Александра Ионовна үтүө аата үйэтитилиннэ

Педагогическай үлэ, тыыл ветерана, Нам улууһун, Хамаҕатта нэһилиэгин Ытык киһитэ, РСФСР норуотун үөрэҕириитин туйгуна, улахан дьиэ кэргэн тапталлаах ийэтэ, эбээтэ Атласова Александра Ионовна суруйан хаалларбыт ахтыыларынан кыргыттара Пелагея Ивановна Федорова уонна Людмила Ивановна Григорьева сыралаһан, санааларын түмэн «Саргылаах санааларым» (мемуар) кинигэ таһаардылар.

Александра Ионовна Хамаҕатта нэһилиэгиттэн бастакы улуу нуучча тылын уонна литературатын учуутала.

Нам оройуонун историятыгар киирбит Сталин илии баттааһыннаах телеграмманан Махтал сурук туппут, Нам оскуолатын тохсус кылааһын үөрэнээччитин, оскуола комсомольскай тэрилтэтин секретарын Шура Атласова аатын 21-с үйэ ыччаттарыгар биллэрэр соруктаах кинигэ.

Александра Ионовна эндирдээх, эриэ дэхси ааспатах оҕо сааһа кинини бэйэтин харыстанарга, көмүскэнэргэ үөрэппитин маннык этэр: «Нууччаларга «Береженного бог бережет» — диэн олус муударай, уот харахха этиллибит өс хоһооно баар. Мне самой кажется, небереженому всегда и везде сопутствует неудача».

Бастакы кэккэҕэ хаҥастан — Ганя Баишев; Балааҕыс, эбэтэ Балбаара, Биэрэ, Ылдьаана — Атласовтар кыргыттара; иккис кэккэҕэ — Байбал Баайыһап, Баһылай Авксентьев — күтүөттэр

Бастакы кэккэҕэ хаҥастан — Ганя Баишев; Балааҕыс, эбэтэ Балбаара, Биэрэ, Ылдьаана — Атласовтар кыргыттара; иккис кэккэҕэ — Байбал Баайыһап, Баһылай Авксентьев — күтүөттэр

Кини ыарахаттартан чаҕыйбакка, ас-таҥас кырыымчык диэн муҥатыйбакка, сынтарыйбакка үлэ буоллун, үөрэх буоллун инники күөҥҥэ сылдьыбыт. Ол курдук куоракка онус кылааһы бүтэрэллэригэр 18 оҕоттон төрдүө эрэ буолан «Аттестат зрелости» диэн докумуону тутар.

Варвара Михайловна, Николай Михайлович Атласовтар(Лаглайааннар). Александра Ионовна эһэлээх эбэтэ

Варвара Михайловна, Николай Михайлович Атласовтар
(Лаглайааннар). Александра Ионовна эһэлээх эбэтэ

Ити 1946 сыл күһүнүгэр Намҥа тахсан төрдүс кылаас учууталынан ананан үлэлиир. Онтон ыла педагогическай үлэм саҕаламмыта диэн суруйар. Ону кинигэҕэ «Олоҕум кэрчиктэрэ» диэн разделга көрөбүт:

-1946-1947 сс. Нам начальнай оскуолатын 4 кылааһын учуутала.

-1947-1948 сс. Хамаҕатта сэттэ кылаастаах оскуолатын нуучча тылын уонна литературатын учуутала.

-1951-1953 сс. Верхоянскай оройуон Саккырыыр сэттэ кылаастаах оскуолатын завуһа.

Нуучча тылын уонна литературатын учуутала. -1953-1993 сс. Хамаҕатта орто оскуолатын завуһунан, нуучча тылын уонна литературатын учууутала.

-1965-1975 сс. Дьокуускайдааҕы национальнай институт филиалын экспрементатор учуутала. Манна Александра Ионовна талан ылбыт идэтигэр бэриниилээхтик, олоҕун бүүс бүтүннүү анаан үлэлээбитэ көстөр.

Бу ахтыы-кинигэ кини олоҕунан сиэннэрэ холобур тутталларыгар, кини аатынан киэн тутталларыгар туһаайыллыбыт утумнаах үлэ үһүс улахан тэрээһинэ. Бастакы хардыынан Полина Ивановна уонна Людмила Ивановна Ефим Шапошников аатынан орто школа администрациятын кытта Александра Ионовна эһээтэ туппут, олорбут дьиэтигэр нэһилиэк бастакы оскуолата аһыллан үлэлээбитин туоһулуур мемориальнай дуосканы арыйбыттара буолар.

Иккис хардыынан — Александра Ионовна өр кэмҥэ үлэлээбит Е.Шапошников аатынан орто оскуолатын гуманитарнай салаа учууталыгар Александра Ионовна аатынан премия анаан туттарбыттара буолар.

Ити курдук Пелагея Ивановна уонна Людмила Ивановна туруоруммут соруктарын чиэстээхтик толордубут, аны бу кинигэ иккис чааһын сиэннэрэ салҕыахтара диэн эрэнэллэрин биллэрдилэр. Чуолаан журналист үөрэхтээх сиэнигэр — Намина Ворогушинаҕа сүктэрдилэр.

Феврония Баишева. Хамаҕатта


Читайте нас в:

Александра Ионовна үтүө аата үйэтитилиннэ

Педагогическай үлэ, тыыл ветерана, Нам улууһун, Хамаҕатта нэһилиэгин Ытык киһитэ, РСФСР норуотун үөрэҕириитин туйгуна, улахан дьиэ кэргэн тапталлаах ийэтэ, эбээтэ Атласова Александра Ионовна суруйан хаалларбыт ахтыыларынан кыргыттара Пелагея Ивановна Федорова уонна Людмила Ивановна Григорьева сыралаһан, санааларын түмэн «Саргылаах санааларым» (мемуар) кинигэ таһаардылар.

Александра Ионовна Хамаҕатта нэһилиэгиттэн бастакы улуу нуучча тылын уонна литературатын учуутала.

Нам оройуонун историятыгар киирбит Сталин илии баттааһыннаах телеграмманан Махтал сурук туппут, Нам оскуолатын тохсус кылааһын үөрэнээччитин, оскуола комсомольскай тэрилтэтин секретарын Шура Атласова аатын 21-с үйэ ыччаттарыгар биллэрэр соруктаах кинигэ.

Александра Ионовна эндирдээх, эриэ дэхси ааспатах оҕо сааһа кинини бэйэтин харыстанарга, көмүскэнэргэ үөрэппитин маннык этэр: «Нууччаларга «Береженного бог бережет» — диэн олус муударай, уот харахха этиллибит өс хоһооно баар. Мне самой кажется, небереженому всегда и везде сопутствует неудача».

Бастакы кэккэҕэ хаҥастан — Ганя Баишев; Балааҕыс, эбэтэ Балбаара, Биэрэ, Ылдьаана — Атласовтар кыргыттара; иккис кэккэҕэ — Байбал Баайыһап, Баһылай Авксентьев — күтүөттэр

Бастакы кэккэҕэ хаҥастан — Ганя Баишев; Балааҕыс, эбэтэ Балбаара, Биэрэ, Ылдьаана — Атласовтар кыргыттара; иккис кэккэҕэ — Байбал Баайыһап, Баһылай Авксентьев — күтүөттэр

Кини ыарахаттартан чаҕыйбакка, ас-таҥас кырыымчык диэн муҥатыйбакка, сынтарыйбакка үлэ буоллун, үөрэх буоллун инники күөҥҥэ сылдьыбыт. Ол курдук куоракка онус кылааһы бүтэрэллэригэр 18 оҕоттон төрдүө эрэ буолан «Аттестат зрелости» диэн докумуону тутар.

Варвара Михайловна, Николай Михайлович Атласовтар(Лаглайааннар). Александра Ионовна эһэлээх эбэтэ

Варвара Михайловна, Николай Михайлович Атласовтар
(Лаглайааннар). Александра Ионовна эһэлээх эбэтэ

Ити 1946 сыл күһүнүгэр Намҥа тахсан төрдүс кылаас учууталынан ананан үлэлиир. Онтон ыла педагогическай үлэм саҕаламмыта диэн суруйар. Ону кинигэҕэ «Олоҕум кэрчиктэрэ» диэн разделга көрөбүт:

-1946-1947 сс. Нам начальнай оскуолатын 4 кылааһын учуутала.

-1947-1948 сс. Хамаҕатта сэттэ кылаастаах оскуолатын нуучча тылын уонна литературатын учуутала.

-1951-1953 сс. Верхоянскай оройуон Саккырыыр сэттэ кылаастаах оскуолатын завуһа.

Нуучча тылын уонна литературатын учуутала. -1953-1993 сс. Хамаҕатта орто оскуолатын завуһунан, нуучча тылын уонна литературатын учууутала.

-1965-1975 сс. Дьокуускайдааҕы национальнай институт филиалын экспрементатор учуутала. Манна Александра Ионовна талан ылбыт идэтигэр бэриниилээхтик, олоҕун бүүс бүтүннүү анаан үлэлээбитэ көстөр.

Бу ахтыы-кинигэ кини олоҕунан сиэннэрэ холобур тутталларыгар, кини аатынан киэн тутталларыгар туһаайыллыбыт утумнаах үлэ үһүс улахан тэрээһинэ. Бастакы хардыынан Полина Ивановна уонна Людмила Ивановна Ефим Шапошников аатынан орто школа администрациятын кытта Александра Ионовна эһээтэ туппут, олорбут дьиэтигэр нэһилиэк бастакы оскуолата аһыллан үлэлээбитин туоһулуур мемориальнай дуосканы арыйбыттара буолар.

Иккис хардыынан — Александра Ионовна өр кэмҥэ үлэлээбит Е.Шапошников аатынан орто оскуолатын гуманитарнай салаа учууталыгар Александра Ионовна аатынан премия анаан туттарбыттара буолар.

Ити курдук Пелагея Ивановна уонна Людмила Ивановна туруоруммут соруктарын чиэстээхтик толордубут, аны бу кинигэ иккис чааһын сиэннэрэ салҕыахтара диэн эрэнэллэрин биллэрдилэр. Чуолаан журналист үөрэхтээх сиэнигэр — Намина Ворогушинаҕа сүктэрдилэр.

Феврония Баишева. Хамаҕатта



Читайте дальше

Юмор ЧП Спорт СВО Разное Отдых Мир Культ