Элбэх оҕолоох ийэлэри чиэстээтилэр

Сэтинньи 23 күнүгэр Саха сирин элбэх оҕолоох ийэлэригэр Россия ийэлэрин күнүн көрсө государственнай наҕараадалары туттарбыттара. Ийэлэри чиэстиир бырааһынньыкка кэлбит ыалдьыттары уонна кыттааччылары В.А.Босиков аатынан Музыка Үрдүкү оскуолатын иитиллээччилэрэ бырааһынньыктааҕы нүөмэринэн көрсүбүттэрэ. Оттон Дьокуускайдааҕы кадетскай оскуола иитиллээччилэрэ ыҥырыылаах ийэлэргэ сибэкки дьөрбөтүн туттарбыттара.

Бу тэрээһиҥҥэ Ил Дархан Айсен Николаев сэтинньи 24 күнүгэр элбэх оҕолоох ийэлэргэ уонна республика социальнай-экономическай сайдыытыгар кылааттарын киллэрбит ийэлэргэ государственнай наҕараадалары туттарбыта уонна махталын биллэрбитэ.

Ол курдук, Айсен Николаев «Ийэҕэ үрдүк махтал” бэлиэни педагогическай үлэ бэтэрээнигэр, РФ уопсай үөрэхтээһинин бочуоттаах үлэһитигэр Феодосия Колесоваҕа (Чурапчы) туттарбыта. “Герой Ийэ” бэлиэтинэн элбэх оҕолоох ийэлэр Любовь Иванова (Дьокуускай, 11 оҕолоох), Анастасия Рудых (Анаабыр улууһа Сааскылаах с. 10 оҕолоох), Чынара Тешебаева (Дьокуускай, 10 оҕолоох) наҕараадаламмыттара.

“Ийэҕэ албан аат” II степеннээх уордьанынан Үөһээ Бүлүү улууһун Харыйалаах сэлиэнньэтиттэн 8 оҕолоох Антонина Константинова наҕараадаламмыта. “Ийэҕэ албан аат” II степеннээх уордьанынан 7 оҕону төрөппүт уонна ииппит Валентина Ераскумова (Сунтаар улууһун Туойдаах с.), Сахая Илюхина (Горнай улууһун Орто Сурт с.), Нина Нестерова (Орто Халыма Березовка с.), Надежда Прудецкая (Горнай улууһун Бэрдьигэстээх с.), Туйаара Федорова (Уус Алдан улууһун Чараҥ с.), Ольга Яковлева (Сунтаар улууһун Сунтаар с.) бэлиэтэммиттэрэ.

Ону таһынан Софья Сидорова аатынан бочуоттаах бэлиэлэри уонна Саха Өрөспүүбүлүкэтин Махтал суругун туттарбыттара.

Бэйэлэрин эҕэрдэ тылларын Саха сирин дьиэ кэргэттэрин сойууһун бэрэссэдээтэлэ Жанна Грекова, “Ийэҕэ үрдүк махтал” бэлиэнэн наҕараадаламмыт Феодосия Колесова эппиттэрэ.

Элбэх оҕону Орто дойдуга төрөппүт уонна ииппит Сахабыт сирин ийэлэрин маннык улахан тэрээһиҥҥэ ыҥыран чиэстээһин ыытыллыбыта хаһыс да сыла. Быйыл улахан наҕарааданы ылбыт далбар хотуттар үһүс сылын анал культурнай программанан, киин куоракка кэлбит ийэ дьиэ-уот түбүгүттэн сынньанарыгар туһуламмыт тэрээһиннэргэ сылдьыбыттар. Ийэлэр маастар кылааска кэлбит бириэмэлэрин баттаһа мастарыскыайга тиийбитим.

Тэрийээччилэртэн биирдэстэрэ Саха Республикатын Үлэҕэ уонна социальнай сайдыыга министиэристибэтин иһинэн үлэлиир «Победа» ресурснай киин үлэһитэ К.И.Белолюбская бу курдук кэпсээтэ:

— Сыл аайы маннык улахан тэрээһиҥҥэ кэлбит ийэлэри аралдьытар, сынньатар анал программа оҥоһуллан, кинилэр киин сиргэ кэлбиччэ доруобуйаларын көрдөрүнэн, саҥаны, сонуну, туох эрэ туһалааҕы көрөн, истэн, иҥэринэн баралларын ситиһэргэ үлэлиибит.

Холобур быйыл, кэлбиттэрин бастакы күнүгэр Дьокуускайга дьахтар доруобуйатын бэрэбиэркэлиир, диагнозтыыр «Белая роза» медицинскэй кииҥҥэ сырытыннардыбыт. Ийэлэр УЗИ аппараттарга түстүлэр, быраастартан рекомендация, сүбэ ыллылар. Иккис күн Правительство дьиэтигэр Ил Дархантан наҕараадалары туттулар. Эбиэт кэннэ эрдэ былааннаммыппыт курдук күргүөмүнэн фотостудияҕа тиийэн профессионалларга хаартыскаҕа түстүлэр.
Бүгүн үһүс күҥҥэ Лидия Тимофеева “Home Dekor” айар мастарыскыайыгар маастар кылааска сылдьан, хас биирдии ийэ Саҥа дьылы көрсө харыйа оонньуурун кырааскалаан, киэргэтэн, кэлэр сылга ситиһиини аҕалар символ быһыытынан дьиэлэригэр-уоттарыгар бэлэхтээх бардылар. Эбиэт кэннэ «Муус хайа» рестораҥҥа министр Е.А.Волкованы кытта көрүстүлэр. «Саха» НКИК «Саҥа күн» биэриитигэр быһа эфиргэ таҕыстылар. Өссө Курашов аатынан уулуссаҕа турар «Слава матерей Якутии» музейга сырыттылар. П.П.Борисова кэлбит ийэлэри үөрэ-көтө көрсөн, экскурсия ыытта. Манны сыл аайы улахан чиэстээһиҥҥэ кэлбит ийэлэр тустарынан толору информацияны электроннай киоск базатыгар киллэрэллэр. Онно хас сыллаахха ким кэлэн маннык тэрээһиҥҥэ кыттыыны ылбыта барыта тиһиллэ сытар.

Сыл аайы культурнай чааһын программатын уларытан, сонуннук оҥоро сатыыбыт. Ийэлэр олус астынан, бэйэ-бэйэлэрин кытта ыкса билсиһэн тарҕаһаллар.

Ольга Яковлева, Сунтаартан кэлбит ийэ:

— Биһиги ыал 7 оҕолоохпут. 2010 сыллаахха ыал буолбуппут. Бэйэм бухгалтер идэлээхпин. Кэргэним аэропортка суһал, быыһыыр көмө сулууспатыгар үлэлиир. Оҕо адьас кыра сааһыттан үлэҕэ сыһыннаҕына, олоххо бэлэмнээх тахсар. Аҕалара уолаттарын булка, балыкка илдьэ сылдьар. Мин кыргыттарбын дьиэ үлэтин үөрүйэхтэригэр үөрэтэбин. 4 кыыстаахпыт, 3 уоллаахпыт. Маннык улахан тэрээһиҥҥэ кыттыыны ыларбар күүс-көмө, сүбэ-ама буолбут Сунтаар улууһун дьаһалтатын специалиһигэр Тамара Ивановна Ивановаҕа махтанабын.

Олохпор умнуллубат наһаа сырдык, кэрэ өйдөбүлү хаалларар тэрээһиҥҥэ сылдьаммын, олус астынан төннөн эрэбин.

Анастасия Рудых, Анаабыр, Сааскылаах:

— Мин 10 оҕолоохпун. Бэйэм Үрүҥ Хайаттан төрүттээхпин. Кэргэним соһуччу олохтон туораабыта, онон оҕолорбун бэйэм иитэбин. Кыра оҕом ДЦП диагнозтаах. Хоту сиргэ биллэн турар усулуобуйа кытаанах. Ас-үөл, таҥас-сап сыаната барыта үрдээн тиийэр. Улахан оҕом билигин аармыйаҕа сылдьар.

Биһиги суолбут ороскуота биир өттүгэр 40-тан тахса тыһыынча. Мин маннык улахан чиэстээһиҥҥэ кэлэн, Ил Дархан илиититтэн наҕараада тутар дьолго тиксибиппэр күүс-көмө буолбут биир дойдулаахтарбар, баһылык солбуйааччыта Т.А.Тупринаҕа махталым улахан. Оҕолорбун 77 саастаах ийэм барахсан көрө хаалбыта.

Наһаа сэргэхсийэн, астынан төннөн эрэбин.

Сахая Илюхина, Горнай, Орто Сурт:

— Биһиги 7 оҕолоох ыалбыт. Кэргэним Читаттан, Ставропольскай кыраайтан төрүттээх. Кэргэмминээн биир кылааска үөрэммиппит. Сылгы иитэбит, бааһынай хаһаайыстыбалаахпыт. Кэргэним соцконтракт ылан, шиномонтаж арыйан үлэлэтэр. Бэйэм фанераны лобзигынан араастаан быһан, дьонтон сакаас ылан, дьиэ кэргэммэр эбии дохуоту киллэрэбин.

Аҕыйах сыллааҕыта соҕотох олорбут кырдьаҕаһы көрүүгэ ыламмыт, приемная семья статустаахпыт. Оҕолорбут эһэ оҥостон, кырдьаҕас киһиэхэ кырачааннар минньигэс саҥалара, үөрүүлэрэ-көтүүлэрэ, ситиһиилэрэ олоҕун сэргэхситтэ. Бэйэбит таспытыгар кыра дьиэ тутаммыт, эһэбит онно олорор.

Тыа ыалын сиэринэн үлэлээн-хамсаан,оҕолорбутун үлэҕэ сыһыаран, бары дьиэнэн айылҕаҕа сылдьабыт, сир астыыбыт, сынньанабыт.

Маннык тэрээһини бэлэхтээбит дьоҥҥо, барҕа махталбын тиэрдэбин. Араас улуустан араас саастаах ийэлэр кэлэн билистибит, ватсапка группаланныбыт. Салгыы дьэ хардарыта сүбэлэһэн, билсэ туруохпут дии саныыбын.

Ити курдук быйылгы чиэстээһиҥҥэ кэлбит ийэлэр санааларын үллэһиннилэр, тэрийээччилэргэ махталларын биллэрдилэр.

Екатерина Бястинова.


Читайте нас в:

Элбэх оҕолоох ийэлэри чиэстээтилэр

Сэтинньи 23 күнүгэр Саха сирин элбэх оҕолоох ийэлэригэр Россия ийэлэрин күнүн көрсө государственнай наҕараадалары туттарбыттара. Ийэлэри чиэстиир бырааһынньыкка кэлбит ыалдьыттары уонна кыттааччылары В.А.Босиков аатынан Музыка Үрдүкү оскуолатын иитиллээччилэрэ бырааһынньыктааҕы нүөмэринэн көрсүбүттэрэ. Оттон Дьокуускайдааҕы кадетскай оскуола иитиллээччилэрэ ыҥырыылаах ийэлэргэ сибэкки дьөрбөтүн туттарбыттара.

Бу тэрээһиҥҥэ Ил Дархан Айсен Николаев сэтинньи 24 күнүгэр элбэх оҕолоох ийэлэргэ уонна республика социальнай-экономическай сайдыытыгар кылааттарын киллэрбит ийэлэргэ государственнай наҕараадалары туттарбыта уонна махталын биллэрбитэ.

Ол курдук, Айсен Николаев «Ийэҕэ үрдүк махтал” бэлиэни педагогическай үлэ бэтэрээнигэр, РФ уопсай үөрэхтээһинин бочуоттаах үлэһитигэр Феодосия Колесоваҕа (Чурапчы) туттарбыта. “Герой Ийэ” бэлиэтинэн элбэх оҕолоох ийэлэр Любовь Иванова (Дьокуускай, 11 оҕолоох), Анастасия Рудых (Анаабыр улууһа Сааскылаах с. 10 оҕолоох), Чынара Тешебаева (Дьокуускай, 10 оҕолоох) наҕараадаламмыттара.

“Ийэҕэ албан аат” II степеннээх уордьанынан Үөһээ Бүлүү улууһун Харыйалаах сэлиэнньэтиттэн 8 оҕолоох Антонина Константинова наҕараадаламмыта. “Ийэҕэ албан аат” II степеннээх уордьанынан 7 оҕону төрөппүт уонна ииппит Валентина Ераскумова (Сунтаар улууһун Туойдаах с.), Сахая Илюхина (Горнай улууһун Орто Сурт с.), Нина Нестерова (Орто Халыма Березовка с.), Надежда Прудецкая (Горнай улууһун Бэрдьигэстээх с.), Туйаара Федорова (Уус Алдан улууһун Чараҥ с.), Ольга Яковлева (Сунтаар улууһун Сунтаар с.) бэлиэтэммиттэрэ.

Ону таһынан Софья Сидорова аатынан бочуоттаах бэлиэлэри уонна Саха Өрөспүүбүлүкэтин Махтал суругун туттарбыттара.

Бэйэлэрин эҕэрдэ тылларын Саха сирин дьиэ кэргэттэрин сойууһун бэрэссэдээтэлэ Жанна Грекова, “Ийэҕэ үрдүк махтал” бэлиэнэн наҕараадаламмыт Феодосия Колесова эппиттэрэ.

Элбэх оҕону Орто дойдуга төрөппүт уонна ииппит Сахабыт сирин ийэлэрин маннык улахан тэрээһиҥҥэ ыҥыран чиэстээһин ыытыллыбыта хаһыс да сыла. Быйыл улахан наҕарааданы ылбыт далбар хотуттар үһүс сылын анал культурнай программанан, киин куоракка кэлбит ийэ дьиэ-уот түбүгүттэн сынньанарыгар туһуламмыт тэрээһиннэргэ сылдьыбыттар. Ийэлэр маастар кылааска кэлбит бириэмэлэрин баттаһа мастарыскыайга тиийбитим.

Тэрийээччилэртэн биирдэстэрэ Саха Республикатын Үлэҕэ уонна социальнай сайдыыга министиэристибэтин иһинэн үлэлиир «Победа» ресурснай киин үлэһитэ К.И.Белолюбская бу курдук кэпсээтэ:

— Сыл аайы маннык улахан тэрээһиҥҥэ кэлбит ийэлэри аралдьытар, сынньатар анал программа оҥоһуллан, кинилэр киин сиргэ кэлбиччэ доруобуйаларын көрдөрүнэн, саҥаны, сонуну, туох эрэ туһалааҕы көрөн, истэн, иҥэринэн баралларын ситиһэргэ үлэлиибит.

Холобур быйыл, кэлбиттэрин бастакы күнүгэр Дьокуускайга дьахтар доруобуйатын бэрэбиэркэлиир, диагнозтыыр «Белая роза» медицинскэй кииҥҥэ сырытыннардыбыт. Ийэлэр УЗИ аппараттарга түстүлэр, быраастартан рекомендация, сүбэ ыллылар. Иккис күн Правительство дьиэтигэр Ил Дархантан наҕараадалары туттулар. Эбиэт кэннэ эрдэ былааннаммыппыт курдук күргүөмүнэн фотостудияҕа тиийэн профессионалларга хаартыскаҕа түстүлэр.
Бүгүн үһүс күҥҥэ Лидия Тимофеева “Home Dekor” айар мастарыскыайыгар маастар кылааска сылдьан, хас биирдии ийэ Саҥа дьылы көрсө харыйа оонньуурун кырааскалаан, киэргэтэн, кэлэр сылга ситиһиини аҕалар символ быһыытынан дьиэлэригэр-уоттарыгар бэлэхтээх бардылар. Эбиэт кэннэ «Муус хайа» рестораҥҥа министр Е.А.Волкованы кытта көрүстүлэр. «Саха» НКИК «Саҥа күн» биэриитигэр быһа эфиргэ таҕыстылар. Өссө Курашов аатынан уулуссаҕа турар «Слава матерей Якутии» музейга сырыттылар. П.П.Борисова кэлбит ийэлэри үөрэ-көтө көрсөн, экскурсия ыытта. Манны сыл аайы улахан чиэстээһиҥҥэ кэлбит ийэлэр тустарынан толору информацияны электроннай киоск базатыгар киллэрэллэр. Онно хас сыллаахха ким кэлэн маннык тэрээһиҥҥэ кыттыыны ылбыта барыта тиһиллэ сытар.

Сыл аайы культурнай чааһын программатын уларытан, сонуннук оҥоро сатыыбыт. Ийэлэр олус астынан, бэйэ-бэйэлэрин кытта ыкса билсиһэн тарҕаһаллар.

Ольга Яковлева, Сунтаартан кэлбит ийэ:

— Биһиги ыал 7 оҕолоохпут. 2010 сыллаахха ыал буолбуппут. Бэйэм бухгалтер идэлээхпин. Кэргэним аэропортка суһал, быыһыыр көмө сулууспатыгар үлэлиир. Оҕо адьас кыра сааһыттан үлэҕэ сыһыннаҕына, олоххо бэлэмнээх тахсар. Аҕалара уолаттарын булка, балыкка илдьэ сылдьар. Мин кыргыттарбын дьиэ үлэтин үөрүйэхтэригэр үөрэтэбин. 4 кыыстаахпыт, 3 уоллаахпыт. Маннык улахан тэрээһиҥҥэ кыттыыны ыларбар күүс-көмө, сүбэ-ама буолбут Сунтаар улууһун дьаһалтатын специалиһигэр Тамара Ивановна Ивановаҕа махтанабын.

Олохпор умнуллубат наһаа сырдык, кэрэ өйдөбүлү хаалларар тэрээһиҥҥэ сылдьаммын, олус астынан төннөн эрэбин.

Анастасия Рудых, Анаабыр, Сааскылаах:

— Мин 10 оҕолоохпун. Бэйэм Үрүҥ Хайаттан төрүттээхпин. Кэргэним соһуччу олохтон туораабыта, онон оҕолорбун бэйэм иитэбин. Кыра оҕом ДЦП диагнозтаах. Хоту сиргэ биллэн турар усулуобуйа кытаанах. Ас-үөл, таҥас-сап сыаната барыта үрдээн тиийэр. Улахан оҕом билигин аармыйаҕа сылдьар.

Биһиги суолбут ороскуота биир өттүгэр 40-тан тахса тыһыынча. Мин маннык улахан чиэстээһиҥҥэ кэлэн, Ил Дархан илиититтэн наҕараада тутар дьолго тиксибиппэр күүс-көмө буолбут биир дойдулаахтарбар, баһылык солбуйааччыта Т.А.Тупринаҕа махталым улахан. Оҕолорбун 77 саастаах ийэм барахсан көрө хаалбыта.

Наһаа сэргэхсийэн, астынан төннөн эрэбин.

Сахая Илюхина, Горнай, Орто Сурт:

— Биһиги 7 оҕолоох ыалбыт. Кэргэним Читаттан, Ставропольскай кыраайтан төрүттээх. Кэргэмминээн биир кылааска үөрэммиппит. Сылгы иитэбит, бааһынай хаһаайыстыбалаахпыт. Кэргэним соцконтракт ылан, шиномонтаж арыйан үлэлэтэр. Бэйэм фанераны лобзигынан араастаан быһан, дьонтон сакаас ылан, дьиэ кэргэммэр эбии дохуоту киллэрэбин.

Аҕыйах сыллааҕыта соҕотох олорбут кырдьаҕаһы көрүүгэ ыламмыт, приемная семья статустаахпыт. Оҕолорбут эһэ оҥостон, кырдьаҕас киһиэхэ кырачааннар минньигэс саҥалара, үөрүүлэрэ-көтүүлэрэ, ситиһиилэрэ олоҕун сэргэхситтэ. Бэйэбит таспытыгар кыра дьиэ тутаммыт, эһэбит онно олорор.

Тыа ыалын сиэринэн үлэлээн-хамсаан,оҕолорбутун үлэҕэ сыһыаран, бары дьиэнэн айылҕаҕа сылдьабыт, сир астыыбыт, сынньанабыт.

Маннык тэрээһини бэлэхтээбит дьоҥҥо, барҕа махталбын тиэрдэбин. Араас улуустан араас саастаах ийэлэр кэлэн билистибит, ватсапка группаланныбыт. Салгыы дьэ хардарыта сүбэлэһэн, билсэ туруохпут дии саныыбын.

Ити курдук быйылгы чиэстээһиҥҥэ кэлбит ийэлэр санааларын үллэһиннилэр, тэрийээччилэргэ махталларын биллэрдилэр.

Екатерина Бястинова.



Читайте дальше

Юмор ЧП Спорт СВО Отдых Обо всём Мир Культ