«Хорсунун иһин» уордьаннаах Василий Репиҥҥэ анаммыт «Дьоруой паартата» турда

Бүтүн Арассыыйатааҕы үөрэҕирии бырайыагын иһинэн «Албан аат» уордьан толору кавалера Д.А. Петров аатынан Ытык Күөл 2–с нүөмэрдээх орто оскуолатыгар байыаннай дьайыыга олоҕун толук уурбут Василий Репиҥҥэ аналлаах «Дьоруой паартата» аһылынна. Бу туһунан «Таатта» хаһыат суруйар. 

Долгутуулаах тэрээһин хас биирдии сүрэххэ Ийэ дойдуга бэриниилээх буолуу тыынын киллэрэн, сүгүрүйүү бэлиэтинэн өрө күүрүүлээх ырыанан саҕаланна. Бэлиэ күн бастыҥ үөрэнээччилэр Арассыыйа Федерациятын судаарыстыбаннай, Саха сирин уонна Таатта улууһун былаахтарын күөрэччи тутан киллэрдилэр, «Эдэр Карбышевтар» хомоҕой хоһооннорун анаатылар.

Дириҥ ис хоһоонноох кэриэстэбил күнүгэр оскуола дириэктэрэ Дмитрий Сергеев: ««Дьоруой паартата» биир дойдулаахтарбыт ааттарын үйэтитэ туруоҕа!» — диэн туран, киэн тутта ааттыыр хорсун дьоруой дьиэ кэргэнигэр истиҥ махталын биллэрдэ.

«Таатта улууһа» МО баһылыгын социальнай боппуруостарга солбуйааччы Святослав Сунхалыров Ийэ дойдуга бэриниилээх буолуу үтүө холобурун көрдөрөр бэлиэ күн үүнэр көлүөнэҕэ төрөөбүт дойдуну ис сүрэхтэн таптыырга, үлэни, үөрэҕи сыаналыырга анаммыт тэрээһининэн буоларын бэлиэтээтэ. Бэйэтин дьыалатыгар бэриниилээх Василий Репин эйэлээх олох уонна дьон-норуот туһугар олоҕун анаабытын, Таатта улууһа үтүө дьонунан ааттана турарын сырдатта. Святослав Сунхалыров: «Таатта улууһа холобур буолар ыччаты үүннэрэр, кэскиллээх эдэр дьон төрөөбүт улуустарын ааттата тураллар», — диэн истиҥ тыллары этэн туран, Василий Репин күн күбэй ийэтигэр Изабелла Николаевнаҕа улуус дьаһалтатын аатыттан «За верность родительскому долгу» бочуоттаах бэлиэни туттарда.

Өйдөбүнньүк күн Таатта нэһилиэгин баһылыга Егор Павлов хорсун санаалаах байыас күн күбэй ийэтигэр Изабелла Николаевнаҕа «Нэһилиэк бочуоттаах олохтооҕо» ааты иҥэрдэ, кэргэнэ Сардана Даниловнаҕа сибэкки дьөрбөтүн туттарда.

Холобур туттар биир дойдулаахпыт Василий Репиҥҥэ анаммыт «Дьоруой паартатыгар» аан маҥнайгынан оскуола бастыҥ көхтөөх үөрэнээччитэ, Бүтүн Арассыыйатааҕы «Хранители истории» бырайыак чилиэнэ, «Эдэр Карбышевтар» патриотическай оҕо хамсааһынын чилиэнэ Егор Оросин үөрэниэҕэ.

ДЬОРУОЙ СЫРДЫК ОЛОҔО

Билиҥҥи кэм дьоруойдарыгар анаммыт тэрээһиҥҥэ кэнэҕэски кэнчээрилэрбит элбэх оҕо амарах аҕата Василий Васильевич Репин 1976 сыллаахха кулун тутар 27 күнүгэр Өлүөхүмэ улууһугар Бастакы Нөөрүктээйи нэһилиэгэр күн сирин көрбүтэ. Ийэтэ Изабелла Николаевна, аҕата Василий Дмитриевич дьиэ кэргэттэригэр Василий иккис оҕонон төрөөбүтэ. Аҕата эрдэ олохтон туораан, дьиэ ис-тас үлэтигэр барытыгар сыстаҕас этэ. 1983 сыллаахха Ытык Күөл 2-с нүөмэрдээх оскуола боруогун атыллаан, Екатерина Никитична Меккюсяроваҕа үөрэнэн, киэҥ билиини сомсубута. Василий Репин үөрэнэр кэмигэр атах оонньуутугар, хайыһарга дэгиттэр дьоҕурдааҕа. Хорсун санаалаах биир дойдулаахпыт 1996 сыллаахха Ис дьыала салаатын сотруднигынан, байыаннай охранаҕа о.д.а. тэрилтэҕэ бэриниилээхтик үлэлээбитэ.

Киэҥ-холку, эйэҕэс майгылаах саха эр хоһууна анал байыаннай дьайыыга разведкаҕа сылдьан сырдык тыына быстыбыта. Василий Репин Арассыыйа Федерациятын Бэрэсидьиэнэ Владимир Путин ыйааҕынан «Хорсунун иһин» уордьанынан наҕараадаламмыта.

РЕПИННЭР БОЙОБУОЙ СУОЛЛАРА САЛҔАНАР

«Албан аат» түмэл салайааччыта Маргарита Попова: «Дьоруой оскуолата дьоруойдары үүннэрэр».

— Быйыл улуу Кыайыы 79-с сылын бэлиэтиэхпит. Репиннэр дьиэ кэргэн хорсун эһэлэрин бойобуой суола салҕанар. Аҕа дойду сэриитин кыттыылааҕа, иккис төгүлүн нэһилиэк Сэбиэтин бэрэссэдээтэлинэн таһаарыылаахтык үлэлээбит Николай Федорович Репин «Хорсунун иһин» мэтээл уонна элбэх бойобуой наҕараадалаах. Билигин кинилэр сыдьааннарыттан түөрт эр хоһуун анал байыаннай дьайыыга кытта сылдьар. Дьиэ кэргэн тэлгэһэтигэр оҕону хайдах иитэриттэн саҕалаан, төрөөбүт дойдуга истиҥ тапталы иҥэрэриттэн хорсун быһыы үтүө холобура көстөр, — диэн ыллыктаах санаатын үллэстэр.

Талыы талба Таатта ыччата Ытык иэстэрин үрдүк чиэстээхтик толороллор. Дьоруой аатын сүгэр оскуола билиҥҥи кэм ДЬОРУОЙДАРЫН үүннэрэ, үрдүккэ кынаттыы турдун!

Мария Павлова


Читайте нас в:

«Хорсунун иһин» уордьаннаах Василий Репиҥҥэ анаммыт «Дьоруой паартата» турда

Бүтүн Арассыыйатааҕы үөрэҕирии бырайыагын иһинэн «Албан аат» уордьан толору кавалера Д.А. Петров аатынан Ытык Күөл 2–с нүөмэрдээх орто оскуолатыгар байыаннай дьайыыга олоҕун толук уурбут Василий Репиҥҥэ аналлаах «Дьоруой паартата» аһылынна. Бу туһунан «Таатта» хаһыат суруйар. 

Долгутуулаах тэрээһин хас биирдии сүрэххэ Ийэ дойдуга бэриниилээх буолуу тыынын киллэрэн, сүгүрүйүү бэлиэтинэн өрө күүрүүлээх ырыанан саҕаланна. Бэлиэ күн бастыҥ үөрэнээччилэр Арассыыйа Федерациятын судаарыстыбаннай, Саха сирин уонна Таатта улууһун былаахтарын күөрэччи тутан киллэрдилэр, «Эдэр Карбышевтар» хомоҕой хоһооннорун анаатылар.

Дириҥ ис хоһоонноох кэриэстэбил күнүгэр оскуола дириэктэрэ Дмитрий Сергеев: ««Дьоруой паартата» биир дойдулаахтарбыт ааттарын үйэтитэ туруоҕа!» — диэн туран, киэн тутта ааттыыр хорсун дьоруой дьиэ кэргэнигэр истиҥ махталын биллэрдэ.

«Таатта улууһа» МО баһылыгын социальнай боппуруостарга солбуйааччы Святослав Сунхалыров Ийэ дойдуга бэриниилээх буолуу үтүө холобурун көрдөрөр бэлиэ күн үүнэр көлүөнэҕэ төрөөбүт дойдуну ис сүрэхтэн таптыырга, үлэни, үөрэҕи сыаналыырга анаммыт тэрээһининэн буоларын бэлиэтээтэ. Бэйэтин дьыалатыгар бэриниилээх Василий Репин эйэлээх олох уонна дьон-норуот туһугар олоҕун анаабытын, Таатта улууһа үтүө дьонунан ааттана турарын сырдатта. Святослав Сунхалыров: «Таатта улууһа холобур буолар ыччаты үүннэрэр, кэскиллээх эдэр дьон төрөөбүт улуустарын ааттата тураллар», — диэн истиҥ тыллары этэн туран, Василий Репин күн күбэй ийэтигэр Изабелла Николаевнаҕа улуус дьаһалтатын аатыттан «За верность родительскому долгу» бочуоттаах бэлиэни туттарда.

Өйдөбүнньүк күн Таатта нэһилиэгин баһылыга Егор Павлов хорсун санаалаах байыас күн күбэй ийэтигэр Изабелла Николаевнаҕа «Нэһилиэк бочуоттаах олохтооҕо» ааты иҥэрдэ, кэргэнэ Сардана Даниловнаҕа сибэкки дьөрбөтүн туттарда.

Холобур туттар биир дойдулаахпыт Василий Репиҥҥэ анаммыт «Дьоруой паартатыгар» аан маҥнайгынан оскуола бастыҥ көхтөөх үөрэнээччитэ, Бүтүн Арассыыйатааҕы «Хранители истории» бырайыак чилиэнэ, «Эдэр Карбышевтар» патриотическай оҕо хамсааһынын чилиэнэ Егор Оросин үөрэниэҕэ.

ДЬОРУОЙ СЫРДЫК ОЛОҔО

Билиҥҥи кэм дьоруойдарыгар анаммыт тэрээһиҥҥэ кэнэҕэски кэнчээрилэрбит элбэх оҕо амарах аҕата Василий Васильевич Репин 1976 сыллаахха кулун тутар 27 күнүгэр Өлүөхүмэ улууһугар Бастакы Нөөрүктээйи нэһилиэгэр күн сирин көрбүтэ. Ийэтэ Изабелла Николаевна, аҕата Василий Дмитриевич дьиэ кэргэттэригэр Василий иккис оҕонон төрөөбүтэ. Аҕата эрдэ олохтон туораан, дьиэ ис-тас үлэтигэр барытыгар сыстаҕас этэ. 1983 сыллаахха Ытык Күөл 2-с нүөмэрдээх оскуола боруогун атыллаан, Екатерина Никитична Меккюсяроваҕа үөрэнэн, киэҥ билиини сомсубута. Василий Репин үөрэнэр кэмигэр атах оонньуутугар, хайыһарга дэгиттэр дьоҕурдааҕа. Хорсун санаалаах биир дойдулаахпыт 1996 сыллаахха Ис дьыала салаатын сотруднигынан, байыаннай охранаҕа о.д.а. тэрилтэҕэ бэриниилээхтик үлэлээбитэ.

Киэҥ-холку, эйэҕэс майгылаах саха эр хоһууна анал байыаннай дьайыыга разведкаҕа сылдьан сырдык тыына быстыбыта. Василий Репин Арассыыйа Федерациятын Бэрэсидьиэнэ Владимир Путин ыйааҕынан «Хорсунун иһин» уордьанынан наҕараадаламмыта.

РЕПИННЭР БОЙОБУОЙ СУОЛЛАРА САЛҔАНАР

«Албан аат» түмэл салайааччыта Маргарита Попова: «Дьоруой оскуолата дьоруойдары үүннэрэр».

— Быйыл улуу Кыайыы 79-с сылын бэлиэтиэхпит. Репиннэр дьиэ кэргэн хорсун эһэлэрин бойобуой суола салҕанар. Аҕа дойду сэриитин кыттыылааҕа, иккис төгүлүн нэһилиэк Сэбиэтин бэрэссэдээтэлинэн таһаарыылаахтык үлэлээбит Николай Федорович Репин «Хорсунун иһин» мэтээл уонна элбэх бойобуой наҕараадалаах. Билигин кинилэр сыдьааннарыттан түөрт эр хоһуун анал байыаннай дьайыыга кытта сылдьар. Дьиэ кэргэн тэлгэһэтигэр оҕону хайдах иитэриттэн саҕалаан, төрөөбүт дойдуга истиҥ тапталы иҥэрэриттэн хорсун быһыы үтүө холобура көстөр, — диэн ыллыктаах санаатын үллэстэр.

Талыы талба Таатта ыччата Ытык иэстэрин үрдүк чиэстээхтик толороллор. Дьоруой аатын сүгэр оскуола билиҥҥи кэм ДЬОРУОЙДАРЫН үүннэрэ, үрдүккэ кынаттыы турдун!

Мария Павлова



Читайте дальше

Юмор ЧП Спорт СВО Разное Отдых Мир Культ