Кэбээйилэр Олоҥхо ыһыаҕын 2026 сылга үрдүк таһымнаахтык ыытарга санаалара бигэ. Бу туһунан Кэбээйитээҕи П.Д.Степанов аатынан кыраайы үөрэтэр музейга экскурсоводунан үлэлиир Айталина Максимова этэр.
«Өрөспүүбүлүкэ таһымнаах улахан тэрээһин биһиги улууспутугар былааннанарын үөрэ иһиттибит. Эрдэ Олоҥхо ыһыаҕа Кэбээйигэ ыытылла илигэ. Норуот депутата Александр Жирков кэлэн культура үлэһиттэрин кытта көрсүбүтэ, эбийиэктэри билсибитэ, ол түмүгэр маннык быһаарыы ылылынна. Улахан ыһыаҕы улууһунан бүтүннүү турунан, аны икки сылынан өрө күүрүүлээхтик ыытарга бэлэм саҕаланыа», — диэн экскурсовод сиһилии кэпсээтэ.
Айталина Анатольевна этэринэн, ыһыахха улуус аатырбыт олоҥхоһуттара Федот Семенов-Кырса Сөдүөт, Константин Степанов, Илья Софронеев-Адамсык Ылдьаа уо.д.а ааттара ааттаныа.
«Оскуолабытыгар үгүс оҕо олоҥхолуур, тойуктуур. Кинилэри саха тылын, литературатын учуутала Антонина Терехова уһуйар. Искусство оскуолатыгар эмиэ элбэх талааннаах оҕо дьарыктанар. Онон ыһыахха кыттар баҕалаах үгүс буолара сабаҕаланар», — диэн экскурсовод Айталина Максимова эбэн эттэ.
Өссө ааҕыҥ
Кэбээйигэ Олоҥхо ыһыаҕын көрсө Кэрэ эйгэ оскуолата саҥа дьиэ баҕарар
Читайте нас в:
