Ил Дархан Айсен Николаев бастакы президеммит Михаил Ефимович Николаев аатын үйэтитэргэ дьаһал таһаарбытын өйүүбүн. Биллэн турар, ити дьаһалы дьон-сэргэ биһириэ, өйдүө, махтаныа, диир Григорий Ильин, «Чолбон» бөлөх гитариһа.
Михаил Николаев этэн турар: «Модун санааны үөскэтиэххэ наада. Итэҕэл диэн киһи бэйэтигэр итэҕэйэрэ буолар, мин күүстээхпин диэн, мин дьоҕурдаахпын диэн, мин сахабын диэн. Ол буолар күүстээх Итэҕэл».
— Дьэ ити этии киһини толкуйдатар ээ. Мин кинини улахан өйдөөх, киэҥ анаарыылаах киһи быһыытынан саныыр эбиппин. Айылҕаттан улахан этиттэриилээх киһи этэ диэн көрөбүн.
Читайте нас в:
