Чурапчы нэһилиэгэр ыраас салгыҥҥа хаамарга аналлаах хас даҕаны суолу астылар

Өрөспүүбүлүкэҕэ, чуолаан Чурапчы нэһилиэгэр араас көлүөнэ дьон хаалыктаах хаамыынан утумнаахтык дьарыктанар. Бу күннэргэ нэһилиэк дьаһалтата, хаамар, дьарыктанар дьоҥҥо анаан киэҥ-куоҥ суоллары хас даҕаны сиринэн астаран биэрдэ, «Саҥа олох» хаһыат суруйар.

Олохтоохтор Куоҕалы эбэнэн, Ырыа Тумус искибиэр аннынан мусуойга диэри, «Молодежнай» ТОС-ка, Доҕордоһуу алааһыгар итиэннэ «Саҥа дэриэбинэ» томторунан туохтан даҕаны иҥнибэккэ, налыччы, көбүс-көнө суолунан хаамар, сүүрэр кыахтаннылар. Хас биирдии суол киирии тоҕойугар туһааннаах бэлиэлэр ыйаннылар.

«Күммүт уһаан, халлааммыт сырдаан — саас кэлэн иһэрэ тыа сиригэр ордук күүскэ биллэргэ дылы. Сотору кэминэн улаханныын-кыралыын бука бары таһырдьа кутуллан тахсыахпыт. Биһиги нэһилиэкпитигэр успуордунан утумнаахтык дьарыктанар кэскиллээх ыччаттардаахпыт, кинилэри сэргэ хас күн аайы сылайары билбэккэ күҥҥэ хастыыта эмэтэ хаамар, сүүрэр ытык кырдьаҕастар бааллар. Инньэ диэн туран дьоммутун-сэргэбитин бу оҥоһуллубут суолларынан бука бары тахсан хаамаргытыгар ыҥырабыт. Чурапчы күүһэ — түмсүүгэ», — диэн Чурапчы нэһилиэгин социальнай боппуруостарга солбуйааччы Варвара Макарова кэпсээтэ.

Сэмэн Жендринскэй


Читайте нас в:

Чурапчы нэһилиэгэр ыраас салгыҥҥа хаамарга аналлаах хас даҕаны суолу астылар

Өрөспүүбүлүкэҕэ, чуолаан Чурапчы нэһилиэгэр араас көлүөнэ дьон хаалыктаах хаамыынан утумнаахтык дьарыктанар. Бу күннэргэ нэһилиэк дьаһалтата, хаамар, дьарыктанар дьоҥҥо анаан киэҥ-куоҥ суоллары хас даҕаны сиринэн астаран биэрдэ, «Саҥа олох» хаһыат суруйар.

Олохтоохтор Куоҕалы эбэнэн, Ырыа Тумус искибиэр аннынан мусуойга диэри, «Молодежнай» ТОС-ка, Доҕордоһуу алааһыгар итиэннэ «Саҥа дэриэбинэ» томторунан туохтан даҕаны иҥнибэккэ, налыччы, көбүс-көнө суолунан хаамар, сүүрэр кыахтаннылар. Хас биирдии суол киирии тоҕойугар туһааннаах бэлиэлэр ыйаннылар.

«Күммүт уһаан, халлааммыт сырдаан — саас кэлэн иһэрэ тыа сиригэр ордук күүскэ биллэргэ дылы. Сотору кэминэн улаханныын-кыралыын бука бары таһырдьа кутуллан тахсыахпыт. Биһиги нэһилиэкпитигэр успуордунан утумнаахтык дьарыктанар кэскиллээх ыччаттардаахпыт, кинилэри сэргэ хас күн аайы сылайары билбэккэ күҥҥэ хастыыта эмэтэ хаамар, сүүрэр ытык кырдьаҕастар бааллар. Инньэ диэн туран дьоммутун-сэргэбитин бу оҥоһуллубут суолларынан бука бары тахсан хаамаргытыгар ыҥырабыт. Чурапчы күүһэ — түмсүүгэ», — диэн Чурапчы нэһилиэгин социальнай боппуруостарга солбуйааччы Варвара Макарова кэпсээтэ.

Сэмэн Жендринскэй



Читайте дальше

Юмор ЧП Спорт СВО Отдых Обо всём Мир Культ