Чурапчыга Николай Федоров кэриэһигэр волейбол түһүлгэтэ ыччаты түмтэ

Ааспыт өрөбүллэргэ Чурапчыга  РФ үөрэҕириитин туйгуна, СР үөрэҕириитин туйгуна, «Учууталлар учууталлара» анал бэлиэ хаһаайына Николай Иванович Федоров кэриэһигэр оҕолорго 2 күннээх республиканскай аһаҕас турнир буолан ааста.

Уопсайа 19 хамаанда, Чурапчыттан — 4, Дьокуускайтан — 6, Амматтан, Тааттаттан, Уус Алдантан, Хаҥаластан, Намтан волейболу таптааччылар кэлэн күөн көрүстүлэр. 10 уол, 9 кыыс хамаандата улуустарын чиэһин көмүскээтилэр.

Чурапчытааҕы оскуола-интернат волейболга тренердэрэ Саргылана Оконешникова, Альберт Бродников көҕүлээһиннэринэн, кинилэр этии киллэрэннэр, улуустааҕы үөрэх салалтата, Д.П.Коркин аатынан спортивнай оскуола, Чурапчы улууһун спортивнай оскуола салайааччылара өйөөннөр күрэхтэһии үрдүк таһымнаахтык ааста. Көтөр мээчик улахан түһүлгэтин Владислав Кривошапкин салайан ыытта, сүрүн судьуйанан үлэлээтэ.

Икки күннээх сытыы киирсиилэр түмүктэринэн, уолаттарга 1 миэстэни — Чурапчы N1,  2 миэстэ — Амма, 3 миэстэ — “Морита” Дьокуускай хамаандата ыллылар. Кыргыттарга 1 миэстэ — Дьокуускай, 2 миэстэ — Чурапча N1,  3 миэстэ — Дьокуускай куорат ДЮСШ — 5 хамаандалара ыллылар.

«Кыайыылаахтарга, бастыҥ оонньооччуларга сыаналаах бирииһи олохтообут аҕабыт бииргэ төрөөбүттэригэр, аймахтарбытыгар, Мырыла орто оскуолатыгар, Мырыла олохтоох дьаһалтатыгар, аҕабыт доҕотторугар, биир кэмҥэ үлэлээбит оскуолалар директордарыгар, кэргэнэ Тамара Васильевна Павловаҕа, аҕабыт аатын үйэтиппит бу  күрэхтэһии бука бары  тэрийээччилэригэр дьиэ кэргэммит аатыттан барҕа махталбытын биллэрэбит”, — диэн үллэһиннэ Николай Иванович Федоров кыыһа Лилия Никитина-Долгун.


Читайте нас в:

Чурапчыга Николай Федоров кэриэһигэр волейбол түһүлгэтэ ыччаты түмтэ

Ааспыт өрөбүллэргэ Чурапчыга  РФ үөрэҕириитин туйгуна, СР үөрэҕириитин туйгуна, «Учууталлар учууталлара» анал бэлиэ хаһаайына Николай Иванович Федоров кэриэһигэр оҕолорго 2 күннээх республиканскай аһаҕас турнир буолан ааста.

Уопсайа 19 хамаанда, Чурапчыттан — 4, Дьокуускайтан — 6, Амматтан, Тааттаттан, Уус Алдантан, Хаҥаластан, Намтан волейболу таптааччылар кэлэн күөн көрүстүлэр. 10 уол, 9 кыыс хамаандата улуустарын чиэһин көмүскээтилэр.

Чурапчытааҕы оскуола-интернат волейболга тренердэрэ Саргылана Оконешникова, Альберт Бродников көҕүлээһиннэринэн, кинилэр этии киллэрэннэр, улуустааҕы үөрэх салалтата, Д.П.Коркин аатынан спортивнай оскуола, Чурапчы улууһун спортивнай оскуола салайааччылара өйөөннөр күрэхтэһии үрдүк таһымнаахтык ааста. Көтөр мээчик улахан түһүлгэтин Владислав Кривошапкин салайан ыытта, сүрүн судьуйанан үлэлээтэ.

Икки күннээх сытыы киирсиилэр түмүктэринэн, уолаттарга 1 миэстэни — Чурапчы N1,  2 миэстэ — Амма, 3 миэстэ — “Морита” Дьокуускай хамаандата ыллылар. Кыргыттарга 1 миэстэ — Дьокуускай, 2 миэстэ — Чурапча N1,  3 миэстэ — Дьокуускай куорат ДЮСШ — 5 хамаандалара ыллылар.

«Кыайыылаахтарга, бастыҥ оонньооччуларга сыаналаах бирииһи олохтообут аҕабыт бииргэ төрөөбүттэригэр, аймахтарбытыгар, Мырыла орто оскуолатыгар, Мырыла олохтоох дьаһалтатыгар, аҕабыт доҕотторугар, биир кэмҥэ үлэлээбит оскуолалар директордарыгар, кэргэнэ Тамара Васильевна Павловаҕа, аҕабыт аатын үйэтиппит бу  күрэхтэһии бука бары  тэрийээччилэригэр дьиэ кэргэммит аатыттан барҕа махталбытын биллэрэбит”, — диэн үллэһиннэ Николай Иванович Федоров кыыһа Лилия Никитина-Долгун.



Читайте дальше

Юмор ЧП Спорт СВО Отдых Обо всём Мир Культ