Бүлүүгэ «Илии сылааһынан Кыайыы туһугар» олунньутааҕы акция бара турар. Аҕа дойдуну көмүскээччи күнүн көрсө улуустааҕы «Харысхал» хамсааһын бүгүн иккис төгүлүн СВО-ҕа сылдьар уолаттарга көмө ыытта: 13 дьааһык блиндаж чүмэчитэ, 22 устуука маскировочнай сетка, 16 дьааһык аадырыстаммыт бэлэх, 11 дьааһык бэлэх набора.
Түмсүү кыттыылаахтара бары көмөлөспүт дьоҥҥо муҥура суох махтаналлар. «Оҕолорбут барахсаттар Кыайыы кынаттанан, Сир Ийэҕэ или-эйэни олохтоон, үс саханы үөскэтэ, түөрт саханы төлкөлүү этэҥҥэ эргиллэн кэлиэхтэрэ диэн эрэл санаабытын, алгыспытын анаан туран иккис түһүмэхпитин ыыттыбыт», — диэн кэпсээтэ Тамара Фомина.
Баһыылкалар култуура управлениетын массыынатынан Дьокуускай куоракка тиийдилэр. 350 кг бүгүн самолекка угуллан Москва волонтердарыгар тиийиэхтээх.
Түмсүү салайааччыта Светлана Иванова: «„Норуот күүһэ-көмүөл күүһэ!“ диэн мээнэҕэ эппэттэр. Бэһис рулон материалбыт кэллэҕинэ үлэбитин салҕыахпыт. Харчытын түмсүүлэр хомуйан ыыталлар. Утары материал ылан ити маскировачнай сеткалары оҥоробут», — диэн үллэһиннэ.
Читайте нас в:
