Кэбээйи нэьилиэгин «Үтүө түгэн» түмсүү чилиэннэрэ анал байыаннай дьайыы кыттыылаахтарыгар анаан 80-ча блиндажнай чүмэчини бэлэмнээтилэр, «Дабаан» хаһыат суруйар.
Сир аһа ситэр, кус оҕото куорсун анньынар кэмигэр Кэбээйи нэһилиэгэр Саха сирин «Дууһабытынан эдэрбит» киинин «Үтүө түгэн» түмсүүтун чилиэннэрэ (салайааччы Максимова Татьяна Давыдовна) хас да күн турунан туран, сүрэхпит баҕатынан, илиибит сылааһынан 80-ча бааҥкаҕа парафин кутан, байыаннай дьайыыга сылдьар уолаттарбытыгар анаан, блиндажнай чүмэчилэри бэлэмнээтибит.
Анал байыаннай дьайыыга сылдьар саха уолаттара маннык чүмэчилэр олус абыраллаахтарын кэпсииллэр эбит. Ол курдук хараҥа, сииктээх окуопаҕа Аал уоту санатар чүмэчи уотугар илиилэрин иттэллэр, астарын сылытталлар.
«Үтүө түгэн» түмсүү волонтердара байыаннай дьайыыга сылдьар уолаттарга Кыайыы көтөллөөх дойдуларыгар эргиллэн кэлэллэрин туьугар анаан онорбут чумэчибитигэр алгыспытын анаатыбыт уонна куоракка көмөнү түмэр кииҥҥэ тиксэриэхпит.
Венера Лугинова, «Үтүө түгэн» түмсүү чилиэнэ
Читайте нас в:
