Кулун тутар 4 күнүттэн Муома оройуонугар биэс күн устата тэйиччи сытар учаастактарынан, ыстаадаларынан быыбар тэрээһинэ буола турар. Санаттахха, дойду үрдүнэн олунньу 25 күнүттэн бодьоҕун иннинэ куоластааһын саҕаламмыта.

Муома оройуонун дьаһалтатын пресс-сулууспата иһитиннэрэринэн, чуолаан ыраах тайаан сытар сирдэринэн үлэлиир табаһыттар быыбардыыллар. Манна учаастактардааҕы быыбардыыр хамыыһыйа чилиэннэрэ вертолетунан көтөн тиийэн үлэни тэрийэллэр. Кинилэри кытта сирдьиттэр, баартыйалар бэрэстэбиитэллэрэ, кэтээн көрөөччүлэр бааллар.

Бастакы күн, Дьокуускай Маҕаныттан көтөн кэлбит бөртөлүөт эбиэттэн киэһэ Соболоох нэһилиэгин территориятыгар баар “Тихон” ыстаадатын таарыйда. Манна 4 табаһыт быыбардыыр быраабын толору туһанна.

Сарсыныгар, кулун тутар 5 күнүгэр, быыбардыыр хамыыһыйа Индигир нэһилиэгэр “Бэркичэх”, “Чыбааҕылаах”, “Кыҥырайдаах” ыстаадалары хабан үлэлээтэ. Манна баар табаһыттар хамыыһыйаны үөрэ-көтө көрсөн, куоластаатылар. Икки күн устата барыта 14 табаһыт куоластаата.

Также по теме:

В Усть-Янском районе Якутии началось досрочное голосование на выборах президента страны