Өлөөн сэлиэнньэтинээҕи этнокультурнай кииҥҥэ — байыаннай дьайыы кыттыылааҕа, Луганскай уонна Донецкай норуодунай өрөспүүбүлүкэлэргэ дьаһалта бэрэстэбиитэлэ — Филипп Христофоров юнармейскай хомуурга кыттыыны ылла. Бу туһунан «Сардаҥа» хаһыат иһитиннэрэр. 

Өлөөн орто оскуолатын юнармеецтарын саамай эдэр дойдуну көмүскээччилэр кэккэлэригэр андаҕар этэн киирэр үөрүүлээх тэрээһин кыттыылаахтарын Филипп Христофоров итиитик-истиҥник эҕэрдэлээтэ уонна юнармеец буолбут дойдуну эдэр көмүскээччилэргэ «краповай» берети үөрүүлээхтик кэтэртэ.

Салгыы эдэр юнармеецтар бойобуой бэлэмнэнии упражнениетын көрдөрөннөр инники иһээччилэри сөхтөрдүлэр, краповай берети таах ылбатахтарын дакаастаатылар.

Бу үөрүүлээх түгэни туһанан полиция оройуоннааҕы отделын начальнига Меркурий Герасимов саастарынан Российскай Федерация гражданнара буолбут үөрэнээччилэргэ, эҕэрдэлээн туран, паспордары туттартаата.

Юнармейскай хомуур ийэ дойдуну айхаллыыр-уруйдуур байыаннай-патриотическай ырыаларынан доҕуһуолланан түмүктэннэ.

Николай Стручков