Бу аам — даам туманнаах алтынньы ыйга улуус дьаһалтатын көрдөһүүтүнэн анал дьайыыга сылдьар уолаттарбытыгар анаан Кэбээйитээҕи «Надежный тыл» иис сыаҕын иистэнньэҥнэрэ ичигэс кууркалары, ыстааннары, бэргэһэлэри тигэн түмсүүлээх үлэбитинэн кыттыстыбыт, диэн «Дабаан» хаһыат суруйар.
Ону тэҥэ оскуола оҕолорун үс муннуктаах суруктара, арчыланалларыгар кытыан, алыптаах «АлМаас» маастар, тэтиҥ маһыгар уурунуу алгыһа суруктаах харысхаллары ыыттыбыт.
Маны таһынан, биир дойдулаахпытыгар, анал байыаннай дьайыыга сылдьар улууспут баһылыгар Иван Левиҥҥа сылаас комплект тиктибит. Таҥастары барытын улууспут культуратын директорыгар Илья Николаевич Алексеевка туттардыбыт, уолаттарга анал таҥастара тиийэригэр эрэнэбит уонна Кыайыы көтөллөөх эргиллэн кэлэллэригэр баҕарабыт.
Венера Лугинова
Читайте нас в:
