Орто халымалар буойуттарга алгыстарын анаатылар

Орто Халыматааҕы муниципальнай тэриллии дьаһалтатын баһылыгын социальнай эйгэҕэ солбуйар Александра Явловская СВО-ҕа, ол эбэтэр байыаннай дьайыыга улуустан уонна Дьокуускай куоракка олорор биир дойдулаахтарыттан уопсайа 77 киһи быһаччы кыттарын туһунан кэпсээтэ. Улуус иһинэн ылан эттэххэ, патриот эр дьоҥҥо өй-санаа өттүнэн көмөлөһөргө уонна араас өйөбүллэри оҥорорго дьон эппиэтинэстээхтик кыттар, диэн суруйар «Халыма долгуннара» хаһыат.

Ол курдук, кэлиҥҥи кэмҥэ 8 нэһилиэк олохтоохторо бэйэ аһын-үөлүн бэлэмнээн, уопсайа 51 миэстэни улуус киинигэр ыыппыттар, оттон Орто Халыма куорат дьоно-сэргэтэ көмөҕө аналлаах счекка үп-харчы киллэрбиттэр.

Байыаннай дьайыыга кыттар аҕалаах 4 кырачаан быйыл оскуолаҕа маҥнайгы кылааска үөрэнэ киирбит, оттон орто оскуоланы бүтэрэн 2 ыччат ХИФУ устудьуоннара буолбуттар.

Маны сэргэ буойуттар төрөппүттэригэр уонна дьиэ кэргэттэригэр үгүс болҕомто ууруллар, көмө оҥоһуллар. Холобур, дьиэлэри ититэр систиэмэлэри ыраастыырга үлэ барбыт, ону тэҥэ оттук маһы хайытан, сааһылаан бэлэмнээбиттэр.

СВО-ҕа сылдьар буойуттарга биирдиилээн да дьон тус санааларын биллэрэллэр. Ол курдук, А.Н.Созонов аатынан оҕо ускуустубатын оскуолатын учуутала, ийэ Евдокия Лаптева байыаннай дьайыыларга баар дьоҥҥо туһаайан, олохтоох матырыйаалтан араҥаччылыыр, арчылыыр аналлаах «Уол оҕо харысхала» бэлиэни анаан-минээн оҥорбут. Бу ураты сэрэхтээх дьайыыга кыттар дьон төрөппүттэрэ, кэргэттэрэ, оҕолоро, хаан-уруу аймахтара ханнык турукка сылдьалларын ким баҕарар сэрэйэн өйдүүрэ буолуо.

Соторутааҕыта Александра Явловская быһаччы тэрийиитинэн буойуттар ийэлэрэ, эдьиийдэрэ 8 дьахтар уонна 1 аҕа Халыма Эбэ сүнньүнэн айылҕаҕа тиийэн сынньаннылар. Отуу чэйин иһэн, балык миинин амсайан сэргэхсийдилэр. Ону тэҥэ араас күрэхтэргэ көхтөөхтүк кыттан санааларын сайҕаатылар. Кинилэр Александра Явловскаяҕа, дьаһалта исписэлииһигэр Юрий Третьяковка, суудуна хапытааныгар Григорий Щербаҕа, Виктория Лаптеваҕа, Оксана уонна Михаил Слепцовтарга бу кэрэхсэбиллээх айаны- сырыыны, көрсүһүүнү тэрийбиттэригэр махталларын биллэрдилэр.

Боотурдар — хоһуун хотойдор кыайыы көтөллөнөн төрөөбүт дойдуларыгар этэҥҥэ эргиллэн кэлэллэригэр алгыстарын анаатылар!

Акулина Колесова


Читайте нас в:

Орто халымалар буойуттарга алгыстарын анаатылар

Орто Халыматааҕы муниципальнай тэриллии дьаһалтатын баһылыгын социальнай эйгэҕэ солбуйар Александра Явловская СВО-ҕа, ол эбэтэр байыаннай дьайыыга улуустан уонна Дьокуускай куоракка олорор биир дойдулаахтарыттан уопсайа 77 киһи быһаччы кыттарын туһунан кэпсээтэ. Улуус иһинэн ылан эттэххэ, патриот эр дьоҥҥо өй-санаа өттүнэн көмөлөһөргө уонна араас өйөбүллэри оҥорорго дьон эппиэтинэстээхтик кыттар, диэн суруйар «Халыма долгуннара» хаһыат.

Ол курдук, кэлиҥҥи кэмҥэ 8 нэһилиэк олохтоохторо бэйэ аһын-үөлүн бэлэмнээн, уопсайа 51 миэстэни улуус киинигэр ыыппыттар, оттон Орто Халыма куорат дьоно-сэргэтэ көмөҕө аналлаах счекка үп-харчы киллэрбиттэр.

Байыаннай дьайыыга кыттар аҕалаах 4 кырачаан быйыл оскуолаҕа маҥнайгы кылааска үөрэнэ киирбит, оттон орто оскуоланы бүтэрэн 2 ыччат ХИФУ устудьуоннара буолбуттар.

Маны сэргэ буойуттар төрөппүттэригэр уонна дьиэ кэргэттэригэр үгүс болҕомто ууруллар, көмө оҥоһуллар. Холобур, дьиэлэри ититэр систиэмэлэри ыраастыырга үлэ барбыт, ону тэҥэ оттук маһы хайытан, сааһылаан бэлэмнээбиттэр.

СВО-ҕа сылдьар буойуттарга биирдиилээн да дьон тус санааларын биллэрэллэр. Ол курдук, А.Н.Созонов аатынан оҕо ускуустубатын оскуолатын учуутала, ийэ Евдокия Лаптева байыаннай дьайыыларга баар дьоҥҥо туһаайан, олохтоох матырыйаалтан араҥаччылыыр, арчылыыр аналлаах «Уол оҕо харысхала» бэлиэни анаан-минээн оҥорбут. Бу ураты сэрэхтээх дьайыыга кыттар дьон төрөппүттэрэ, кэргэттэрэ, оҕолоро, хаан-уруу аймахтара ханнык турукка сылдьалларын ким баҕарар сэрэйэн өйдүүрэ буолуо.

Соторутааҕыта Александра Явловская быһаччы тэрийиитинэн буойуттар ийэлэрэ, эдьиийдэрэ 8 дьахтар уонна 1 аҕа Халыма Эбэ сүнньүнэн айылҕаҕа тиийэн сынньаннылар. Отуу чэйин иһэн, балык миинин амсайан сэргэхсийдилэр. Ону тэҥэ араас күрэхтэргэ көхтөөхтүк кыттан санааларын сайҕаатылар. Кинилэр Александра Явловскаяҕа, дьаһалта исписэлииһигэр Юрий Третьяковка, суудуна хапытааныгар Григорий Щербаҕа, Виктория Лаптеваҕа, Оксана уонна Михаил Слепцовтарга бу кэрэхсэбиллээх айаны- сырыыны, көрсүһүүнү тэрийбиттэригэр махталларын биллэрдилэр.

Боотурдар — хоһуун хотойдор кыайыы көтөллөнөн төрөөбүт дойдуларыгар этэҥҥэ эргиллэн кэлэллэригэр алгыстарын анаатылар!

Акулина Колесова



Читайте дальше

Юмор ЧП Спорт СВО Отдых Обо всём Мир Культ