Чурапчыга Коркиннар тиэргэннэригэр остуоруйа алыптаах дойдутун айаллар

Саҥа дьыл алыптаах күннэрэ салҕанан бара тураллар. Үүммүт сыл Дойдуга – Дьиэ кэргэн, Саха сиригэр – Оҕо саас, оттон Чурапчы улууһугар – Ыал Саргытын бэлиэлэринэн биллэрилиннэ. Онно сөп түбэһиннэрэн эбитэ дуу, Чурапчы нэһилиэгин “Куоҕалы” түөлбэтигэр остуоруйа алыптаах дойдута тиэргэннээх ыал баар эбит. Бу туһунан «Саҥа олох» хаһыат сырдатар. 

Кинилэр кимнээҕий? Хайахсыттан уонна Кытаанахтан силистээх-мутуктаах, “Куоҕалы” түөлбэ төрүт олохтоохторо Екатерина Васильевна уонна Василий Гаврильевич Коркиннар буолаллар.

Сааһын тухары тутуу үлэһитэ Василий Гаврильевич, урут хаһан даҕаны маннык хаар оҥоһуктарынан үлүһүйбэтэҕим диэн билинэр: “Оҕолор, сиэннэр кэлэллэригэр анаан былырыыҥҥыттан саҕалаан тиэргэммитин киэргэтэр буолбуппут. Быйыл, былырыыҥҥытааҕар быдан элбэх хаар оҥоһугу туруордум, уонтан тахса баар быһыылаах. Бэйэм тутуу эйгэтигэр күн-бүгүҥҥээҥи диэри үлэлиибин, олоҕум аргыһа Екатерина Васильевна иистэнньэҥ”.

Бу курдук, дьоҥҥо-сэргэҕэ саҥа дьыллааҕы настырыанньаны бэлэхтиир, бөһүөлэк иһинээҕи дьиэ тэлгэһэлэрэ туспаҕай көстүүлээх буоларыгар сэмэй кылааттарын киллэрэр күндү дьоммутугар бары үтүөнү, сырдыгы баҕарыаҕыҥ. Үүммүт 2024 сыл хайаан даҕаны ситиһиилээх, иллээх-эйэлээх буолуохтун!

 Сэмэн Жендринскэй. Хаартысканы Саина Гоголева тиксэрдэ


Читайте нас в:

Чурапчыга Коркиннар тиэргэннэригэр остуоруйа алыптаах дойдутун айаллар

Саҥа дьыл алыптаах күннэрэ салҕанан бара тураллар. Үүммүт сыл Дойдуга – Дьиэ кэргэн, Саха сиригэр – Оҕо саас, оттон Чурапчы улууһугар – Ыал Саргытын бэлиэлэринэн биллэрилиннэ. Онно сөп түбэһиннэрэн эбитэ дуу, Чурапчы нэһилиэгин “Куоҕалы” түөлбэтигэр остуоруйа алыптаах дойдута тиэргэннээх ыал баар эбит. Бу туһунан «Саҥа олох» хаһыат сырдатар. 

Кинилэр кимнээҕий? Хайахсыттан уонна Кытаанахтан силистээх-мутуктаах, “Куоҕалы” түөлбэ төрүт олохтоохторо Екатерина Васильевна уонна Василий Гаврильевич Коркиннар буолаллар.

Сааһын тухары тутуу үлэһитэ Василий Гаврильевич, урут хаһан даҕаны маннык хаар оҥоһуктарынан үлүһүйбэтэҕим диэн билинэр: “Оҕолор, сиэннэр кэлэллэригэр анаан былырыыҥҥыттан саҕалаан тиэргэммитин киэргэтэр буолбуппут. Быйыл, былырыыҥҥытааҕар быдан элбэх хаар оҥоһугу туруордум, уонтан тахса баар быһыылаах. Бэйэм тутуу эйгэтигэр күн-бүгүҥҥээҥи диэри үлэлиибин, олоҕум аргыһа Екатерина Васильевна иистэнньэҥ”.

Бу курдук, дьоҥҥо-сэргэҕэ саҥа дьыллааҕы настырыанньаны бэлэхтиир, бөһүөлэк иһинээҕи дьиэ тэлгэһэлэрэ туспаҕай көстүүлээх буоларыгар сэмэй кылааттарын киллэрэр күндү дьоммутугар бары үтүөнү, сырдыгы баҕарыаҕыҥ. Үүммүт 2024 сыл хайаан даҕаны ситиһиилээх, иллээх-эйэлээх буолуохтун!

 Сэмэн Жендринскэй. Хаартысканы Саина Гоголева тиксэрдэ



Читайте дальше

Юмор ЧП Спорт СВО Отдых Обо всём Мир Культ