Таатта улууһун Уолба нэһилиэгэ «Демография» национальнай бырайыагынан «Доруобай нэһилиэк» сонун бырайыакка үлэлэһэр. Ол чэрчитинэн успуорт көрүҥнэригэр элбэх күрэхтэһиилэри ыыталлар. Олохтоохтор успуордунан көхтөөхтүк дьарыктаналлар. Бу туһунан «Таатта» хаһыат суруйар.
Быйыл өрөспүүбүлүкэҕэ физкультурнай хамсааһын 100 сылыгар анаан элбэх үлэни ыыппыттар.
“«Доруобай нэһилиэк» бырайыагынан үлэлээбиппит үһүс сылыгар барда. Хас тэрийбит успуорт көрүҥнэригэр күрэхтэһиилэрбитин хаартыскаҕа түһэрэн, араас социальнай ситимнэргэ таһаарабыт уонна отчуоттуубут. Ол түмүгэр баннердары, спортивнай көстүүмнэри, мээчиктэри ылбыппыт. Быйыл «Доруобай нэһилиэк» бырайыак сүнньүнэн өрөспүүбүлүкэ сүүс нэһилиэгэр успуорка наадалаах малы-салы түҥэттилэр. Биһиги нэһилиэк мэтээллэри, грамоталары, кубоктары ыллыбыт. Инникитин волейболга, остуол оонньуутугар күрэхтэһии ыытыахтаахпыт. Маннык бырайыакка улуустан Тыараһа, Чөркөөх, Дьүлэй нэһилиэктэрэ эмиэ киирдилэр», — диир Уолба нэһилиэгин успуорка исписэлииһэ Айтал Семенов.
Бу күннэргэ Уолба олохтоохторо бэлэх тутан сүргэлэрэ улаханнык көтөҕүллүбүт. СӨ Ил Дарханыгар Айсен Николаевка, СӨ успуорт миниистирин э.т. Леонид Спиридоновка махталлара улахан.
Читайте нас в:
