнкээбил” сынньалаҥ киинин үлэһиттэрэ элбэх интэриэһинэй тэрээһини бэлэмнии сылдьабыт. Ол курдук, сахалыы дьэрэкээн ойуулаах үтүлүк, «Түгэни мүччү тутума» диэн кыhыҥҥы сонун көстүүнү таба көрөн түhэрбит хаартыскалар уонна алын кылаас үөрэнээччилэригэр «Харыйа оонньуура» күрэхтэрэ ыытыллаары турар. Маны таһынан үгүс интэриэһинэй тэрээһин ыытыллыа”, — диэн иһитиннэрдэ сынньанар киин дириэктэрэ Дария Андросова.
Я. Иванова
Хаартысканы Дария Андросова тиэртэ
Читайте нас в:
