Хаҥалас улууһун Үөһээ Бэстээҕэр, Өлүөнэ биэрэгэр, «26 школа» түмсүү бөлөҕө Физкультурник күнүгэр анаан волейбол турнирын түмсүү чилиэннэригэр уонна ыҥырыллан кэлбит спортсменнарга тэрийэн ыытта. Уопсайа 5 хамаанда круговой системанан кумахха оонньоотулар. Уратыта диэн хамаанда 1 ветерантан, 2 кыыстан уонна 3 эр киһиттэн турар, кыттааччылар бэйэлэрэ тардан ылбыт сэрэбиэйинэн хамаанда таҥыллар.
Бары хамаандалар тэҥ күүстээх буоланнар, угус оонньуулар толору 3 партия тыҥааһыннаах киирсиилэри көрдөрдүлэр.
Турнир түмүгүнэн:
«Мохсоҕол» хамаандата 1 миэстэ буолла (хамаанда састааба: Николай Палыч, Антон Дианов, Роман Данилов, Марк Харлампьев, Валентина Суханова, Ангелина Жирохова).
2 миэстэ — «Дьулуур» (Петр Прокопьев, Леонид Зярянов, Арылхан Федоров, Николай Пухов, Иза Аммосова, Полина Петрова).
3 миэстэ — «Өлүөнэ» (Вася Никитин, Афоня Колесов, Засим Никитин, Иван Семенов, Марина Седалищева, Таптал Трифонова).
Ону таһынан турнир чулуу оонньооччулара бэлиэтэннилэр: «Лучший игрок» — Антон Дианов, Полина Петрова, «Лучший защитник» — Иван Семенов, Алла Москвитина, «Лучший нападающий» — Арылхан Федоров, Ангелина Жирохова, «Лучший связующий» — Илья Павлов, Таптал Трифонова.
Турнир чулуу оонньооччуларыгар анал бириистэр туттарылыннылар. Хас биирдии бирииһи түмсүү чилиэннэрэ, куруук өйүүр убаастабыллаах спонсордар олохтоотулар. Ол эбэтэр Владимир Чичигинаров, Борис Винокуров, Иван Решетников онтон да атыттар.
Маннык кыра ураты турнирдары «26 школа» түмсүү тэрийбитэ 4-с сыла буолла. Хас сыл ахсын тэрээһин таһыма урдээн, кыттааччы ахсаана элбээн, оонньооччулар көрдөрүүлэрэ тупсан иһэр.
Бу үөрэх дьылыгар маҥнай Мэҥэ Хаҥаласка, онтон Нам улууһугар ыытыллыбыттара. Маннык тэрээһиннэр көтөр мээчиги сөбүлээн оонньуур араас саастаах спортсменнары бииргэ түмэр, сомоҕолуур уонна чөл олоҕу тутуһарга көҕүлүүр сыаллаах-соруктаах тэриллэллэр.
Өрөспүүбүлүкэбит чугас сытар улуустарыгар итинник турнирдары тэрийэн, дьону чэгиэн буолууга угуйуохпутун уонна чөл олоҕу көҕүлүөхпүтүн баҕарабыт.
Таптал Трифонова, «26 школа» түмсүү чилиэнэ
Өссө ааҕыҥ:
Саталга волейбол түһүлгэтэ үгүс кыттааччыны түмтэ
Читайте нас в:
