«Айыы кыһатын» үөрэнээччилэрэ – Россия бастыҥ ырыаһыттара

Татарстан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар үлэтин норуоттар икки ардыларынааҕы фестиваль-куонкуруһа 108-с төгүлүн буолан ааста.

Россия уонна СНГ дойдуларын айар куттаах кэнчээри ыччатын түмэр тэрээһин «Я могу!» культура-үөрэх федеральнай бырайыагын чэрчитинэн ыытыллар. Ол курдук, «Казань оһуордарыгар» кинилэр ырыа, музыка, үҥкүү, театр, цирк, ойуулуур-дьүһүннүүр, уус-уран оҥоһук хайысхаларыгар айар дьоҕурдарын тургуттулар. Бу күрэскэ Саха сирин чиэһин Дьокуускай куорат «Айыы кыһата» национальнай гимназиятын 3-с Б уонна 4-с Б кылаастарын үөрэнээччилэрэ дьоһуннук көмүскээтилэр. Ол курдук, «Казань оһуордара» оҕо уонна ыччат айар үлэтин норуоттар икки ардыларынааҕы 108-с фестиваль-куонкурус 70 айар коллектив кыттыбыт ырыа хайысхатыгар 3-с Б кылаас үөрэнээччилэрэ аан бастаан аҕыс бастыҥ иһигэр киирэн гала-кэнсиэргэ кытыннылар уонна түмүккэ үһүс степеннээх лауреат үрдүк аатын сүктүлэр. Ону сэргэ эдэр ырыаһыттар «Бастыҥ көстүүм иһин» анал бирииһинэн эмиэ бэлиэтэнэн үөрүүлэрэ икки бүк улаатта.

Бу – Дьокуускай иһигэр даҕаны күрэхтэһиигэ кытта илик коллектив дебюта диэтэххэ улахан ситиһии! Оҕолор «Юные якутяне» эбии үөрэхтээһин киинин педагога Сардаана Окоемова тылларыгар уонна матыыбыгар «Айылҕаны харыстыах» ырыаны ис сүрэхтэриттэн ылынан ыллааннар Россия уонна Татарстан музыка искусствотыгар бөдөҥ маастардарыттан сүүмэрдэммит дьүүллүүр сүбэ кутун-сүрүн туттулар.

Сиһилии кэпсээтэххэ, «Казань оһуордарыгар» «Айыы кыһата» национальнай гимназия 3-с Б кылааһын 23 үөрэнээччитэ, тоҕус төрөппүт арыалдьыттаах, учууталлара Айталина Винокурова салалтатынан кытыннылар. Айталина Елисеевна үөрэнээччилэрин кыайыыларыттан астынан туран санаатын үллэстэр:

«Бу кылааһым оҕолорун кытта бастакы ыраах айаммыт. Маннык улахан түһүлгэҕэ аан бастакы кыттыыбыт ситиһиилээх буолбутуттан үөрдүбүт. Үөрэнээччилэрим төрөөбүт өрөспүүбүлүкэлэрин уонна гимназияларын аатын дорҕоонноохтук ааттаппыттарыттан астынан уонна киэн туттан кэллилэр. Биһиги дойдубут оҕо дьоҕурун кыра эрдэҕиттэн сайыннарарыгар уонна киэҥник биллэрэригэр толору кыаҕы биэрэрин бу «Казань оһуордара» фестиваль, «Я могу!» федеральнай бырайыак ырылхайдык көрдөрөллөр. Маннык тэрээһиннэртэн куорсун анньынан оҕолорго кэрэҕэ тардыы үөскүүр, дьоҕурдара арыллар, билиилэрэ-көрүүлэрэ хаҥыыр, сири-дойдуну көрөн, атын регионнартан кэлбит биир саастыылаахтарын кытта алтыһан майгы-сигили, өй-санаа өттүнэн сайдаллар. Айан коллективы түмэр уонна хардарыта көмөлөсүһэргэ, бэйэни көрүнэ-дьаһана сылдьарга баай үөрүйэҕи биэрэр аналлаах». 

Оттон оҕолор бэйэлэрэ бу улахан түһүлгэни, ситиһиилэрин уонна айаны хайдах ылыммыттарын «Айыы кыһата» национальнай гимназия 3-с Б кылааһын үөрэнээччитэ Кыйаара Ондороос кэпсээниттэн билиэххэ сөп:

«Мин кылааһынан айаны уонна фестивалы олус сөбүлээтим. Бастыҥнар кэккэлэригэр киирбиппиттэн үөрдүм. Наһаа кэрэхсэбиллээх экскурсиялар буоллулар. Ордук өйдөөн хаалбыт сирим – «Бары итэҕэллэр храмнара». Манна аҕам доҕотторо – татаар суруйааччыта Рустэм уонна кини кэргэнэ Эльвира Галиуллиннар сырытыннарбыттара. «Чак-чак» уонна «Эчпочмак» диэн татаардар төрүт астарын сөбүлээн амсайдым».

Кырачааннар күрэскэ кыттыбыттарын сэргэ Казань куорат уонна ыаллыы Марий Эл өрөспүүбүлүкэтин киинэ Йошкар Ола кэрэ-бэлиэ миэстэлэринэн экскурсиялаатылар, ол иһигэр Казань Кириэмилэ уонна Свияжскай кириэппэһэ курдук түҥ былыргы тутуулары кэрэхсии көрдүлэр.

