Савва Данилов: Кировскайга многофункциональнай киин тутулларыгар маҥнайгы хардыылары оҥордубут

Бу күннэргэ «Кэскил» медиа-оскуола эдкора нэһилиэгин историятын уонна инникитин туһунан Горнай улууһун Кировскай нэһилиэгин баһылыгын Савва Даниловы кытта атах тэпсэн олорон ыйыталаста.

— Савва Иннокентьевич, үтүө күнүнэн! Нэһилиэкпит историятыттан интэриэһинэй чахчылары кылгастык сырдатыаххыт дуо?

— Быйыл биһиги нэһилиэкпитигэр Ийэ олоҥхоһуппут Николай Михайлович Тарасов 95 сааһын туолла. Кини үбүлүөйүгэр анаан нэһилиэкпит Ыһыаҕын ыспыппыт, күһүн киниэхэ аналлаах улахан тэрээһин улууска ыытыллыаҕа.

Онтон нэһилиэкпитигэр интэриэһинэйэ диэн, саха норуодунай худуоһунньуга, муосчут Иван Федорович Мамаев биһиги нэһилиэкпитигэр төрөөбүтүн туһунан уонча сылтан бэттэх билэбит. Маны киэҥник тэнитэн, кини аатын үйэтитиигэ үлэ ыытыахпытын наада. Иван Федорович 2025 сылга 130 сааһын туолар. Уонна быйыл бары билэрбит курдук, художник-модельер Августина Николаевна Филиппова 75 сааһын туолар. Түгэнинэн туһанан, төрөөбүт нэһилиэгин, дьонун-сэргэтин аатыттан «Хотугу сулус» уордьанынан наҕараадаламмытынан итиитик-истиҥник эҕэрдэлиибит.

— Савва Иннокентьевич, нэһилиэккэ туох кыһалҕа, сытыы боппуруостар туралларый? Уонна ити боппуруостары кытта хайдах үлэлэһэҕитий?

— Нэһилиэкпит социальнай обьектара эргэрэн саҥардыыны эрэйэллэр. Ол курдук, кулууп, библиотека, спортзал, почта бары холбоһон Многофункциональнай киин тутулларыгар баҕа санаалаахпыт. Ону олоххо киллэриигэ бастакы хардыылары саҕалаатыбыт. Чааһынай киһиттэн уһаайбатын атыылаһан, эргэ объектарын көтүрэн, ыраастаан, сир таһаарыытыгар үлэни саҕалаатыбыт. Салгыы бырайыак докумуонугар үлэлэһиэхпит.

— Улахан махтал, ситиһиилэри баҕарабыт.

Кэпсэттэ Антон АНДРЕЕВ,

 Кировскай орто оскуолатын IX кылааһын үөрэнээччитэ, медиа-оскуола кэрэспэдьиэнэ


Читайте нас в:

Савва Данилов: Кировскайга многофункциональнай киин тутулларыгар маҥнайгы хардыылары оҥордубут

Бу күннэргэ «Кэскил» медиа-оскуола эдкора нэһилиэгин историятын уонна инникитин туһунан Горнай улууһун Кировскай нэһилиэгин баһылыгын Савва Даниловы кытта атах тэпсэн олорон ыйыталаста.

— Савва Иннокентьевич, үтүө күнүнэн! Нэһилиэкпит историятыттан интэриэһинэй чахчылары кылгастык сырдатыаххыт дуо?

— Быйыл биһиги нэһилиэкпитигэр Ийэ олоҥхоһуппут Николай Михайлович Тарасов 95 сааһын туолла. Кини үбүлүөйүгэр анаан нэһилиэкпит Ыһыаҕын ыспыппыт, күһүн киниэхэ аналлаах улахан тэрээһин улууска ыытыллыаҕа.

Онтон нэһилиэкпитигэр интэриэһинэйэ диэн, саха норуодунай худуоһунньуга, муосчут Иван Федорович Мамаев биһиги нэһилиэкпитигэр төрөөбүтүн туһунан уонча сылтан бэттэх билэбит. Маны киэҥник тэнитэн, кини аатын үйэтитиигэ үлэ ыытыахпытын наада. Иван Федорович 2025 сылга 130 сааһын туолар. Уонна быйыл бары билэрбит курдук, художник-модельер Августина Николаевна Филиппова 75 сааһын туолар. Түгэнинэн туһанан, төрөөбүт нэһилиэгин, дьонун-сэргэтин аатыттан «Хотугу сулус» уордьанынан наҕараадаламмытынан итиитик-истиҥник эҕэрдэлиибит.

— Савва Иннокентьевич, нэһилиэккэ туох кыһалҕа, сытыы боппуруостар туралларый? Уонна ити боппуруостары кытта хайдах үлэлэһэҕитий?

— Нэһилиэкпит социальнай обьектара эргэрэн саҥардыыны эрэйэллэр. Ол курдук, кулууп, библиотека, спортзал, почта бары холбоһон Многофункциональнай киин тутулларыгар баҕа санаалаахпыт. Ону олоххо киллэриигэ бастакы хардыылары саҕалаатыбыт. Чааһынай киһиттэн уһаайбатын атыылаһан, эргэ объектарын көтүрэн, ыраастаан, сир таһаарыытыгар үлэни саҕалаатыбыт. Салгыы бырайыак докумуонугар үлэлэһиэхпит.

— Улахан махтал, ситиһиилэри баҕарабыт.

Кэпсэттэ Антон АНДРЕЕВ,

 Кировскай орто оскуолатын IX кылааһын үөрэнээччитэ, медиа-оскуола кэрэспэдьиэнэ



Читайте дальше

Юмор ЧП Спорт СВО Отдых Обо всём Мир Культ