Саха остуоруйаларын Казахстаҥҥа сыаналаатылар

Муус устар 17-21 күннэригэр Казахстан Өрөспүүбүлүкэтин Астана куоратыгар сыллата буолар «Eurasian Book Fair-2024» Евразия аан дойдутааҕы кинигэ быыстапка-дьаарбаҥката буолан ааста.

Уруулуу тыллаах, майгыннаһар култууралаах казаах омук саха кинигэлэрин, чуолаан оҕоҕо аналлаах таһаарыылары, биһириирин дьон атыылаһарыттан, сэҥээрэриттэн бэлиэтии көрөбүт. Биир сүрүн туоһутунан саха норуодунай суруйааччыта Д.К. Сивцев-Суорун Омоллоон «Саха остуоруйалара» кинигэтэ I истиэпэннээх дьупулуомунан наҕараадаламмыта буолар.

Бу кинигэҕэ Суорун Омоллоон норуот уус-уран айымньытыгар олоҕуран суруйбут 5 остуоруйата киирдэ. Кырачаан ааҕааччылар бу кинигэттэн бастыҥ көтөр Хаххан доҕотторун тоҕо албыннаабытын, Саһыллаах Эһэ тоҕо кыр өстөөх буолбуттарын, муммут уолаттар хайдах гынан уоту ылалларын, дьолу түстүүр көмүс чороон Чурумчукуга тугу бэлэхтиирин, Үчүгэй Үөдүйээн Үөһээ дойдуга тоҕо айанныырын билиэхтэрэ. Өбүгэбит мындыр толкуйунан, сатамньылаах үөрүйэҕинэн саха оҕотун иитиигэ остуоруйа маҥнайгы оҥкулу уурар. Кинигэ саха уонна нуучча тылынан суруллубут.

Суорун Омоллоон норуот уус-уран айымньытын саҥалыы тыыннаан суруйан хаалларбыт күндү баайа дьэрэкээн ойуулаах кинигэ буолан тахсан, аан дойду таһымыгар сыаналанна! Өссө ханнык кинигэлэр биһирэммиттэрин ayar.ru саайтан билсиэххитин сөп.


Также читайте:
Монографию якутских и казахских ученых о кумысе презентовали в Казахстане

Читайте нас в:

Саха остуоруйаларын Казахстаҥҥа сыаналаатылар

Муус устар 17-21 күннэригэр Казахстан Өрөспүүбүлүкэтин Астана куоратыгар сыллата буолар «Eurasian Book Fair-2024» Евразия аан дойдутааҕы кинигэ быыстапка-дьаарбаҥката буолан ааста.

Уруулуу тыллаах, майгыннаһар култууралаах казаах омук саха кинигэлэрин, чуолаан оҕоҕо аналлаах таһаарыылары, биһириирин дьон атыылаһарыттан, сэҥээрэриттэн бэлиэтии көрөбүт. Биир сүрүн туоһутунан саха норуодунай суруйааччыта Д.К. Сивцев-Суорун Омоллоон «Саха остуоруйалара» кинигэтэ I истиэпэннээх дьупулуомунан наҕараадаламмыта буолар.

Бу кинигэҕэ Суорун Омоллоон норуот уус-уран айымньытыгар олоҕуран суруйбут 5 остуоруйата киирдэ. Кырачаан ааҕааччылар бу кинигэттэн бастыҥ көтөр Хаххан доҕотторун тоҕо албыннаабытын, Саһыллаах Эһэ тоҕо кыр өстөөх буолбуттарын, муммут уолаттар хайдах гынан уоту ылалларын, дьолу түстүүр көмүс чороон Чурумчукуга тугу бэлэхтиирин, Үчүгэй Үөдүйээн Үөһээ дойдуга тоҕо айанныырын билиэхтэрэ. Өбүгэбит мындыр толкуйунан, сатамньылаах үөрүйэҕинэн саха оҕотун иитиигэ остуоруйа маҥнайгы оҥкулу уурар. Кинигэ саха уонна нуучча тылынан суруллубут.

Суорун Омоллоон норуот уус-уран айымньытын саҥалыы тыыннаан суруйан хаалларбыт күндү баайа дьэрэкээн ойуулаах кинигэ буолан тахсан, аан дойду таһымыгар сыаналанна! Өссө ханнык кинигэлэр биһирэммиттэрин ayar.ru саайтан билсиэххитин сөп.


Также читайте:
Монографию якутских и казахских ученых о кумысе презентовали в Казахстане


Читайте дальше

Юмор ЧП Спорт СВО Разное Отдых Мир Культ