Сатаҕай оскуолатыгар битэмииннээх үүнээйини үүннэриэхтэрэ

Е.А.Шишигин аатынан Сатаҕай орто оскуолатыгар гидропоника диэн битэмииннээх күөх үүнээйини үүннэрэр оборудование кэлэн турда. Саҥа оборудованиены химия учуутала Лия Андреева салайан үлэлэтиэ, диэн суруйар «Амма олоҕо» хаһыат.

Сылы эргиччи битэмииннээх күөх үүнээйини үүннэрии интэриэһи тардан, оскуола былырыыҥҥыттан туһааннаах тэрилтэлэргэ сылдьан, үөрэтиини саҕалаабыта. Дьокуускайдааҕы  “Экологические фермы” ХЭТ бу түргэнник ситэр күөх үүнээйинэн дьарыктанарга үлэлэһэргэ бэлэмин биллэрбитэ. Ол эрээри сыаналаах тэрил ылбычча баар буола охсубат. Элбэх кэпсэтии, сүүрүү-көтүү түмүгэр оскуолаҕа, химия кабинетыгар гидропоника кэлэн турда. Бырайыак гидропоникаҕа күөх үүнээйини үөрэнээччи бэйэтэ көрөн-истэн, тутан-хабан үөрэтэн, салгыы бу хайысханан сайдарыгар кыаҕы биэриэ, уруокка ылбыт билиитин таһынан наука эйгэтигэр сыстан оҕо чинчийэр үлэнэн дьарыктанарыгар олук буолуо диэн санааттан үлэҕэ киирдэ. Оҕолор бу күннэргэ үөрэ-көтө бастакы үүнээйилэрин олортулар.

 “Бу хайысха инникилээҕин, кэскиллээҕин үлэлиир кэмигэр нэһилиэкпит баһылыга Семен Давыдов  өйүүрүн биллэрбитэ. Ону олохтоох дьаһалта өйдөөн, үбүлээн, бу саҥа бырайыак олоххо киирдэ. Түгэнинэн туһанан, үөрэнээччилэр уонна оскуола кэлэктиибин аатыттан олохтоох дьаһалтаҕа  махталбытын биллэрэбит. Оҕолор эбии үөрэхтээһиннэрин сайыннарарга өссө биир сонун  хайысха баар буолла”, — диэн оскуола дириэктэрэ Иванна Шишигина үөрүүтүн үллэстэр.

Христина Скрябина


Читайте нас в:

Сатаҕай оскуолатыгар битэмииннээх үүнээйини үүннэриэхтэрэ

Е.А.Шишигин аатынан Сатаҕай орто оскуолатыгар гидропоника диэн битэмииннээх күөх үүнээйини үүннэрэр оборудование кэлэн турда. Саҥа оборудованиены химия учуутала Лия Андреева салайан үлэлэтиэ, диэн суруйар «Амма олоҕо» хаһыат.

Сылы эргиччи битэмииннээх күөх үүнээйини үүннэрии интэриэһи тардан, оскуола былырыыҥҥыттан туһааннаах тэрилтэлэргэ сылдьан, үөрэтиини саҕалаабыта. Дьокуускайдааҕы  “Экологические фермы” ХЭТ бу түргэнник ситэр күөх үүнээйинэн дьарыктанарга үлэлэһэргэ бэлэмин биллэрбитэ. Ол эрээри сыаналаах тэрил ылбычча баар буола охсубат. Элбэх кэпсэтии, сүүрүү-көтүү түмүгэр оскуолаҕа, химия кабинетыгар гидропоника кэлэн турда. Бырайыак гидропоникаҕа күөх үүнээйини үөрэнээччи бэйэтэ көрөн-истэн, тутан-хабан үөрэтэн, салгыы бу хайысханан сайдарыгар кыаҕы биэриэ, уруокка ылбыт билиитин таһынан наука эйгэтигэр сыстан оҕо чинчийэр үлэнэн дьарыктанарыгар олук буолуо диэн санааттан үлэҕэ киирдэ. Оҕолор бу күннэргэ үөрэ-көтө бастакы үүнээйилэрин олортулар.

 “Бу хайысха инникилээҕин, кэскиллээҕин үлэлиир кэмигэр нэһилиэкпит баһылыга Семен Давыдов  өйүүрүн биллэрбитэ. Ону олохтоох дьаһалта өйдөөн, үбүлээн, бу саҥа бырайыак олоххо киирдэ. Түгэнинэн туһанан, үөрэнээччилэр уонна оскуола кэлэктиибин аатыттан олохтоох дьаһалтаҕа  махталбытын биллэрэбит. Оҕолор эбии үөрэхтээһиннэрин сайыннарарга өссө биир сонун  хайысха баар буолла”, — диэн оскуола дириэктэрэ Иванна Шишигина үөрүүтүн үллэстэр.

Христина Скрябина



Читайте дальше

Юмор ЧП Спорт СВО Разное Отдых Мир Культ