Саха сирин суруйааччыларын сойууһа кэлэр сылы торумнуур

Саха сирин суруйааччыларын сойууһа кэлиҥҥи сылларга балачча тэтимнээхтик, киэҥ хоннохтоохтук үлэлиир. Саха культуратын, искусствотын, литературатын атын дойдуларга тарҕатыыга үлэлэһэр, бу туһунан быйыл талыллыбыт сойуус бэрэссэдээтэлэ, поэт, публицист, тылбаасчыт Гаврил Андросов этэр.

Саха сирин суруйааччыларын сойууһа Казахстаны, Азербайджаны, Татарстаны, Башкортостаны кытта ыкса үлэлиир. Ойуунускайтан саҕалаан билиҥҥи суруйааччылар айымньыларыгар тиийэ хардарыта тылбаастаһаллар.

«Холобур, Татарстан суруйааччыларын сойууһун бэрэссэдээтэлэ, норуот поэта Ркаил Зайдулла Былатыан Ойуунускай «Дойду оҕото Дорогуунап Ньукулай» сэһэнин тылбаастаан таһаараары сылдьар. Маны тэҥэ эрдэ татаардыы тылынан саха поэзиятын, прозатын антологията күн сирин көрбүттэрэ. Маннык үлэ сахалыы эмиэ тахсыбыта. Бу сылга эбии оҕо литературатын антологията диэн бэрт уустук уонна сэргэх бырайыагы бэлэмнии сылдьабыт. Бу өрөспүүбүлүкэ имиджын тупсарыыга, сырдатыыга дьоһун үлэлэр буолаллар», — диэн Гаврил Андросов иһитиннэрдэ.

Бэрэссэдээтэл этэринэн, быйыл айар холбоһук хас да бөдөҥ тэрээһини ыытта. Ол курдук, Саха сирин суруйааччыларын сойууһун уочараттаах сийиэһэ буолбута. Манна патриотизм, сиэр-майгы боппуруостарын киэҥник ырыппыттара, санаа атастаһыыта буолбута. Сайын Уус Алдан Суоттутугар эдэр суруйааччылар маастарыстыбаларын өрөспүүбүлүкэтээҕи семинара ыытыллыбыта. Ону сэргэ олунньуга Россия суруйааччыларын сойууһун 16-с сийиэһигэр норуот суруйааччылара Николай Лугинов, Наталья Харлампьева, Сэмэн Тумат уонна Гаврил Андросов буолан кыттыбыттара. Бу улахан форумҥа литература бүгүҥҥү кыһалҕатын сэргэ, дойду уопсай туруга, патриотизм боппуруостара көрүллүбүттэрэ.

«Эбэн этиэхпин баҕарабын, биһиги сойууспут дойдуга буола турар анал байыаннай дьайыыга биир бигэ көрүүлээх тэрилтэ буолар. Бу хайысхаҕа эмиэ кэккэ үлэни ыытабыт. Холобура, Россия суруйааччыларын сойууһа СВО-ҕа анаан таһаарбыт антологиятыгар саха поэттарын – байыаннай дьайыыга баҕа өттүнэн баран суох буолбут Василий Рожин, офицер Анатолий Храмов, Ростовка баран байыаннай госпитальга үлэлээбит хирург Анатолий Слепцов уонна мин хоһооннорум киирбиттэрэ», — диэн Андросов кэпсээтэ.

Ону сэргэ быйыл норуот суруйааччыта Николай Лугинов 75 сааһынан Москваҕа, Пекиҥҥэ улахан тэрээһиннэр буоллулар. Литература институтун студеннарын кытта көрсүһүү, Пекиҥҥэ кинигэ сүрэхтэниитэ тэриллибитэ. Маны литература эрэ эйгэтин буолбакка, саха культуратын, искусствотын киэҥ эйгэҕэ таһаарыы көстүүтүн быһыытынан сыаналыахха сөп, — Андросов бэлиэтиир.

Наталья Харлампьева көҕүлээһининэн тэриллибит “Үрүҥ хаар алгыһа” диэн норуоттар икки ардыларынааҕы поэзия фестивала быйыл сэттис төгүлүн ыытылынна. Манна Азербайджантан, Казахстантан, Дагестантан, Татарстантан, Башкортостантан уонна Москваттан суруйааччылар кэлэн кыттыбыттара.

“Манна кыттыбыт суруйааччы доҕотторбут биһиги үгүс бырайыактарбытыгар бииргэ үлэлэһэллэр. Бу фестиваль нөҥүө саха литературата Англияҕа, Турцияҕа, Польшаҕа, Вьетнамҥа, Орто Азия дойдуларыгар тиийэ иһилиннэ. “Үрүҥ хаар алгыһа” үгэскэ кубулуйан литература эйгэтигэр Россияҕа биир биллэр бырайыак быһыытынан сыаналанар. Улуустары кытта – Горнайы, Тааттаны, Амманы, Намы, Чурапчыны кытта эмиэ ыкса алтыһабыт. Араас көрсүһүүлэри, тэрээһиннэри, презентациялары ыытабыт. Ол эрээри, сорох улуустар дьаһалталарын кытта өйдөспөт буолар эмиэ түгэннэрдээхпит. Холобура, анал байыаннай дьайыыга баҕа өттүнэн баран толук буолбут поэт, “Эр санаа” орден кавалера Василий Рожин аатын үйэтитиигэ төрөөбүт Дьааҥы улууһун дьаһалтатын кытта бииргэ үлэлэстибит эрээри, ол бэрт эрэйдээхтик барда. Манна дьаһалта өттүттэн суорҕаны былдьаһар курдук сыһыан баар буолбута ытык дьыаланы сымсатта”, — диэн Гаврил Андросов эттэ.

Кэлэр сыл ахсынньытыгар Саха сирин суруйааччыларын сойууһа төрүттэммитэ 90 сыла буолар. Бу бэлиэ даатаны көрсө айар талааннаах дьон араас тэрээһиннэри, бырайыактары бэлэмнииллэр. Литература историятын үйэтитиигэ эмиэ кэккэ дьоһун санаалаахтар. Маны тэҥэ эһиил саха бастакы народнай поэта Эллэй төрөөбүтэ 120 сылын туолуо. Үүнэр солбугу кытта үлэ тохтообот – муус устар саҥатыгар эдэр суруйааччылар өрөспүүбүлүкэтээҕи сүбэ мунньахтара ыытыллара торумнанар. Бу Саха сирин сүүһүнэн ыччатын түмэр улахан форум эһиил сөргүтүллүбүтэ 20 сылын туолара кэрэхсэбиллээх.


Читайте нас в:

Саха сирин суруйааччыларын сойууһа кэлэр сылы торумнуур

Саха сирин суруйааччыларын сойууһа кэлиҥҥи сылларга балачча тэтимнээхтик, киэҥ хоннохтоохтук үлэлиир. Саха культуратын, искусствотын, литературатын атын дойдуларга тарҕатыыга үлэлэһэр, бу туһунан быйыл талыллыбыт сойуус бэрэссэдээтэлэ, поэт, публицист, тылбаасчыт Гаврил Андросов этэр.

Саха сирин суруйааччыларын сойууһа Казахстаны, Азербайджаны, Татарстаны, Башкортостаны кытта ыкса үлэлиир. Ойуунускайтан саҕалаан билиҥҥи суруйааччылар айымньыларыгар тиийэ хардарыта тылбаастаһаллар.

«Холобур, Татарстан суруйааччыларын сойууһун бэрэссэдээтэлэ, норуот поэта Ркаил Зайдулла Былатыан Ойуунускай «Дойду оҕото Дорогуунап Ньукулай» сэһэнин тылбаастаан таһаараары сылдьар. Маны тэҥэ эрдэ татаардыы тылынан саха поэзиятын, прозатын антологията күн сирин көрбүттэрэ. Маннык үлэ сахалыы эмиэ тахсыбыта. Бу сылга эбии оҕо литературатын антологията диэн бэрт уустук уонна сэргэх бырайыагы бэлэмнии сылдьабыт. Бу өрөспүүбүлүкэ имиджын тупсарыыга, сырдатыыга дьоһун үлэлэр буолаллар», — диэн Гаврил Андросов иһитиннэрдэ.

Бэрэссэдээтэл этэринэн, быйыл айар холбоһук хас да бөдөҥ тэрээһини ыытта. Ол курдук, Саха сирин суруйааччыларын сойууһун уочараттаах сийиэһэ буолбута. Манна патриотизм, сиэр-майгы боппуруостарын киэҥник ырыппыттара, санаа атастаһыыта буолбута. Сайын Уус Алдан Суоттутугар эдэр суруйааччылар маастарыстыбаларын өрөспүүбүлүкэтээҕи семинара ыытыллыбыта. Ону сэргэ олунньуга Россия суруйааччыларын сойууһун 16-с сийиэһигэр норуот суруйааччылара Николай Лугинов, Наталья Харлампьева, Сэмэн Тумат уонна Гаврил Андросов буолан кыттыбыттара. Бу улахан форумҥа литература бүгүҥҥү кыһалҕатын сэргэ, дойду уопсай туруга, патриотизм боппуруостара көрүллүбүттэрэ.

