«Саха сирэ эйигинниин» уопсастыбаннай хамсааһын ыҥырыытынан Валентина Шадрина салайааччылаах Уус Алдан улууһун дьахталларын сүбэтэ быйыл муус устар 5 күнүгэр бары нэһилиэктэр ийэлэригэр, эбээлэригэр, дьүөгэлэргэ анаан байыаннай дьайыыга кытта сылдьар байыастарбытыгар үтүө санаа аахсыйатын биллэрэн 100-түү солкуобай харчы хомуйан саҕалаабыта. Бу туһунан «Мүрү саһарҕата» суруйар.
Хомуллубут үбү — 184 200 солкуобайы Валентина Николаевна бүгүн Өрөспүүбүлүкэ күнүн көрсө бэтэрээннэр улуустааҕы сэбиэттэрин уонна байыаннай дьайыы кыттыылаахтарыгар көмөлөһөр улуустааҕы «Эрэл» фонда салайааччыта Олег Федоровка туттарда. Харчыны туттарыыга «Алаас хотуна» дьахтар түмсүүтүн салайааччыта Владилена Колесова уонна фонда бухгалтера Ольга Слепцова кытыннылар.
Мария Аргунова
Читайте нас в:
