Бүлүү куоратыгар «1000 тиэргэн» бырагыраама иитинэн саҥа сынньалаҥ сирдэрин туттулар

Дьон олоҕун хаачыстыбатын уонна таһымын үрдэтиигэ туһуламмыт «1000 тиэргэн» бырагыраама чэрчитинэн икки сыл иһигэр Бүлүү куоратыгар элбэх квартиралаах дьиэлэр тастарыгар үс саҥа сынньалаҥ сирдэрэ тутулуннулар, диэн «Олох суола» хаһыат суруйар.

Куораттарга киһи олорор тулалыыр эйгэтин тупсарыыга аналлаах «1000 тиэргэн» бырагыраама олоххо киириитэ РФ Президенэ Владимир Путины кытта ыкса ситимнээх. Кини быһаччы ыйыытынан РФ Бырабыыталыстыбата аҕыйах сылтан бэттэх куораттарга элбэх квартиралаах дьиэлэр тастарыгар дьон сынньанар сирдэрин оҥорууга аналлаах бырагырааманы үлэлэтэн барбыта.

2021 сыллаахха Уһук Илин федеральнай уокурукка РФ Президенин боломуочуйалаах бэрэстэбиитэлэ Юрий Трутнев Уһук Илин куораттарыгар уонна бөһүөлэктэригэр тыһыынча тиэргэни тутууга саҥа бырагыраама үлэлиэхтээҕин иһитиннэрбитэ. Биир сыл буолан баран, Уһук Илин уокуругун куораттарыгар элбэх квартиралаах дьиэлэр тастарыгар 1000 аныгы сынньанар сир баар буолбута. Ол иһигэр 2022 сыл күһүнүгэр Бүлүү куоратыгар Октябрьскай уулуссаҕа саҥа тутуллубут икки элбэх квартиралаах таас дьиэлэр ортолоругар оҕо оонньуур былаһааккалаах, улахан дьон сынньанар сирдээх бастакы тупсаҕай тиэргэн үөрүүлээх арыллыыта тэриллибитэ.

Быйыл күһүн Бүлүү куоратыгар өссө икки саҥа сынньанар сир тутуллан үлэҕэ киирдилэр. Элбэх квартиралардаах Румянцев уулусса 6 нүөмэрдээх уонна Мир уулусса 108 нүөмэрдээх дьиэлэрин тастарыгар бэйэлэрэ туспа ааттаах-суоллаах аныгы сынньалаҥ, оҕолор оонньуур тупсаҕай былаһааккалара баар буоллулар.

Кырдьаҕас куорат саҥа үстүү мэндиэмэннээх таас дьиэлэрдээх кыбаарталларын тупсаҕай оҥорууга Румянцев уулусса 6 нүөмэрдээх дьиэтин таһыгар «Ойуур» былаһаакка биир дьоһун тутуунан буолар. Күнүс былаһааккаҕа оҕо-аймах үөрэ-көтө ооньуур, киэһэ улахан дьон сынньана дьаарбайаллар. «Ойуур» былаһааккаҕа оҕо, баскетбол оонньуур, араас тэрээһиннэри ыытар сирдэр бааллар, воркаутунан дьарыктанарга усулуобуйа тэриллибит. Былаһаакка чуумпу сиригэр хачыаллар, ыскамыайкалар туруоруллубуттар, киэһээҥи өттүгэр былаһаакканы гирлянда уота киэргэтэр.

Мир уулусса 108 нүөмэрдээх дьиэтин таһыгар эмиэ саҥа «Оҕо саас» былаһаакка тутулунна. Түөрт элбэх квартиралаах дьиэлэр олохтоохторун түмэр былаһааккаҕа оҕо оонньуур, саахыматынан, воркатунан дьарыктанар, чуумпу сынньалаҥ сирдэрэ бааллар, хачыаллар, ыскамыайкалар туруоруллубуттар.

«1000 тиэргэн» бырайыагы олоххо киллэрии түмүгэр Бүлүү куоратыгар оҕо аймах үөрэ-көтө мустар, олохтоохтор сынньанар саҥа сирдэрэ баар буоллулар.

Ян Попов баһылыктаах Бүлүү куората «1000 тиэргэн» бырагыраама куонкурсугар иккис сылын ситиһиилээхтик кыттарын, куораты тупсарыыга элбэх бырайыактары оҥорорун бэлиэтиэххэ сөп.

Куорат өрүс үрдүнээҕи кытыытын көстүүтүн уларытыахтаах, биллэ-көстө киэргэтиэхтээх саҥа тутуунан «Ыллыыр кумах» бырайыак буолуоҕа. Ааспыт саас Бүлүү куорат дьаһалтата бэлэмнээбит «Ыллыыр кумах» бырайыага Уһук Илин субъектарын куонкурсугар бастыҥ үлэнэн билиниллибитэ уонна кыайыылааҕынан тахсыбыта. Арассыыйа үрдүнэн бырайыак үһүс миэстэни ылбыта да элбэҕи этэр. Ураты бырайыагы олоххо киллэрэргэ 150 мөл. солк. суума көрүллүбүтэ.

Ааспыт сайын Ил Дархан Айсен Николаев Бүлүү куоратыгар сырыытыгар куорат баһылыга Ян Попов кинини ураты бырайыагы кытта билиһиннэрбитэ, сиһилии кэпсээбитэ. Өрөспүүбүлүкэ Ил Дархана бүлүүлэр бэртээхэй бырайыагы бэлэмнээн оҥорбуттарын бэлиэтээбитэ.

Куорат дьаһалтата араас куонкурустарга ситиһиилээхтик кыттарын түмүгэр Бүлүү куоратыгар улахан бырайыактар олоххо киирэллэр, өссө да киириэхтэрэ турдаҕа.

 

Николай Куприянов.

Диана Новгородова хаартыскаҕа түһэриилэрэ.


Читайте нас в:

Бүлүү куоратыгар «1000 тиэргэн» бырагыраама иитинэн саҥа сынньалаҥ сирдэрин туттулар

Дьон олоҕун хаачыстыбатын уонна таһымын үрдэтиигэ туһуламмыт «1000 тиэргэн» бырагыраама чэрчитинэн икки сыл иһигэр Бүлүү куоратыгар элбэх квартиралаах дьиэлэр тастарыгар үс саҥа сынньалаҥ сирдэрэ тутулуннулар, диэн «Олох суола» хаһыат суруйар.

Куораттарга киһи олорор тулалыыр эйгэтин тупсарыыга аналлаах «1000 тиэргэн» бырагыраама олоххо киириитэ РФ Президенэ Владимир Путины кытта ыкса ситимнээх. Кини быһаччы ыйыытынан РФ Бырабыыталыстыбата аҕыйах сылтан бэттэх куораттарга элбэх квартиралаах дьиэлэр тастарыгар дьон сынньанар сирдэрин оҥорууга аналлаах бырагырааманы үлэлэтэн барбыта.

2021 сыллаахха Уһук Илин федеральнай уокурукка РФ Президенин боломуочуйалаах бэрэстэбиитэлэ Юрий Трутнев Уһук Илин куораттарыгар уонна бөһүөлэктэригэр тыһыынча тиэргэни тутууга саҥа бырагыраама үлэлиэхтээҕин иһитиннэрбитэ. Биир сыл буолан баран, Уһук Илин уокуругун куораттарыгар элбэх квартиралаах дьиэлэр тастарыгар 1000 аныгы сынньанар сир баар буолбута. Ол иһигэр 2022 сыл күһүнүгэр Бүлүү куоратыгар Октябрьскай уулуссаҕа саҥа тутуллубут икки элбэх квартиралаах таас дьиэлэр ортолоругар оҕо оонньуур былаһааккалаах, улахан дьон сынньанар сирдээх бастакы тупсаҕай тиэргэн үөрүүлээх арыллыыта тэриллибитэ.

Быйыл күһүн Бүлүү куоратыгар өссө икки саҥа сынньанар сир тутуллан үлэҕэ киирдилэр. Элбэх квартиралардаах Румянцев уулусса 6 нүөмэрдээх уонна Мир уулусса 108 нүөмэрдээх дьиэлэрин тастарыгар бэйэлэрэ туспа ааттаах-суоллаах аныгы сынньалаҥ, оҕолор оонньуур тупсаҕай былаһааккалара баар буоллулар.

Кырдьаҕас куорат саҥа үстүү мэндиэмэннээх таас дьиэлэрдээх кыбаарталларын тупсаҕай оҥорууга Румянцев уулусса 6 нүөмэрдээх дьиэтин таһыгар «Ойуур» былаһаакка биир дьоһун тутуунан буолар. Күнүс былаһааккаҕа оҕо-аймах үөрэ-көтө ооньуур, киэһэ улахан дьон сынньана дьаарбайаллар. «Ойуур» былаһааккаҕа оҕо, баскетбол оонньуур, араас тэрээһиннэри ыытар сирдэр бааллар, воркаутунан дьарыктанарга усулуобуйа тэриллибит. Былаһаакка чуумпу сиригэр хачыаллар, ыскамыайкалар туруоруллубуттар, киэһээҥи өттүгэр былаһаакканы гирлянда уота киэргэтэр.

Мир уулусса 108 нүөмэрдээх дьиэтин таһыгар эмиэ саҥа «Оҕо саас» былаһаакка тутулунна. Түөрт элбэх квартиралаах дьиэлэр олохтоохторун түмэр былаһааккаҕа оҕо оонньуур, саахыматынан, воркатунан дьарыктанар, чуумпу сынньалаҥ сирдэрэ бааллар, хачыаллар, ыскамыайкалар туруоруллубуттар.

«1000 тиэргэн» бырайыагы олоххо киллэрии түмүгэр Бүлүү куоратыгар оҕо аймах үөрэ-көтө мустар, олохтоохтор сынньанар саҥа сирдэрэ баар буоллулар.

Ян Попов баһылыктаах Бүлүү куората «1000 тиэргэн» бырагыраама куонкурсугар иккис сылын ситиһиилээхтик кыттарын, куораты тупсарыыга элбэх бырайыактары оҥорорун бэлиэтиэххэ сөп.

Куорат өрүс үрдүнээҕи кытыытын көстүүтүн уларытыахтаах, биллэ-көстө киэргэтиэхтээх саҥа тутуунан «Ыллыыр кумах» бырайыак буолуоҕа. Ааспыт саас Бүлүү куорат дьаһалтата бэлэмнээбит «Ыллыыр кумах» бырайыага Уһук Илин субъектарын куонкурсугар бастыҥ үлэнэн билиниллибитэ уонна кыайыылааҕынан тахсыбыта. Арассыыйа үрдүнэн бырайыак үһүс миэстэни ылбыта да элбэҕи этэр. Ураты бырайыагы олоххо киллэрэргэ 150 мөл. солк. суума көрүллүбүтэ.

Ааспыт сайын Ил Дархан Айсен Николаев Бүлүү куоратыгар сырыытыгар куорат баһылыга Ян Попов кинини ураты бырайыагы кытта билиһиннэрбитэ, сиһилии кэпсээбитэ. Өрөспүүбүлүкэ Ил Дархана бүлүүлэр бэртээхэй бырайыагы бэлэмнээн оҥорбуттарын бэлиэтээбитэ.

Куорат дьаһалтата араас куонкурустарга ситиһиилээхтик кыттарын түмүгэр Бүлүү куоратыгар улахан бырайыактар олоххо киирэллэр, өссө да киириэхтэрэ турдаҕа.

 

Николай Куприянов.

Диана Новгородова хаартыскаҕа түһэриилэрэ.



Читайте дальше

Юмор ЧП Спорт СВО Отдых Обо всём Мир Культ