«Эбэн этиэхпин баҕарабын, биһиги сойууспут дойдуга буола турар анал байыаннай дьайыыга биир бигэ көрүүлээх тэрилтэ буолар. Бу хайысхаҕа эмиэ кэккэ үлэни ыытабыт. Холобура, Россия суруйааччыларын сойууһа СВО-ҕа анаан таһаарбыт антологиятыгар саха поэттарын – байыаннай дьайыыга баҕа өттүнэн баран суох буолбут Василий Рожин, офицер Анатолий Храмов, Ростовка баран байыаннай госпитальга үлэлээбит хирург Анатолий Слепцов уонна мин хоһооннорум киирбиттэрэ», — диэн Андросов кэпсээтэ.

Ону сэргэ быйыл норуот суруйааччыта Николай Лугинов 75 сааһынан Москваҕа, Пекиҥҥэ улахан тэрээһиннэр буоллулар. Литература институтун студеннарын кытта көрсүһүү, Пекиҥҥэ кинигэ сүрэхтэниитэ тэриллибитэ. Маны литература эрэ эйгэтин буолбакка, саха культуратын, искусствотын киэҥ эйгэҕэ таһаарыы көстүүтүн быһыытынан сыаналыахха сөп, — Андросов бэлиэтиир.

Наталья Харлампьева көҕүлээһининэн тэриллибит “Үрүҥ хаар алгыһа” диэн норуоттар икки ардыларынааҕы поэзия фестивала быйыл сэттис төгүлүн ыытылынна. Манна Азербайджантан, Казахстантан, Дагестантан, Татарстантан, Башкортостантан уонна Москваттан суруйааччылар кэлэн кыттыбыттара.

“Манна кыттыбыт суруйааччы доҕотторбут биһиги үгүс бырайыактарбытыгар бииргэ үлэлэһэллэр. Бу фестиваль нөҥүө саха литературата Англияҕа, Турцияҕа, Польшаҕа, Вьетнамҥа, Орто Азия дойдуларыгар тиийэ иһилиннэ. “Үрүҥ хаар алгыһа” үгэскэ кубулуйан литература эйгэтигэр Россияҕа биир биллэр бырайыак быһыытынан сыаналанар. Улуустары кытта – Горнайы, Тааттаны, Амманы, Намы, Чурапчыны кытта эмиэ ыкса алтыһабыт. Араас көрсүһүүлэри, тэрээһиннэри, презентациялары ыытабыт. Ол эрээри, сорох улуустар дьаһалталарын кытта өйдөспөт буолар эмиэ түгэннэрдээхпит. Холобура, анал байыаннай дьайыыга баҕа өттүнэн баран толук буолбут поэт, “Эр санаа” орден кавалера Василий Рожин аатын үйэтитиигэ төрөөбүт Дьааҥы улууһун дьаһалтатын кытта бииргэ үлэлэстибит эрээри, ол бэрт эрэйдээхтик барда. Манна дьаһалта өттүттэн суорҕаны былдьаһар курдук сыһыан баар буолбута ытык дьыаланы сымсатта”, — диэн Гаврил Андросов эттэ.

Кэлэр сыл ахсынньытыгар Саха сирин суруйааччыларын сойууһа төрүттэммитэ 90 сыла буолар. Бу бэлиэ даатаны көрсө айар талааннаах дьон араас тэрээһиннэри, бырайыактары бэлэмнииллэр. Литература историятын үйэтитиигэ эмиэ кэккэ дьоһун санаалаахтар. Маны тэҥэ эһиил саха бастакы народнай поэта Эллэй төрөөбүтэ 120 сылын туолуо. Үүнэр солбугу кытта үлэ тохтообот – муус устар саҥатыгар эдэр суруйааччылар өрөспүүбүлүкэтээҕи сүбэ мунньахтара ыытыллара торумнанар. Бу Саха сирин сүүһүнэн ыччатын түмэр улахан форум эһиил сөргүтүллүбүтэ 20 сылын туолара кэрэхсэбиллээх.



Читайте дальше

Юмор ЧП Спорт СВО Отдых Обо всём Мир Культ