Өлүөнэ өрүһү туоруур муоста тутуутун илин эҥэр олохтоохторо бары да күүтэбит, кэтэһэбит, диир Чурапчы олохтооҕо Александра Корякина. Олохтоохтор бу туһунан этиилэри, иһитиннэриилэри кэтииллэр, диэн «Саҥа олох» хаһыат суруйар.
«Дойду бэрэсидьиэнэ Владимир Путин быһа эфиригэр муоста тутуутун болдьоҕун чуолкайдыыр наадатын, сыана үрдүү турарынан өр сылларга тардылыктаммыт тутуу буолбатын гына хамсанары эттэ. Кырдьык, муостабыт түргэнник тутулла охсоро буоллар үөрүө этибит. Билигин чурапчылар асфальт суолланан, автобустанан айаҥҥа-сырыыга табылынныбыт. Бэйэм массыыналаах киһи буоларбынан, өссө муостабыт тутулуннаҕына, куоракка кэлэргэ-барарга абыраныа этибит», — диэн этэр Александра Корякина.
Санатан эттэххэ, дойду бэрэсидьиэнэ Владимир Путин Уһук Илин куораттарын биир кэлим сайдыытыгар мунньаҕы ыытта. Мунньах быһа биэриинэн көһүннэ. Манна Владимир Путин Саха сиригэр туһааннаах Өлүөнэ уонна Алдан муостата, Халыма федеральнай суол, Жатай судоверфэ, Муусука үрдүкү оскуолатын тутуута, о.д.а. боппуруостары таарыйда.
Читайте нас в:
