«Ыал аҕата — ситим төрдө» диэн доруобуйаларынан хааччахтаах дьон ортотугар өрөспүүбүлүкэтээҕи күрэх буолан ааста. Горнай улууһун Дьиикимдэ нэһилиэгэр Хаҥалас, Горнай, Таатта улуустарыттан аҕалар мустан, күрэс былдьастылар.

Бастакы миэстэни Егор Софронов (Хаҥалас), иккиһи — Геннадий Филиппов (Горнай), үсүһү — Валерий Слепцов (Таатта) ыллылар.

Спонсор «Хоту Тент» тэрилтэ туруорбут анал бирииһин Горнай олохтооҕо Леонид Павлов тутта.

Бары кыттыылаахтар өрөспүүбүлүкэтээҕи инбэлииттэр уопсастыбалара туруорбут сыаналаах бириистэринэн наҕараадаланнылар. Ити курдук, былыргыттан быйылгыга диэри аҕа дьиэ кэргэн олоҕор баһылык буолара мѳккүһүллүбэт кырдьык.

Ньургуйаана Скрябина