Күндэйэ нэһилиэгин ийэлэрэ байыаннай дьайыы кыттыылааҕа Александр К. сэмэй остуол тардан, чөкө көрсүһүү тэрийдилэр. Бу туһунан «Сунтаар сонуннара» хаһыат суруйар.
Ууну-уоту ортотунан ааспыт хорсун буойун, саллаат дойдутугар уоппускаҕа кэлэн, кыратык да сынньанан баран, күн сарсын эмиэ төннөн эрэрин көрсөн, иһирэхтик кэпсэтэн, алгыс тылбытын анаан, этэҥҥэ дойдутугар эргиллэн кэлэригэр ийэлии кэс тылбытын анаатыбыт.
Уолбут хорсун буойун бэлиэтинэн георгиевскай орденнаах. Көрсүһүү кэмигэр Суворовскай ордеҥҥа наҕараадаҕа түһэрбит бирикээстэрэ кэлбитин истэн, бары олус үөрэн долгуйдубут. Наҕараадатын бу баран, чааһыгар тиийдэҕинэ тутуохтаах. Онон, биһиги хорсун уолбутунан киэн тутта, эрэнэ күүтэ хаалабыт.
Феврония НИКОЛАЕВА
Читайте нас в:
