Бүгүн Амма улууһугар «Амарах сүрэх» уопсастыбаннай хамсааһын байыаннай дьайыыга сылдьар биир дойдулаахтарыгар анаан 10 баһыылканы ыытта, диэн иһитиннэрэр «Амма олоҕо» хаһыат.

Баһыылкалары Дьокуускайга «Единая» такси диспетчерскэй сулууспа таксиһа Артур Федоров буор босхо «Якутия с тобой» уопсастыбаннай хамсааһын ыстаабыгар тириэртэ.

«Баһыылкабытыгар 20 харыстанар сиэккэ, ону кытта 8 анал баһыылкалары Петр Иннокентьевич Лебедев нөҥүө биэрдибит. Киһи үөрэрэ диэн, сорох тэрилтэлэр бэйэлэрэ миэстэтигэр сиэккэни баайан эрэллэр. Ол курдук, киин балыыһа, кииннэммит бухгалтерия, үһүс көлүөнэ оскуолата,  Бөтүҥ нэһилиэгин уопсастыбанньыктара кыттыыны ыла сылдьаллар. Биһиги кинилэргэ ис сүрэхтэн махтанабыт», — диэн этэр салайааччы Римма Алексеева.