Кэбээйи улууһун Сииттэ нэһилиэгэр «Барыта Кыайыы туһугар!» диэн ас-үөл лотереятын тэрийдилэр. Бу туһунан «Дабаан» хаһыат суруйар. 

Барыта 100-тэн тахса ас көрүҥэ лотереяҕа турда. Олохтоохтор астынан, сибиэһэй ас арааһын былдьаһыгынан ыллылар. Кинилэр атыылаһаары эрэ буолбакка, быстах дьайыыга сылдьар оҕолорго күүс-көмө буолар инниттэн ыллыбыт, диэн санааларын үллэстэллэр.

Тэрээһини өйөөтүлэр олохтоох дьаһалта (баһылыктар Семен Тимофеев, Петр Степанов), Сииттэ орто оскуолата (дир. Андрей Новгородов), детсад ( сэб. Ольга Александрова), олохтоох балыыһа ( сэб. Алина Павлова) кэлэктииптэрэ, «Алаһа» эбээлэр түмсүүтэ (Надежда Ермолаева, Наталья Гуляева, Мотрена Васильева, Анна Сивцева, Мила Попова, Татьяна Герасимова, Мария Обутова), нэһилиэк урбаанньыттара Ольга Левина, Софья Николаева, Елена, Константин Александровтар, бааһынай хаһаайыстыбалар (Семен, Мотрена Васильевтарга, Марианна, Иван Захаровтарга), култуура үлэһиттэрэ Евдокия Охлопкова, Агафья Захарова, биирдиилээн дьон Октябрина Сергеева, Вера Павлова, Евдокия, Леонид Поповтар, Анна Александрова, Почта России үлэһитэ Татьяна Новгородова, хамсыы сылдьар эмис собону арҕааттан илимнээн аҕалбыт Иннокентий Охлопков.

Бүгүҥҥү лотерея олох атын, ураты буолла, сүүйбүт дьон бары билиэт сыанатыгар эппиэттиир гына ботуччу ас-үөл тутан, үөрэн-көтөн тарҕастылар. Тэрээһиҥҥэ радиорепортаж аахтылар Мария Обутова уонна Мария Захарова.

Манан эрэ бүппэт, сииттэлэр көмөлөрө, нэһилиэк иһинэн марафон ыытылла турар, дьон-сэргэ олус көхтөөхтүк кытта сылдьарыттан тэрийээччилэр олус үөрэллэр уонна үтүө санаалаах бар дьоҥҥо махталларын тиэрдэллэр.

Марианна Сивцева