Афанасий Осипов аатын үйэтитиигэ дьоһун бэлэх

Академик Афанасий Николаевич Осипов Галереятыгар СӨ култууратын үтүөлээх үлэһитэ, СӨ Судаарыстыбаннай бириэмийэтин лауреата, Горнай улууһун бочуоттаах олохтооҕо Василий Алексеев «Төрөөбүт дойдутуттан иэйии ылан» диэн ССРС, РСФСР, Саха АССР норуодунай худуоһунньуга, сахалартан бастакы академик, Худуоһунньуктар Арассыыйатааҕы академияларын, Кыргызстан Өрөспүүбүлүкэтин Худуоһунньуктарын национальнай академиятын дьиҥнээх чилиэнэ, И.Е.Репин аатынан РСФСР Судаарыстыбаннай бириэмийэтин, Саха сирин Ленинскэй хомсомуолун бириэмийэтин лауреаттара, Саха Өрөспүүбүлүкэтин Духуобунаһын академиятын президенэ, Саха Өрөспүүбүлүкэтин уонна Горнай улууһун бочуоттаах гражданина, саха саарына, ытык киһибит Афанасий Николаевич Осипов туһунан суруйбут ыстатыйаларын хомуйан, кини сырдык мөссүөнүн, төрөөбүт-үөскээбит төрүт дойдутугар, биир дойдулаахтарыгар тапталын, истиҥ сыһыанын кэрэһэлиир араас кэмҥэ бэйэтэ түһэрбит хаартыскаларынан киэргэтэн кинигэ-альбому таһаарбытын биһирэмэ буолла.

Бу улуу худуоһунньук төрөөбүт күнүгэр кини олоҕун, айар үлэтин үйэтитиигэ, үөрэтиигэ-чинчийиигэ биир дьоһун суолталаах бэлэх буолла. Василий Ильич улуу киһибит олоххо көрүүлэриттэн мындыр этиилэрин быһа тардан ааҕан иһитиннэрдэ уонна бу үлэни түмэн таһаарыы кэлэр көлүөнэлэргэ туһаайыллыбытын бэлиэтээтэ.

Василий Алексеев саха суруналыыстыкатын бэриниилээх саллаата, идэтигэр үлүһүйэн туран үлэлиир биир биллэр-көстөр суоллаах суруналыыс уонна бөдөҥ салайааччы, наставник буолар. Горнай улууһунааҕы «Үлэ күүһэ» хаһыат редакциятын сүрүн редактор быһыытынан уһуннук, олус таһаарыылаахтык салайбыта. Редакция үлэтигэр саҥаны киллэрбитэ, материальнай-техническэй баҕатын бөҕөргөппүтэ, редакция кинигэлэри бэчээттиир, улууска сыллааҕы үлэ түмүгүнэн “Чыпчааллар” диэн улуус сайдыытын историятын кэпсиир кинигэлэри көҕүлээн таһаарар буолбута. Редакция дьиэтин дьаһаллаахтык тутан, киһи кэрэхсиир музейын олохтообута. Тус бэйэтэ икки тыһыынча кэриҥэ ыстатыйалары, араас тиэмэҕэ суруйуулара өрөспүүбүлүкэ биэс уонча хаһыаттарыгар, сурунаалларыгар тахсыбыта, биэс уонча кинигэтэ бэчээттэннэ. Өр кэмнээх үлэтин усталаах-туоратыгар хаартыскаҕа түһэриилэрин фотоархыып оҥорон, билиҥҥи көлүөнэ суруналыыстарга көмө буолар баай нэһилиэстибэни бэлэхтээтэ.

Бу күн саха норуодунай суруйааччыта, Россия Суруйааччыларын Сойууүун бырабылыанньатын чилиэнэ, СӨ Духуобунаһын академиятын вице-президенэ Н.А. Лугинов, Горнай улууһун баһылыгын бастакы солбуйааччы С.С. Стручкова, академик А.Н. Осипов төрөппүт уола, худуоһунньук Б.А. Осипов, «Сахабэчээт” САТ генеральнай дириэктэрэ Н.М. Стручкова, Худуоһунньуктар Сойуустарыттан саха норуодунай худуоһунньуга А.Н. Зверева о.д.а. норуот улуу киһитин Афанасий Николаевич Осиповы истиҥник ахтан-санаан уонна кинигэ-альбом ааптарын эҕэрдэлээн тыл эттилэр. Ыалдьыттарга Горнай улууһун баһылыга Н.В. Андреев аатыттан кинигэ бэлэхтээтилэр.

 Валентина Бочонина


Читайте нас в:

Афанасий Осипов аатын үйэтитиигэ дьоһун бэлэх

Академик Афанасий Николаевич Осипов Галереятыгар СӨ култууратын үтүөлээх үлэһитэ, СӨ Судаарыстыбаннай бириэмийэтин лауреата, Горнай улууһун бочуоттаах олохтооҕо Василий Алексеев «Төрөөбүт дойдутуттан иэйии ылан» диэн ССРС, РСФСР, Саха АССР норуодунай худуоһунньуга, сахалартан бастакы академик, Худуоһунньуктар Арассыыйатааҕы академияларын, Кыргызстан Өрөспүүбүлүкэтин Худуоһунньуктарын национальнай академиятын дьиҥнээх чилиэнэ, И.Е.Репин аатынан РСФСР Судаарыстыбаннай бириэмийэтин, Саха сирин Ленинскэй хомсомуолун бириэмийэтин лауреаттара, Саха Өрөспүүбүлүкэтин Духуобунаһын академиятын президенэ, Саха Өрөспүүбүлүкэтин уонна Горнай улууһун бочуоттаах гражданина, саха саарына, ытык киһибит Афанасий Николаевич Осипов туһунан суруйбут ыстатыйаларын хомуйан, кини сырдык мөссүөнүн, төрөөбүт-үөскээбит төрүт дойдутугар, биир дойдулаахтарыгар тапталын, истиҥ сыһыанын кэрэһэлиир араас кэмҥэ бэйэтэ түһэрбит хаартыскаларынан киэргэтэн кинигэ-альбому таһаарбытын биһирэмэ буолла.

Бу улуу худуоһунньук төрөөбүт күнүгэр кини олоҕун, айар үлэтин үйэтитиигэ, үөрэтиигэ-чинчийиигэ биир дьоһун суолталаах бэлэх буолла. Василий Ильич улуу киһибит олоххо көрүүлэриттэн мындыр этиилэрин быһа тардан ааҕан иһитиннэрдэ уонна бу үлэни түмэн таһаарыы кэлэр көлүөнэлэргэ туһаайыллыбытын бэлиэтээтэ.

Василий Алексеев саха суруналыыстыкатын бэриниилээх саллаата, идэтигэр үлүһүйэн туран үлэлиир биир биллэр-көстөр суоллаах суруналыыс уонна бөдөҥ салайааччы, наставник буолар. Горнай улууһунааҕы «Үлэ күүһэ» хаһыат редакциятын сүрүн редактор быһыытынан уһуннук, олус таһаарыылаахтык салайбыта. Редакция үлэтигэр саҥаны киллэрбитэ, материальнай-техническэй баҕатын бөҕөргөппүтэ, редакция кинигэлэри бэчээттиир, улууска сыллааҕы үлэ түмүгүнэн “Чыпчааллар” диэн улуус сайдыытын историятын кэпсиир кинигэлэри көҕүлээн таһаарар буолбута. Редакция дьиэтин дьаһаллаахтык тутан, киһи кэрэхсиир музейын олохтообута. Тус бэйэтэ икки тыһыынча кэриҥэ ыстатыйалары, араас тиэмэҕэ суруйуулара өрөспүүбүлүкэ биэс уонча хаһыаттарыгар, сурунаалларыгар тахсыбыта, биэс уонча кинигэтэ бэчээттэннэ. Өр кэмнээх үлэтин усталаах-туоратыгар хаартыскаҕа түһэриилэрин фотоархыып оҥорон, билиҥҥи көлүөнэ суруналыыстарга көмө буолар баай нэһилиэстибэни бэлэхтээтэ.

Бу күн саха норуодунай суруйааччыта, Россия Суруйааччыларын Сойууүун бырабылыанньатын чилиэнэ, СӨ Духуобунаһын академиятын вице-президенэ Н.А. Лугинов, Горнай улууһун баһылыгын бастакы солбуйааччы С.С. Стручкова, академик А.Н. Осипов төрөппүт уола, худуоһунньук Б.А. Осипов, «Сахабэчээт” САТ генеральнай дириэктэрэ Н.М. Стручкова, Худуоһунньуктар Сойуустарыттан саха норуодунай худуоһунньуга А.Н. Зверева о.д.а. норуот улуу киһитин Афанасий Николаевич Осиповы истиҥник ахтан-санаан уонна кинигэ-альбом ааптарын эҕэрдэлээн тыл эттилэр. Ыалдьыттарга Горнай улууһун баһылыга Н.В. Андреев аатыттан кинигэ бэлэхтээтилэр.

 Валентина Бочонина



Читайте дальше

Юмор ЧП Спорт СВО Разное Отдых Мир Культ