Лиссиэй үөрэнээччилэрэ бу күннэргэ байыаннай эпэрээссийэҕэ сылдьар саллааттарга анаан «Саллаакка-чүмэчи» акцияҕа кыттыһан, бүтүн оскуоланан барыта 287 чүмэчини уулларан оҥорон, «Амарах сүрэх» уопсастыбаннай хамсааһыҥҥа туттардылар. Бу туһунан «Амма олоҕо» хаһыат иһитиннэрэр. 

Маны тэҥэ, «Батарейканы туттар — 2023» өрөспүүбүлүкэтээҕи акцияҕа кыттыһан, экологтарга 16 киилэ 218 грамм туттуллан бүппүт, туһаттан тахсыбыт батарейканы илдьэн биэрдилэр. Саамай элбэх батарейканы 10 кылаас үөрэнээччитэ Кузнецов Тимофей аҕалла. Кини 5 лиитэрэлээх пластиковай бытыылкаҕа өр кэмҥэ кичэйэн муспут батарейкаларын оҕолор да, учууталлар да сөҕө-махтайа көрдүлэр.

Лиссиэй үөрэнээччилэрэ кыра эрдэхтэриттэн маннык акцияларга кыттыһан, буола турар быһыыга-майгыга туора турбаттарын көрдөрөллөрө, биир санаанан кыттыһаллара, оскуола иитии үлэтигэр ордук болҕомтолооҕун туоһулууллар.

Наталия Рязанская