Иванна Петрачук


Читайте нас в:

«Айыы кыһатын» үөрэнээччилэрэ – Россия бастыҥ ырыаһыттара

Татарстан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар үлэтин норуоттар икки ардыларынааҕы фестиваль-куонкуруһа 108-с төгүлүн буолан ааста.

Россия уонна СНГ дойдуларын айар куттаах кэнчээри ыччатын түмэр тэрээһин «Я могу!» культура-үөрэх федеральнай бырайыагын чэрчитинэн ыытыллар. Ол курдук, «Казань оһуордарыгар» кинилэр ырыа, музыка, үҥкүү, театр, цирк, ойуулуур-дьүһүннүүр, уус-уран оҥоһук хайысхаларыгар айар дьоҕурдарын тургуттулар. Бу күрэскэ Саха сирин чиэһин Дьокуускай куорат «Айыы кыһата» национальнай гимназиятын 3-с Б уонна 4-с Б кылаастарын үөрэнээччилэрэ дьоһуннук көмүскээтилэр. Ол курдук, «Казань оһуордара» оҕо уонна ыччат айар үлэтин норуоттар икки ардыларынааҕы 108-с фестиваль-куонкурус 70 айар коллектив кыттыбыт ырыа хайысхатыгар 3-с Б кылаас үөрэнээччилэрэ аан бастаан аҕыс бастыҥ иһигэр киирэн гала-кэнсиэргэ кытыннылар уонна түмүккэ үһүс степеннээх лауреат үрдүк аатын сүктүлэр. Ону сэргэ эдэр ырыаһыттар «Бастыҥ көстүүм иһин» анал бирииһинэн эмиэ бэлиэтэнэн үөрүүлэрэ икки бүк улаатта.

Бу – Дьокуускай иһигэр даҕаны күрэхтэһиигэ кытта илик коллектив дебюта диэтэххэ улахан ситиһии! Оҕолор «Юные якутяне» эбии үөрэхтээһин киинин педагога Сардаана Окоемова тылларыгар уонна матыыбыгар «Айылҕаны харыстыах» ырыаны ис сүрэхтэриттэн ылынан ыллааннар Россия уонна Татарстан музыка искусствотыгар бөдөҥ маастардарыттан сүүмэрдэммит дьүүллүүр сүбэ кутун-сүрүн туттулар.

Сиһилии кэпсээтэххэ, «Казань оһуордарыгар» «Айыы кыһата» национальнай гимназия 3-с Б кылааһын 23 үөрэнээччитэ, тоҕус төрөппүт арыалдьыттаах, учууталлара Айталина Винокурова салалтатынан кытыннылар. Айталина Елисеевна үөрэнээччилэрин кыайыыларыттан астынан туран санаатын үллэстэр:

«Бу кылааһым оҕолорун кытта бастакы ыраах айаммыт. Маннык улахан түһүлгэҕэ аан бастакы кыттыыбыт ситиһиилээх буолбутуттан үөрдүбүт. Үөрэнээччилэрим төрөөбүт өрөспүүбүлүкэлэрин уонна гимназияларын аатын дорҕоонноохтук ааттаппыттарыттан астынан уонна киэн туттан кэллилэр. Биһиги дойдубут оҕо дьоҕурун кыра эрдэҕиттэн сайыннарарыгар уонна киэҥник биллэрэригэр толору кыаҕы биэрэрин бу «Казань оһуордара» фестиваль, «Я могу!» федеральнай бырайыак ырылхайдык көрдөрөллөр. Маннык тэрээһиннэртэн куорсун анньынан оҕолорго кэрэҕэ тардыы үөскүүр, дьоҕурдара арыллар, билиилэрэ-көрүүлэрэ хаҥыыр, сири-дойдуну көрөн, атын регионнартан кэлбит биир саастыылаахтарын кытта алтыһан майгы-сигили, өй-санаа өттүнэн сайдаллар. Айан коллективы түмэр уонна хардарыта көмөлөсүһэргэ, бэйэни көрүнэ-дьаһана сылдьарга баай үөрүйэҕи биэрэр аналлаах». 

Оттон оҕолор бэйэлэрэ бу улахан түһүлгэни, ситиһиилэрин уонна айаны хайдах ылыммыттарын «Айыы кыһата» национальнай гимназия 3-с Б кылааһын үөрэнээччитэ Кыйаара Ондороос кэпсээниттэн билиэххэ сөп:

«Мин кылааһынан айаны уонна фестивалы олус сөбүлээтим. Бастыҥнар кэккэлэригэр киирбиппиттэн үөрдүм. Наһаа кэрэхсэбиллээх экскурсиялар буоллулар. Ордук өйдөөн хаалбыт сирим – «Бары итэҕэллэр храмнара». Манна аҕам доҕотторо – татаар суруйааччыта Рустэм уонна кини кэргэнэ Эльвира Галиуллиннар сырытыннарбыттара. «Чак-чак» уонна «Эчпочмак» диэн татаардар төрүт астарын сөбүлээн амсайдым».

Кырачааннар күрэскэ кыттыбыттарын сэргэ Казань куорат уонна ыаллыы Марий Эл өрөспүүбүлүкэтин киинэ Йошкар Ола кэрэ-бэлиэ миэстэлэринэн экскурсиялаатылар, ол иһигэр Казань Кириэмилэ уонна Свияжскай кириэппэһэ курдук түҥ былыргы тутуулары кэрэхсии көрдүлэр.

Иванна Петрачук



Читайте дальше

Юмор ЧП Спорт СВО Разное Отдых Мир Культ